# Ia lac janih oh kurang hu dalam rai duik. Urak ni, di negar drei, ia dok patrun. Tui kuhria, hu tal 40 baoh kraong njauk ô nhiễm tal tanut báo động yau krong Nhuệ, krong Đáy, krong Thị Vải, krong Đồng Nai…Bruk njauk nyai nan lac chất lượng ia di dom krong dok njom nerak di rilo labik, abih di nyu lac dom labik nduac tapa  khu công nghiệp, ban sit  song palei ngak. Tui kuhria mboh dahlau di gah tài nguyên song môi trường, tal thun 2023, hu labaih 140 krong prong oh meda pandar hu ia.

# Pachreih tui bilan ngak bruk ka uranaih, page 24/5, di ban sit Kon Tum, mbang akaok meti kapul daong urang jaoh jo saong uranaih metui tỉnh Kon Tum peih nyaom biai pok meyaom uranaih hadah krah. Hu 50 uranaih metui, 50 uranaih jaoh jo yam tagok thar vak bac daa naih joi saong 50 uranaih hu bruk daong uranaih sang kan kandah hu pok meyaom.

# Thun bac 2017-2018, Đắk Lắk hu 31 anek saih mek hu  giải di mbang pakacah anek saih joi pakat negar, dalam nan hu  sa giải nhất, 10 giải nhì, 8 giải klau song 12 giải khuyến khích (tagok 6 giải dut song thun bac dahlau). Tapa nan, tỉnh Đắk Lắk dang akaok 10 tỉnh, ban bhum Duyên hải Nam Trung bộ - Tây Nguyên song hu  3 anek saih joi  dom janih  Vật lý, Hóa học, Sinh học hu mintri pato megru ieu pataom tame, palih ruah padang kapul nao pakacah Olympic dunya.

# UB bhabini tỉnh Lâm Đồng barau hu Quyết định ka 2885 harei 16/5/2018 ka bruk tacei pato ngak bruk langyah taneh pala dral di dom sang bhapbini bangsa takik saong paglaong bruk khik ramik pacang caga glai dalam huyện Bảo Lâm. Tui nan, UB bhapbini tỉnh tacei pato huyện Bảo Lâm drah samal duah iek, thau cambaih bruk pala drak di 246 sang bhapbini kurang taneh pala drak piah hu bruk brei taneh atau doang trun takik kan kandah.

# kreih melam 24/5, tuk nao tapa huyện Tĩnh Gia (Thanh Hóa), radeih pui SE19 peih meng Hà Nội tame ban raya HCM ginuh gauk haong sa radeih tải nao tapa jalan. Tapa nan ngak ka sruh radeih tải parah atah, jaleih tapen jalan, 7 toa radeih pui Jaleih trun hamu. Hu 8 urang njauk rambuac, dalam nan hu 2 urang metai lac urang peih radeih pui song urang peih radeih ô tô.

Khaw tin dunya

# Dalam 27 thun tal, di dunya meda hu jaik 25% menuac sia gaok ruak limek tapa ki lô, dui tui naong trak ka jien iek ruak. Ini lac panuac cảnh báo dalam roh duah hu dom urang alamu ba tbaiak di nyaom biai châu Âu ka ruak limek labaih ki lô rah tabiak di harei 22/5 barau blaoh di ban ine Vienna di Áo. 

# Sa luật sư khik caga  môi trường di Ấn Độ bahrau brei thau kandi Taj Mahal di negar ni dok mboh yau khin khut kayua bruk ô nhiễm không khí di ban Agra. Kandi Taj Mahal hu mong lac sa janih siam di abih di Kiến trúc Mogon, nyu pataom dom jalan ngak di dom Kiến trúc Ba Tư, Thổ Nhĩ Kỳ, Ấn Độ song Islam. Taj Mahal hu ba tame angan dom inem krung dunya di  UNESCO thun 1983 song hu menuac sia dunya biak takre mong iek  dalam dom inem krung dunya".

# Gah Y tế Dunya brei thau, di dunya urak ini hu jaik 50 triệu urang gaok dom baok ruak pambuak tal var anak var likuk, dalam nan ruak Alzheimer – baoh ruak hu rilo abih ngan saong 2/3 dom urang ruak./.