# Urak ni, tỉnh Lai Châu hu jiak 2.300 urang karja, công chức pakat xã, dalam nan hu jiak 2.000 urang jakar bangsa takik di puk palei. Piah dak harei dak chuẩn hóa kapul urang jakar ni, dom thun tapa tỉnh Lai Châu hu tabiak bruk ba nao pato megru, min tal urak ni jeng dok hu labaih 1.500 urang jakar, công chức hu ilamu chuyên môn meng trung cấp trun; abih di nyu nan lac dalam dom urang jakar ni, hu jiak 900 urang tok bac trung học cơ sở song tiểu học.

# Hadei 3 thun peih ngak dự án patruh eik patrun kathaot di 217 puk palei dalam 5 huyện kan kathaot di tỉnh Gia Lai, tal urak ini, dom công trình hạ tầng cơ sở hu buh jien tame padang ngak, ralo nyaom salih barau jalan ngak mbang hu padang tagok tapa dom bruk ngak phun pala, athur raong njauk hong bruk anak meta di bhap bini. Bruk nan hu daong ka bhap bini salih barau jalan saneng, jalan ngak paglaong ilamu tani tanat khang kajap rai diuk.

# Panuac khan meng Khoa Tâm thần uranaih  sang iek ruak tâm thần trung ương 2 (ban Biên Hòa) brei thau, dok patagok bruk uranaih njauk dom ruak nhiễu loạn tâm lý. Dom thun jiak di ni, yaok thun khoa hu taduan meng 200-300 mbang. Bruk njauk menyai nan lac, dom urang ruak tame sang iek ruak dalam umo anek saih Trung học cơ sở . 

# Tui Chi cục raong glang saong thú y tỉnh Long An, gah barau peih bruk mek mẫu duk iek định kỳ labaih 30 drei ada, cim blai, ngan saong abih tih mẫu hu duk iek giám sát 90 mẫu di 5 darak pasar pablei menuk ada praong.  TAPA duk iek brei mboh, oh hu mẫu dương tính hong H5N6, H7N9.  

# Meng akaok thun tal ni, tỉnh Bến Tre  patagok bahrau 560 doanh nghiệp, tapa nan doanh nghiệp dalam tỉnh urak ni hu labaih 3.000 doanh nghiệp.  Meng hu dom sarak ưu đãi song bruk patrun patakik tuk vak brei harak chứng nhận tut angan pablei salih dalam sa harei di tỉnh, yau nan ye, bruk buh jien tame ngak mbang song patagok doanh nghiệp di Bến Tre urak ni tagok khang. 

# Tui ong Cao Văn Hóa, Giám đốc Sở ngak nông saong patagok palei pala tỉnh Tiền Giang, thun lương thực 2017, tỉnh yam tapa tavak tavaiy di biến đổi khí hậu saong mek hu jayah praong ngan saong  taneh trun pajaih dalam thun abih tih hu labaih 210.000 ha, rilo jang 3,4% bruk ba tabiak. Urang nông yuak bloh hu 60 tạ sa ha.

# Harei 24/10 di ban raya Hồ Chí Minh Ban Tuyên giáo Thành ủy, Sở Thông tin- Truyền thông song Hội Nhà báo ban raya Hồ Chí Minh peih ndom biai “Đạo đức nghề nghiệp di urang ngak mbao dalam tuk vak urak ni”.  Urak ni báo chí jeng  jalan khau tin prong, yau nan ye, urang ngak mbao brei pasram megru đạo đức nghề nghiệp piah khik khau tin ka nyu njauk   

Patui di ini dom khau tin dunya:

# Harei 25/10, adat am cuh patao metai bloh di TL lac Phu-mi-pôn A-đu-lay-đệt hu rah tabiak di ban ine Băng cốc. Piah caga ka adat am cuh dalam 5 harei ini, TL hu caik jaik sa thun piah kuhria caga ngan saong yaom jien jaik 100 triệu đô la Mỹ.

# Ngoại trưởng Mỹ Rếch Tin-lơ-sơn (Rex Tillerson) harei 23/10 chu mbang rivang tal Áp-ga-ni-xtan ( Afghanistan) piah ginum biai song dom urang dang akaok negar ni ka jalan ngak di Mỹ piah padeih bruk mesuh metak di labik ni.

# Hàn Quốc, Nhật Bản saong Mỹ harei 24/10 hu peih bruk pasram cảnh báo tên lửa piah patagok bruk duah mboh saong tui iek dom tên lửa – sa bruk ngak hu maong lac piah caga pacang cakak anak bruk đe dọa tên lửa saong hạt nhân di TT./.