# Pahadar 87 thun harei padang Kapul Dam dara Cộng sản Hồ Chí Minh (26/3/1931-26/3/2018), Tỉnh Đoàn Quảng Trị pambuak haong Bộ Chỉ huy Bộ đội Biên phòng, Hội Chữ thập đỏ saong Kapul pachreih bac tỉnh Quảng Trị peih ngak danak dak “Bilan 3 tapen negar” pak xã Hướng Lập, huyện Hướng Hóa, pachreih hu ralo dam dara hu mbaok tame. Dalam danak dak ini, dom jabat hu peih pakak công trình ánh sáng bhum tapen negar; padang ngak 2 baoh sang gul pataom alin brei ka baoh sang kathaot di xã Hướng Lập; alin 70 pok jien bac  ka dom baoh sang sarak karja saong baoh sang nan kandah. 

# Ngan saong kadha “ Urang ranaih umo hadah krah dak padang taneh ia” dam dara Phú Yên đpeih ngak rilo danak dak hu makna dong ka bhap bini di bhum atah bayah dalam bilan dam dara thun 2018.  Labaih  100 urang đoàn, dam dara mai meng gah lực lượng vũ trang song  công nhân viên chức di tỉnh Phú Yên yam tapa jalan atah jiak 60km piah tal xã bhum atah An Nghiệp, huyện Tuy An. Di labik ni, dom urang đoàn hu parabha jeng rilo nyaom ngak dom bruk karei di gauk yau “ padang ngak danak dak “ truac hadah jalan palei, iek ruak brei jru ka bhap bini.

# Tỉnh đoàn Vĩnh Long bahrau peih Harei pataom “peih radaih siam mekre” thun 2018, hu mbaok di jaik 200 urang đoàn, dam dara. Hu mbaok tame harei pataom dom utang đoàn, dam dara hu khan brei thau ka ilamu gah an toàn giao thông saong kỹ năng peih radaih siam mekre; hu mbaok dalam nyaom pakacah duah thau ka adat hukum gah trật tự an toàn giao thông tui Hukum nao mai angaok jalan piah padang ilamo nao mai angaok jalan ka urang hu mbaok nao mai angaok jalan, pakacah kỹ năng peih radaih siam mekre.

# Tỉnh Bạc Liêu bahrau pok meyaom 100 boh sang urang bangsa  Khmer kham merat yam tapa kan kandah, yam tagok patruh kathaot khang kajap song dong boh sang anit ranam ka  90 sang mik va urang bangsa takik kan kathaot. Dalam tuk vak tapa, tỉnh Bạc Liêu peih ngak rilo sarak brei ka mik va bangsa takik yau danak dak  135 saong yaom phun jien abih tih hu gilang pariak trung ương parabha brei labaih 113 tỷ đồng. Langiu di nan, tỉnh brei ngak dahlau bruk buh jien tabiak patagok  sản xuất, padang ngak jalan mbak nao mai, peih ngak sarak an sinh xã hội, brei mesraiy phun jien patagok sản xuất …ka bhum mik va bangsa takik.

  # Thun 2018, tỉnh Trà Vinh parabha phun jien jaik 179 tỷ đồng ka dom sở, ngành, puk palei peih ngak dom Danak dak bruk ngak negar; dalam nan hu jaik 64 tỷ đồng peih ngak danak dak bruk ngak negar trun kathaot khang kajap, jaik 115 tỷ đồng daok veik peih ngak Danak dak bruk ngak nagar padang ngak palei pala bahrau.  

Patui di ni dom khau tin dunya

# Gah Khí tượng học dunya (WMO) di Liên hợp quốc brei thau, dunya mboh lac nhiệt độ glong di abih dalam  3 thun tapa song tui kuhria meda glaong jang dalam thun 2018. Gah Khí tượng học dunya WMO kuhria mboh dahlau lac  thun 2018 meda hu rilo khat lihik gah drap ar saong anek menuac.  Bruk ni , tui  gah Khí tượng học dunya  WMO, lac kayua dom bruk ngak di anek menuac ngak brei tagok  khí phát thải nhà kính, jhul samar bruk boh taneh  pandiak tagok. 

# Tui pasang iek di Economist Intelligence Unit (EIU), Singapore daok lac bal hu yaom jien cai pandar chit abih di dunya. Ini lac thun ka 5 gam gam taneh aia pulao kaoh ini dang akaok angan dom negar chit abih di EIU. Tui EIU, yaom jien biak glaong piah ngak pô sa sruh radaih ô tô di Singapore ngak ka bal ini jeng labik chit abih dunya. Piah plaih bruk gar jalan yau dom negar châu Á karei, Singapore hu tui iek bruk ngak pô radaih ô tô tapa sa hệ thống áp hạn ngạch, tui nan urang blei meda njauk nộp sa khoản jien piah hu brei harak lac pô radaih – urak ini jaik 30.500 USD, langiu di yaom jien blei radaih.

# Tiến sĩ Nguyễn Thị Hiệp song 14 urang ilamu  khoa học kamei dom negar  hu taduan giải thưởng “Tài năng trẻ quốc tế” kayua  Quỹ L’Oreal pambuak bruk  song UNESCO  bahrau alin brei di  Paris. Ni lac mbang ka 2, gah ilamu  khoa học urang kamei Việt Nam taduan hu bruk hadah mbaok meta ni.  Roh duah urak ni di  Tiến sĩ Nguyễn Thị Hiệp pataom tame dom  vật liệu sinh học yau keo sinh học, băng sinh học piah urang ruak meda pandar tapak di sang ./.