Khaw tin 6h30 harei  25-5

#Phó Thủ tướng rajaei Vương Đình Huệ bahrau hu panuac tacei ka bruk pasang iek dom danak ba brei oh bayar veik. Tapa nan, Phó Thủ tướng pandar Ủy ban bhap bini dom tỉnh, ban di Trung ương samar payua harak pathau khan ka mintri Kế hoạch song Đầu tư dahlau di harei 15/6/2017 piah pataom veik, pok tagok Thủ tướng rajaei.  Tui pathau khan di dom tỉnh ban, mintri Kế hoạch song Đầu tư dang tabiak, pambuak bruk song mintri jien padai, mintri Tư pháp, mintri Tài nguyên song  Môi trường pataom veik, pok panuac likau langyah dom tavak tavaiy saong ba tabiak dom jalan ngak.

#Hadei sa tukvak atah laik tame kandang joa, bruk pablei brah tabiak taneh ia lingiu urak ini daok siam tagok. Dalam 4 bilan akoak thun 2017, brah dalam negar pablei tabiak taneh ia langiu hu labaih 1,6 triệu tấn, tui yaom jien labaih 701 triệu USD. Yaom lac brah pablei tabiak taneh ia langiu dalam 4 bilan akoak thun 2017 jeng daok bair rilo duk saong dom bilan ini thun dahlau, jaik 14%, min meng bilan 4 tal ini mboh hu siam tagok.

#Harei 23/5, Ủy ban bhap bini ban Cần Thơ peih bruk sơ kết 1 thun peih ngak sarak 35  di Thủ tướng rajaei ka bruk dong brei song patagok  doanh nghiệp. Ban Cần Thơ ba tabiak jalan ngak lac tal thun 2020 meda hu 13.800 doanh nghiệp; dalam nan,  padang bahrau 6.900 doanh nghiệp song hu meng 20-25% doanh nghiệp ba công nghệ glaong tame ngak, ba bruk ngak ka labaih  210.000 urang ngak; dalam nan urang kamei hu labaih 40%.

#  Công đoàn pato megru Việt Nam hu jhul khang bruk jak ba daong gru pato bhum atah bayah. Urak ini, labaih 1.000 công trình sang daok ka gru pato hu padang ngak. Thun bac 2016 - 2017, Công đoàn pato megru hu daong 15 công trình yaom  8,4 tỷ đồng ka dom tỉnh kan kandah. Công đoàn pato megru Việt Nam caong karja hu bruk đầu tư rilo jang ka sang công vụ gru pato, rik daong ka urang ngak dalam gah pato megru di bhum atah bayah sahanang hatai ngak bruk, ba abih pren di drei ka bruk pato megru.

     / Mesup harei  24/5, yaok ribau urang  Chăm Bà-ni di Bình Thuận ngak adat nao gul, sa dalam dom adat cambat peih akaok ka bilan eik Ramưwan. Adat ini di urang Chăm Bà-ni bhian peih ngak tui yaok but pajaih, tui palei. Urang pataom gauk di taneh kubo, buac hareik, ramik kubo. Urak ni  tỉnh Bình Thuận hu labaih 16.300  urang Chăm Bà-ni. 

# Pagaiy harei 24/5, di sang megik Hayatul Islam, phường 12, quận 10, ban raya Hồ Chí Minh. Uy mban mat tran negar ban raya Ho Chi Minh pambuak bruk saong uy mban bhapbini phuong 12, quan 10 alin labaih 70 paok pandap saong jien ka mikva Cam tame bilan eik Ramadan thun 2017. Ông Haji Ko Sêm, Hakim sang megik Hayatul Islam brei thau:

 #Harei 23/5, Ủy ban bhap bini tỉnh An Giang hu var ngak bruk song 2 công ty Hagihara  song Raycean di Nhật Bản ka bruk peih prong đầu tư dalam bruk ngak nong hữu cơ song  du lịch di tỉnh An Giang. Dalam thun ni, tỉnh An Giang song  Công ty Hagihara peih  4 trang trại pala dưa lưới tui công nghệ di Nhật Bản.  Gah Công ty Hagihara song  Công ty Raycean sanya dong ka An Giang dalam bruk ba dưa lưới song kaya nong An Giang tame dom siêu thị  di Nhật Bản dok di Việt Nam jang yau di darak pasa  Nhật Bản song dunya .

Khaw tin dunya

      #Phi-líp-pin njauk hiện đại hóa bol bala piah pacang cakak kol Is. Ini lac panuac di Tổng thống Phi-líp-pin Rô-đri-ghô Đu-tê-tê daok ravang Nga di mbang nyaom hadei mbang gaok Tổng thống Nga Vla-đi-mia Pu-tin harei  23/05. Jeng dalam mbang họp báo, ông Đu-tê-tê hu patabiak áp đặt bruk khẩn cấp di pulao  Min-đa-nao di taneh ia ini hadei di tuk mesruh gauk patuh tabiak khang di gah an ninh Phi-líp-pin saong phiến quân hu talei pambuak bruk saong Is daok gindauk di ini ngak ka takik abih 3 urang metai saong 12 urang karei bị thương.

/ #Harei 23/5, nhật báo Granma di Cuba brei thau, Gah  Y tế dunya  (WHO) meda jao giải thưởng y tế  brei kapul y tế Henry Reeve hu angan je di  Cuba di harei 26/5 anak tal piah pok meyaom bruk rik dong patagok talei jum pataom dalam bruk y tế di negar palao kaoh Caribe ngan song bhap bini dunya.  Ni lac giải thưởng bo WHO jao brei piah pok meyaom dom urang, dom gah, atau kapul rajaei hu dom rik dong biak prong dalam bruk  y tế dunya./.  

#  Liên minh Châu Âu barau tabiak quyết định giới hạn bruk ngak di hãng kapal haok negar Triều Tiên E Kô-ri-ô (Air Koryo) angaok lingik  Châu Âu dalam 7 thun hamiet. Rayo papar sap VOA di Mỹ brei thau, dalam harak cập nhật dom angan  an toàn jalan kapal haok Liên minh Châu Âu, Ủy ban Châu Âu brei thau daok pakuak kapal haok di hãng kapal haok E Kô-ri-ô par di bhum lingik Châu Âu kayua oh pabak tiêu chuẩn an toàn di dunya. Tok hu dua sruh kapal haok TU-204 di hãng ini kayua Nga ngak tabiak hu adat brei par .