Khaw tin 6h30 harei 24/8/2017

# Gah langiu Nyaom biai mbang ka klau dom urang jakar pakat glaong (SOM 3) Diễn đàn pambuak bruk kinh tế châu Á - Thái Bình Dương (APEC), page ini (23/8), Mentri Y tế peih pakak Văn phòng Pasak pabak samar drah bruk y tế công cộng gah meraong. Mentri Y tế saong Dịch vụ anek manuac Hoa Kỳ lac jabat daong ilamu ka pasak. Ini lac pasak akaok meti di bhum taneh gah meraong saong lac pasak ka 3 pak Việt Nam piah daong ka gah y tế tacei ba, pacang caga dom bruk njauk ngak chip gah y tế, nan lac dom jit ruak nguy hiểm daok tamuh tabiak atau bahrau mboh ngak pambak tal an sinh xã hội, pren yava di bhap bani.

# Pasak Y tế dự phòng Hà Tĩnh brei thau:  tal tukvak ini dalam tỉnh Hà Tĩnh hu 117 urang ruak pandiak tabiak darah, dom urang ruak nan jeng hu iek ruak caik karei di sang iek ruak huyện. Abih di nyu nan lac sruh jit pandiak tabiak darah di palei Nam Sơn xã Thịnh Lộc huyện Lộc Hà hu 48 urang  ruak saong hu iek ruak di sang iek ruak huyện Lộc Hà. Urak ini sruh jit di palei Nam Sơn, xã Thịnh Lộc daok hu pacang cakak, labaih sa adit oh hu urang ruak bahrau.

# Karja  palei hu mai rivang, daong baoh sang 3 anek saih urang bangsa Raglay, daok di xã Cam Phước Tây, huyện Cam Lâm, tỉnh Khánh Hòa metai mblung ia biar harei kabroi. Ong Lê Tấn Long, Akaok Ủy ban bhap bani xã Cam Phước Tây, huyện Cam Lâm, tỉnh Khánh Hòa brei thau, lubang ia nan di dự án binek Tà Rục, kayua Công ty cổ phần xây dựng saong chuyển giao công nghệ thủy lợi daok  ngak.

# Bruk mblung ia di uranaih jeng rah tabiak di rilo puk palei di tỉnh Vĩnh Phúc. Makna di dom bala ini lac kayua bruk takik caik hatai sangka di urang praong saong kayua uranaih oh ka thau luai ia atau oh ka hu tacei pato dom jalan khik caga an toàn tuk luai di danao, kraong, ribaong...

# Liên đoàn Lao động tỉnh Đồng Nai daok pasang iek veik bruk urang ngak  meng 10 – 15 thun halar hatian padeih bruk piah taduan mek jien daong. Liên đoàn Lao động Đồng Nai jeng hu tacei pato Công đoàn cơ sở duah thau, ngak bruk haong urang ngak, tacei brei urang mboh bruk hu saong bruk oh hu tuk padeih bruk. Urang padeih bruk halar hatian padeih bruk ralo meng lac urang jaik abih umo ngak bruk, min jeng hu urang kayua bruk sang, caong hu pok jien prong.

# Piah khik caga siam bruk nao mai angaok jalan mbak, abih di nyu nan lac di libik jalan nao tapa jalan radaih apui saong dom canah jalan dân sinh, tỉnh Ninh Thuận caong hu labaih 3,6 tỷ đồng piah padang dom biển báo, gờ gồ trun tốc độ di jalan tapa jalan radaih apui nao tapa dalam tỉnh. Tui panuac khan di mban An toàn giao thông tỉnh Ninh Thuận, canah jalan radaih apui Brak – meraong nao tapa 4 huyện, ban di tỉnh tah labaih 60km.

# Tui Pasak mong iek pren yava caih menek tỉnh Đắk Lắk, uranaih lavang lavaih dalam tỉnh jeng daok di tanut glaong, dang ka klau pakat negar, hadei di dua tỉnh Kon Tum saong Gia Lai. Thun 2016, pak Đắk Lắk, uranaih umo ala 5 thun lavang lavaih teik njuan lac 20,5%, lavang lavaih biar katut lac 31,7%. Dalam 6 bilan akaok thun 2017,uranaih umo ala 5 thun lavang lavaih njuan kilo trun daok 20% saong uranaih lavang lavaih biar katut daok 31,2%.

Khaw tin dunya

# Thư ký Hội đồng An ninh saong Quốc phòng Ucraina A-lếch-xan-đơ Tu-rơ-chin-nốp  hu khan tagok Tổng thống Pi-ốt Pô-rô-sen-cô, brei thau bruk taneh ia ini oh pambuak tal danakdak tên lửa di Triều Tiên ye asal kadha ba tagok blah Thời báo Niu-oóc, Mỹ dahlau nan. Ông khan lac, jabat pasang iek phao ndao tabiak taneh ia lingiu di Ucraina oh caik lọt bruk jao brei động cơ tên lửa RD-250 ka Triều Tiên.

# Labaih 450 urang njauk rambuis dalam lễ hội parah patau Gót-ma yaok thun, rah tabiak di bang Mát-đhi-a Pra-đét, Ấn Độ. Cảnh sát pak nan brei thau, dom urang quá khích hu mbaok dalam lễ hội hu parah patau tame gam  gah chức năng saong radaih cứu thương pak lễ hội. Lễ hội papah patau Gót-ma hu meng labaih 300 thun tapa, hu peih ngak dalam harei som hadei di sa bingun bahrau Ha-đra-pát, pak dua pali Pan-hút-na saong Sa-oa-gôn daok di dua gah kraong Gia-am.

# Sa mbang khuah praong barau rah tabiak di ban Rô-xtốp di kraong Đông, gah meraong taneh ia Nga, ngak khat lihik praong ka drap ar, ngak ka sa urang metai saong rilo urang karei bị thương. Mbang khuah camreip meng sa baoh sang dalam palei, hadei nan mbang tabiak libik taphia praong 10 rabau mét vuông  saong mbang labaih 100 ratuh baok sang, libik daok di labaih 200 sang./.