# Taduan panuac daa di Thủ tướng negar Cộng hòa Singapore (Xinh-ga-po) Lee Hsien Loong (Lý Hiển Long), Thủ tướng Nguyễn Xuân Phúc saong hadiuk di gait meda nao rivagng Singapore meng harei 25 tal harei 27/4/2018 saong hu mbaok dalam Nyaom biai pakat glaong ASEAN mbang ka 32 pak Singapore meng harei 27 tal harei 28/4/2018. Mbang rivang Singpore di Thủ tướng Nguyễn Xuân Phúc sa mbang tra brei  brei thau ka bruk iek prong talei pambuak abih bruk haong  Singapore, patagok hatai jia, pakajap talei rohim pambuak bruk di dua negar. Thủ tướng Nguyễn Xuân Phúc hu mbaok dalam nyaom biai pakat glaong ASEAN mbang ka 32 brei mboh bruk pachreih tui di Việt Nam ngan haong Singapore dalam bruk lac Chủ tịch ASEAN 2018.

# Thủ tướng rajaei barau patabiak danakdak ngak bruk thun 2018 di mban tacei pato Trung ương dom danakdak bruk ngak negar tukvak 2016-2020. Tui nan, thun 2018, kham merat dalam taneh ia hu takik abih 3.500 xã mek hu chuẩn palei pala barau, meblah 39%, tagok jaik 5% duk saong thun 2017; hu takik abih 54 libik pakat huyện hu Thủ tướng rajaei pok brei angan chuẩn palei pala barau; kuhria tui tiêu chí sa xã dalam taneh ia tagok takik abih 0,5 tiêu chí/sa xã duk saong thun 2017; trun dom xã ngak hu ala 5 tiêu chí daok 60 xã. 

# Lac sa bangsa takik dalam 54 bangsa Việt Nam, urak ini urang Cống daok  ralo pak xã Nậm Khao, huyện Mường Tè, tỉnh Lai Châu ngan haong jaik 2.000 urang. Yaom lac bangsa takik manuac, min urang Cống jeng khik hu  ilamo siam gheih dalam rai diuk, dalam nan hu dom ragam tamia meng kan. 

# Meng harei 28 tal 29/4, di huyện A Lưới, tỉnh Thừa Thiên - Huế meda rah tabiak harei pataom ilimo padhih saong Du lịch dom bangsa takik huyện A Lưới mbang yaka II, thun 2018. Thun ini harei hội meda rah tabiak di ban sit A Lưới saong dom xã Hồng Hạ, Hồng Kim ngan saong rilo bruk chreih chrai ye: parang iek menyim Zèng saong khan ao angui cuk mengkan dom bangsa takik huyện A Lưới; ngak veik adat nao sim (Pộc Xu) saong darak bhum glaong; parang iek menaiy craoh saong ngak iek bruk ngak mbang ngak huak ala ia di bhapbini Pa Cô…Ini lac dom bruk ngak brei thau ka adat cambat tanarakun di dom bangsa karei di gauk dalam huyện.

# Pahadar 43 thun Harei peih paha gah meraong, yasa taneh aia (30/4/1975 - 30/4/2018) saong pahadar 132 thun  Harei dunya urang ngak (1/5/1886 - 1/5/2018), UB bhap bani bal raya HCM daok kuhria peih ngak ralo bruk biak hu yaom, ba bui sambai, chreih chai duh ka bhap bani. Cambaih laih, nao sirah kabo liệt sĩ,  daoh tamia, cuh pháo bingu di melam 30/4.

Khaw tin dunya

# The Star, sa dalam dom blah báo dang akaok di Malaysia, hu kadha vak pok meyaom bruk kheih mekre di ban Nha Trang di  Việt Nam meng angan lac “7 makna piah nao ravang Nha Trang – asar intan oh ka hu taong abih yaom di Việt Nam”. Kadha vak brei thau cambaih, Nha Trang lac sa libik padheih padhaiy danei angan ka urang bhapbini Việt Nam. The Star taong yaom Nha Trang lac sa libik nao siam mekre, salamat, lagaih haong tuai taneh ia lingiu. 

# Urang jakar Pháp bahrau brei thau meda peih veik pambang Môn Xanh Mi-sen (Mont-Saint-Michel), sa dalam dom labik du lịch daneiy angan di Pháp pak bhum Noóc-măng-đi (Normandy), gah Barak negar ini, hadei di sa urang oh thau angan je đe dọa tấn công gah an ninh pak nan. Môn Xanh Mi-sen daok di gah Tây Bắc negar Pháp, atah takai tasik Noóc-măng-đi jaik sa km saong hu pambuak pagam haong baoh taneh meng sa mbaik tatua. Pulao kaoh hu UNESCO brei angan lac inem krung dunya pachreih hu labaih sa triệu tuai damuai mai rivang yaok thun. Ini lac labik pachreih tuai damuai mai du lịch prong abih negar Pháp gah langiu bal ine Paris.

# Di Singapore, Quỹ Đồng hành Singapore barau peih melam Gala pataom jien piah alin jien bac ka dom adei sinh vien sang kan kandah dalam taneh ia patui bruk bac megru di drei. Tapa nan, hu 45 paok jien bac, yaok paok yaom jaik 4 triệu đồng hu alin ka dom adei sinh vien kathaot bac naih joi di dua sang bac đại học Kinh tế-Luật ban raya HCM saong Đại học Công nghệ-Đại học Quốc gia Hà Nội dalam thun 2018 ini./.