# Pak inem mek Thế Miếu - Đại Nội Huế, Pasak Khik ramik inem mek Cố đô Huế peih bruk hạ nêu tui adat meng kan saong khai ấn akaok thun. Ini lac adat brei ka manuac urang thau lac tukvak padeih Tết Mậu Tuất abih blaoh piah mai veik haong bruk ngak yaok harei. Bruk hạ nêu hu adat cúng nêu, taong alat ragam, ceng gar saong peih bruk hạ phun nêu prong di mblang bein anak Thế Miếu. Gam tuk nan, dom ấn ameh tượng trưng saong pandap lễ tuan di jhung phun nêu hu mek trun.

# Gam song adat Hạ nêu di mik va urang Mường di đình Thịnh Lang, xã Hòa Thắng, ban  Buôn Ma Thuột, di palei  6, xã Hòa Sơn, huyện Krông Bông (tỉnh Đắk Lắk) hu rah tabiak adat Khai hạ song rilo bruk main bhap bini men kan di urang Mường. Anak tal  tỉnh Đắk Lắk hu peih harei pataom ilamu bhap bini Việt Bắc di xã Ea Tam, huyện Krông Năng song Hội vật meng kan xã Vụ Bổn, huyện Krông Păk. 

# Hadei di dom harei padeih Tết Nguyên đán Mậu Tuất 2018, page harei 3 bingun Tết, mikva urang nong, urang taong ikan, urang ngak sa-ra di tỉnh Ninh Thuận jaik gauk tabiak hamu sản xuất akaok thun bahrau,  caong khin bruk peih akaok hu patuah jamo, ba mai ralo padai brah, mek hu ralo siam mekre ka abih thun. Di huyện Ninh Phước mikva jak gauk tabiak hamu mong iek 5.275 ha padai, dalam nan hu 664 ha pala drak tui mô hình mblang hamu prong di dom xã: Phước Hậu, Phước Thái, Phước Thuận saong bal sit Phước Dân.

# Công ty phát hành sách ban raya Hồ Chí Minh FAHASA bahrau peih “Harei  khai trương meng kan” 102 Nhà sách FAHASA di 45 tỉnh ban dalam negar piah duh ka urang puac tapuk mai rivang iek song blei tapuk hadei di dom harei padeih Tết. Dahlau di nan FAHASA hu gian hàng tapuk hu jiak  50.000 tapuk  dom janih hu mbaok di lễ hội Jalan tapuk Tết Mậu Tuất di ban raya Hồ Chí Minh.  

# Dalam tuk Tết Nguyên đán Mậu Tuất 2018, hareik hareim di bal Vũng Tàu hu biak ralo jang dut haong harei karei, meng 300 tấn/harei karei tagok jaik 1.000 tấn/harei. Piah ka hareik hareim oh pataom pambuk, Công ty cổ phần dịch vụ môi trường saong công trình đô thị Vũng Tàu hu pah rilo jang 20 sruh radaih janih 15 tấn saong 2 sruh mac jok piah samu pataom mek, pajeng ba tal labik xử lý hareik hareim praong 100ha di xã Tóc Tiên, huyện Tân Thành.

Khaw tin dunya: 

# Israel  harei  21/2 daok pajeng ba dom boh sang  di động tal khu định cư Amichai di bhum Bắc Bờ Tây. Amichai lac khu định cư urang  Do Thái camereip hu rajaei Israel phê chuẩn thun 1991. Ni lac sa dalam dom labik định cư dahlau deih hu padang ngak bo oh hu harak adat di rajaei, min hadei di ni hu hợp thức hóa quy chế, hu brei adat padang ngak song mbang tui kadung jien di karja. Tui bruk ba tabiak, khu định cư Amichai lac labik daok di labaih  40 boh sang.

# Urang brei panuac di LHQ ong Stéphane Dujarric brei thau lac LHQ meda peih ngak ralo jalan ngak piah mesruh pacang dom bruk quấy rối tình dục di dom urang ngak dalam LHQ, taphia di nan daong ka dom urang gaok dom bruk ngak suan ini. Dom jalan ngak bahrau hu ba tabiak nan lac: pandar thiết bị điện tử piah tui iek dom urang ngak dalam LHQ njauk cáo buộc lac  quấy rối tình dục; jao brei tài liệu meng 6 sap ndom chính thức saong dom sap ndom karei dalam LHQ ka trách nhiệm saong nghĩa vụ di dom urang daok ngak bruk dalam LHQ pambuak pagam tal bruk pacang cakak saong khan brei thau ka dom hiện tượng lạm dụng tình dục.

# Gilang pariak Pháp harei  21/2  brei pabak pok jien mesraiy yaom đã 3 tỷ USD dong brei  kadung jien dunya tế (IMF) peih ngak dom bruk patrun kathaot dalam thun 2018. Tui pathau khan di  IMF, ngan song pok jien mesraiy bahrau saong pok jien mesraiy mbang ka 6 ni  , Pháp jeng sa dalam DOM negar rik dong prong abih ka Quỹ tín thác patagok song patrun kathaot di IMF, bhian pabak dom pok jien mesraiy song yaom liba biak biar  ka dom negar kan abih di  IMF. Dom negar taduan hu dom pok jien mesraiy ni rilo meng lac dok di châu Phi./.