# Mintri Y tế bahrau hu harak đề nghị Bảo hiểm xã hội Việt Nam oh jao  dự toán chi iek ruak meng Quỹ bảo hiểm y tế ka dom cơ sở y tế thun 2017. Mintri  Y tế ndom lac, bruk Bảo hiểm xã hội Việt Nam tacei Bảo hiểm xã hội dom tỉnh, ban pambuak bruk song Sở Y tế jao dự toán chi iek ruak, bảo hiểm y tế ka dom cơ sở y tế lac oh njauk thẩm quyền, oh njauk tui hukum Bảo hiểm y tế song dom văn bản tacei pato.

# Mbang angin ribuk di harei 23/8 ngak khat lihik trak ka rilo puk palei di Lào Cai, tui kuhria mboh khat lihik abih tih kabaih 7 tỷ đồng. Hadei di mbang angin ribuk rah tabiak, bruk ramik pasiam jeng hu dom puk palei dalam tỉnh ba gauk ngak.

# Palei lan am Mỹ Thiện, ban sit Châu Ổ, huyện Bình Sơn (Quảng Ngãi) dok dang anak bruk mbuan si lahik nao, meng labik hu 40 boh sang hu mbaok ngak bruk ini, urak ni dok veik sa boh sang min. Piah khik ramik song patagok bruk ngak lan an hu angan je dahlau daih, Sở ilamu Thể thao song Du lịch, Sở Công Thương tỉnh Quảng Ngãi dok duah jalan dong, saong palagaih ka sang nghệ nhân Đặng Văn Trịnh – rai puac abih di palei lan am khik veik bruk ngak hu meng yaok rituh thun ni mai di muk kei caik veik . 

# Meng harei 23/9 tal harei 29/9, tỉnh Yên Bái peih adit ilimo, du lịch Mường Lò saong Lễ hội ravang iek Danh thắng negar hamu bậc thang Mù Cang Chải ngan saong rilo bruk ngak biak gheih. Dom lễ hội piah yaih khan dom yaom ilimo vật thể, phi vật thể saong panap du lịch đặc sắc di tỉnh Yên Bái piah dui pachreih tuai du lịch dalam taneh ia saong dunya, rik daong jhul khang patagok kinh tế - xã hội di tỉnh.

# Piah pabak  siam jang ka bruk rivang ban , abih di nyu nan lac bruk du lịch tasik, Sở Du lịch ban Đà Nẵng padang “Đề án khik ramik song patagok dom mblang tasik du lịch jalan Nguyễn Tất Thành tuk vak  2017 – 2020”, song yaom jien abih tih labaih 72 tỷ đồng meng kadung jien karja song ieu pataom dalam bhap bini. 

# harei lễ 2/9 thun ini urang ngak hu padheih 3 harei meng harei 2 – 4/9, yau nan ye dom Công ty du lịch lữ hành di ban raya Hồ Chí Minh jeng pataom tame duah, yaih khan tal tuai damuai dom tour, tuyến padheih katut harei ngan saong yaom tagok haist, di grauk tuor dalam taneh ia saong dunya. Lambaok dom công ty du lịch brei thau, duk saong dom bilan ini thun dahlau, tuai tut angan blei tour tagok meng 5 - 10%. 

# Tui amuk Đặng Thanh Thủy, Phó Giám đốc Sở Văn hóa, Thể thao song Du lịch tỉnh Đồng Nai: dalam tỉnh hu labaih 31 khu công nghiệp ngak bruk, pachreih hu labaih 1 triệu urang ngak. Tỉnh hu sarak pataogk darah pasa tuia du lịch pamong tal urang lac công nhân, urang ngak nbruk dalam khu công nghiệp. Gah Du lịch tỉnh Đồng Nai meda patagok dom tour du lịch takik harei hu yaom jien takik piah pabak ka tuai damuai lac công nhân, urang ngak. 

Khaw tin dunya

# Jabat pasang iek drap ar taneh ia lingiu (OFAC) di mintri jien padai Mỹ barau ini hu tabiak quyết định mek 4.900 blah mạng di Cuba tabiak truh angan dom blah web njauk pacang patakik pablei salih saong Mỹ, jeng hu makna lac brei adat ka dom blah mạng nan peih dom bruk giao dịch thương mại saong dom jabat dalam thẩm quyền di  Washington. Hu thau, dom blah web nan rilo meng lac di gah du lịch di Cuba.

# Harei 23/8, urang ngak praong 2 negar Mexico song Canada brei thau, urang oh mong iek dom panuac bahrau ni  di Tổng thống Mỹ Donald Trump ka bruk klaak Hiệp định Thương mại tự do Bắc Mỹ (NAFTA) lac bruk biak trak , bo mboh lac, ini sa jalan ngak piah hu kein lagaih  tuk ginum biai veik  hiệp định ni. .

# Ribuk nhiệt đới Hato nduac tapa gah meraong Trung Quốc harei 23/8 ngak ka 10 urang metai, yaok ratuh urang bị thương saong yaok rabau urang njauk nao plaih ribuk./.