# Patui dom bruk ngak di Ấn Độ, biar harei 24/1 tui tukvak Ấn Độ, lac melam 24/1 tui tukvak Việt Nam, Thủ tướng Nguyễn Xuân Phúc saong diuk di ong haong kapul pakat glaong Việt Nam nao rivang Đại sứ quán Việt Nam rivang, taom gaok urang jakar, urang daok ngak dalam Đại sứ quán saong mikva urang VN daok diukrai, ngak bruk di Ấn Độ. Thủ tướng caong khin mikva urang VN daok di Ấn Độ thau anit ranam gauk, jum pataom gauk, daong ba gauk dalam raidiuk. 

# Jaik 9 tỷ đồng kayua dom libik, doanh nghiệp saong menuac urang daong brei “Kadung jien ka urang kathaot” barau hu Mặt trận negar  Việt Nam tỉnh Quảng Bình daong ka dom sang kathaot gaok kan kandah kayua bala, urang ruak saong anek saih sang kan kandah. Tui nan, daong padang ngak jaik 50 baok sang daong mikva bhapbini bangsa takik di dom xã Lâm Hóa saong Thanh Hóa di huyện Tuyên Hóa; daong 40 sang gaok khat lihik trak kayua ribuk ka 10, yaok sang 40 triệu đồng. 

# Mban An toàn giao thông pambuak bruk haong Tỉnh Đoàn Gia Lai ba tabiak bruk Thun salamat jalan mbak 2018 saong mbang tabung glaong Tết Nguyên đán Mậu Tuất. Tuk peih bruk nan, hu mbaok labaih 500 anek saih, urang đoàn, dam dara dalam tỉnh. Thun 2017, bala angaok jalan mbak nao mai di tỉnh Gia Lai jeng daok hu rilo, yaom lac trun hu abih 3 tiêu chí min bruk patrun bala angaok jalan nao mai daok kurang khang kajap.

# Uy mban bhapbini tỉnh Đắk Lắk peih nyaom biai pataom iek veik bruk peih ngak danakdak bruk ngak negar thun 2017 saong tabiak bruk ngak thun 2018. Urak ini, tỉnh Đắk Lắk hu 30 dalam abih tih 152 xã maong lac mek hu chuẩn palei pala barau, oh daok xã ngak hu ala 5 tiêu chí. Thun ini, tỉnh Đắk Lắk ba tabiak bruk lac hu takik abih 10 xã mek hu  chuẩn palei pala barau, kham merat trun baoh sang kathoat meng 2,5 – 3%.

# Di ban raya HCM, Tổng Lãnh sự quán negar Lào haong pasak xúc tiến Thương mại saong Đầu tư TPHCM peih mbaok “Adit pandap doanh nghiệp Lào”. Meng ini tal abih harei 28/1, dom doanh nghiệp di Lào saong doanh nghiệp Việt Nam daok buh jien tame ngak mbang di Lào hu yaih khan tal dom gah pambuak bruk saong urang blei 139 janih pandap di Lào. Dalam nan rilo meng lac dom janih kaya nong di Lào hu ngak tui jalan hữu cơ yau rilo limo thu, brah, tea, cà phê, jru tavao, njam patam, baoh kraoh…

Khaw tin dunya

# Rajaei Cộng hòa Dân chủ bhapbini Triều Tiên harei 25/1 ngak ka urang tatuak drei tuk payua panuac nao tal taong abih urang bhap bini Triều Tiên, dalam nan caong khin ngak hu dom bruk siam piah yam tal thống nhất bán đảo Triều Tiên bo oh hu bruk can thiệp di gah lingiu. Tapa nan brei mboh sa kadha siam karei tra di angaok bán đảo Triều Tiên hadei tuk talei rohim hu siam mekre tagok.

# Ngoại trưởng Pháp Giăng Y-vơ Lơ Đri-ăng (Jean Yves Le Drian) bahrau brei thau, mbang ginum biai ka hòa bình Xyri hu Liên hợp quốc daong hu peih mbaok harei  25/1 di ban ine Viên, negar Áo. Ini lac cơ hội puac di abih piah duah tabiak sa jalan chính trị langyah bruk srau kadau.

# Brei panuac di mbang ndom biai tapa  phone saong Tổng thống Thổ Nhĩ Kỳ Tay-íp Éc-đô-gan, Tổng thống Mỹ Đô-nan Trăm  pachreih Thổ Nhĩ Kỳ trun takik dom bruk quân sự mesruh saong gah dân quân urang  Cuốc  di Xyri. Bol bala Mỹ daok hu ba nao tal Man-bi-di, gah timul  A-phơ-rin  di gah Brak Xyri piah pacang cakak bruk mesruh gauk di urang Cuốc saong bol bala Thổ Nhĩ Kỳ./. 

Musa saong Thúy Linh lang tapa sap Cam