# Pahadar 105 thun harei menek Đại tướng Võ Nguyên Giáp (25/8/1911-25/8/2016), pak Hà Nội, Học viện Chính trị Negar Hồ Chí Minh, Viện Hồ Chí Minh saong dom urang pal akaok Đảng peih ngak van ginem biai Khoa học “Đại tướng Võ Nguyên Giáp ngan haong Cách mạng Việt Nam”. Pak van ginum biai, dom urang lambaok gam gauk ginum biai ka rai diuk, kareih camin hadah hadai di  Đại tướng Võ Nguyên Giáp, urang hu ralo rik daong prong saong biak naih jioy dalam bruk ngak di Đảng, bangsa saong cách mạng Việt Nam.

      # Di tỉnh Khánh Hòa, jit ruak pandiak tabiak drah daok patrun. Min, gah chức năng tỉnh ini patui peih dom jalan ngak dự phòng piah klah jit tamuh tabiak.

     # Mbang hajan ribuk dalam dom harei tapa, tỉnh Yên Bái njauk pambak khang ka bruk ngak ngak nong ngan haong yaok rituh héc ta padai, tangeiy saong njam patam, danao ikan njauk halam jam, ba tatheik. Urak ini, mikva urang patui veik bruk pasiam veik padai, peih ngak bruk pala drak. 

      # Piah daong iek glang pren yava bhap bini abih di nyu nan lac urang kan kathaot saong jaik si kan kathaot, meng akaok thun 2016, tỉnh  Sóc Trăng hu kế hoạch, padang danh sách saong daong blei BHYT ka labaih 25.000 urang sarak karja, urang kan kathaot ngan saong abih tih yaom jien labaih 67,5 tỷ đồng. Barau ini, hội đồng bhap bini tỉnh Sóc Trăng jeng hu brei tapa bruk daong 30% yaom BHYT ka baoh sang jaik si kan kathaot dalam tỉnh meng akaok bilan 9 tal abih thun 2016.

      # Harei 10 saong 11/9 tal, Muyim bangsa bac Việt Nam pambuak haong Sở Ilamo, Padhih saong Rivang ma-in Bạc Liêu, Muyim bal Bạc Liêu peih ngak danak dak bui ma-in Tết Trung thu ngan haong asal kadha “Sambo màu ilamo Bạc Liêu”. Dom bruk ngak ndung bak ilamo meda hu peih ngak piah meyaih khan tal bhap bani saong dom adei ranaih dom janih ilamo biak karei di bhum taneh Bạc Liêu yau: m-in lân sư; ilamo Rô băm Bạc Liêu; daoh tamia tài tử...

       # Mintri Thông tin saong truyền thông pambuak saong UB bhap bini tỉnh An Giang barau peih họp báo ka prang iek bản đồ saong parang iek tư liệu “Hoàng Sa, Trường Sa di VN – dom bằng chứng sajarah dak rai saong pháp lý”. Tui mban peih bruk, parang iek piah yaih khan dom tư liệu, văn bản, văn kiệ, ấn phẩm saong bản đồ hu công bố di dom urang ruah duah, học giả dalam taneh ia, dunya. Parang iek rah tabiak meng harei 23/8 mbiah tal harei 27/8, di sang bac đại học  AN Giang.

       # Hadei di dua harei dui atah tukvak taduan mek hồ sơ nhập học, thí sinh mai  xác nhận bac megru pak dom sang bac đại học angaok bal raya Hồ Chí Minh jeng mboh biak takik. Meng ini tal harei 31/8, sang bac xét tuyển pabak mbang ka 1 hệ chính quy, ngan haong điều kiện: dom môn thi dalam tổ hợp đăng ký xét tuyển hu điểm pakacah prong jang 1 saong hu taong abih điểm oh biar jang 17 điểm ngan haong hệ đại trà saong 16 điểm ngan haong hệ chất lượng glaong.

       Patui di ini dom khau tin dunya:

     # Labaih 90 ribau anek saih CPC tame mbang pakacah tamat THPT. Ini lac thun ka 2 CPC peih bruk jak ba “ndom oh saong tiêu cực dalam pakacah saong ruak thành tích dalam pato megru” yau di VN piah paglaong chất lượng pato megru.

      # Akaok Cục Xúc tiến thương mại dunya Thái Lan, amuk Ma-ly bahrau ini brei thau, Cục Xúc tiến thương mại dunya meda ba tabiak jalan ngak piah pasiam veik bruk pablei tabiak negar langiu daok patrun dalam tukvak tapa, dalam nan meda buh tabiak yaom jien prong brei peih ngak bruk xúc tiến thương mại pak darak pasar Campuchia, Lào, Myanmar saong Việt Nam.

      # Gah y tế di HQ brei thau, dom ruak njom mbak kayua jamuok yau virus Zika saong pandiak tabiak drah meda patagok di Đông Nam Á dalam meteh thun ini./.