# Dalam mbang nao ngak bruk pak dom tỉnh Tây Nguyên, Kapul urang di Mentri Y tế kayua Akaok mentri Nguyễn Thị Kim Tiến ba akaok kapul hu ngak bruk haong urang pal akaok tỉnh Kon Tum ka dom bruk ngak gah y tế pak ini. Pok sap ndom di van ngak bruk amuk Nguyễn Thị Kim Tiến brei thau: “Mạng lưới y tế cơ sở siam abih jeng lac balai y tế xã, phường. Phường ye tui mô hình y học gia đình min Balai y tế xã ye jeng lac mô hình yau urak ini . Taong abih dom danh mục jru, danh mục kỹ thuật di tuyến xã meda hu patagok”.

# Di tỉnh Yên Bái, ông Trần Quốc Vượng, Ủy viên mintri Chính trị, Bí thư trung ương Đảng, Chủ nhiệm Ủy ban Kiểm tra trung ương barau taom gaok cử tri huyện Trạm Tấu. Caik hatai tui pang, klah rabha saong pataom mek dom panuac khan, dom caong khin di cử tri, ông Trần Quốc Vượng ndom lac, kapul urang Quốc hội tỉnh hu brei mboh bruk abih hatai, trách nhiệm, hu rilo rik daong praong tame bruk jak jeng di mbang nyaom.

# Pak Hà Nội, ong Vương Đình Huệ, Ủy viên Bộ Chính trị, Phó Thủ tướng Rajaei, Akaok Ban Chỉ đạo Karja ka salih bahrau bruk ngak di đơn vị sự nghiệp công lập bahrau hu van ngak bruk piah pasang iek bruk khik ramik, bruk jien padai saong peih ngak veik bruk ini pak Bộ Nội vụ. 

# Di Hà Nội, mintri ngak nong saong patagok palei pala pambuak bruk saong mintri Thông tin saong Truyền thông, Hội Nhà báo Việt Nam barau patabiak bruk pakacah  “Báo chí vak ka palei pala barau pagam saong ramik veik gah ngak nong tukvak 2017-2020”. 

# Daok dalam dom bruk ngak di bilan ngak brei ka uranaih thun 2017, Kapul daong  urang jaoh jo tỉnh Đắk Lắk hu alin brei 30 sruh radaih juak gam haong 30 pok pandap ka uranaih kan kandah dalam tỉnh. Taong abih yaom jien dom pok pandap mbang ini jaik 60 triệu đồng. Bui sambai kayua hu alin brei radaih juak mbang ini, kamuan Nguyễn Bùi Hoài Phương daok di xã Ea Dăh, huyện Krông Năng brei thau: "Ndua dhal phol dom cei anai di Hội bảo trợ, urang ngak pahla saong  Ủy ban bani xã hu alin brei radaih juak ka khaol dahlak.".

# Di ban raya Hồ Chí Minh, Diễn đàn Khoa học sinh viên dunya ban raya Hồ Chí Minh mbang yaka dua thun 2017 barau rah tabiak. Ini lac bruk ngak pakat dunya kayua kapul sinh viên Việt Nam ban raya, Đại học Quốc gia ban raya Hồ Chí Minh, Sở Khoa học saong Công nghệ, Sở Thông tin Truyền thông, mBan khik ramik Khu Công nghệ glaong ban raya pambuak gauk peih ngak piah ba jlaan taom gaok, bac megru ka học thuật, sáng tạo di sinh viên Việt Nam saong sinh viên dunya jeng ye dom du học sinh Việt Nam daok bac megru di taneh ia lingiu. Di diễn đàn, dom urang lac sinh viên mai meng 11 taneh ia dalam bhum Đông - Nam Á ba gauk ginum biai 5 kadha ka bruk cách mạng công nghiệp 4.0 saong dak padang ban thông minh.

 # Urak ini, tỉnh Khánh Hòa hu labaih 7.250 ha pala pa-aok, dalam nan pajaih pa-aok Ô-xtrây-li-a meblah labaih 50% mblang taneh. Pajaih pa-aok Ô-xtrây-li-a  mbuan mong iek, samar tabiak baohi. Kanduh baoh hu sambo mầu bhong đậm hu palih ruah pablei ngan haong yaom janih 1; kanduh pa-aok hijao hu pablei ngan haong yaom janih 2,janih 3, hu yaom samu meng 30 tal 50% yaom janih sa. Piah hu sambo mầu siam ka baoh pa-aok, urang pala biak sangka tal bruk pandar khak njauk ilamu ka phun pa-aok.

Khaw tin dunya

# Di ginum biai an ninh saong ngoại giao barau rah tabiak di ban ine Oa-sinh-tơn (Mỹ), Mỹ saong Trung Quốc njauk hatai gauk peih ngak dom bruk trừng phạt Công hòa dân chủ bhapbini Triều Tiên hu Hội đồng Bảo an Liên hợp quốc brei tabiak pambuak tal dom danakdak thử tên lửa saong hạt nhân di Bình Nhưỡng. Gah Mỹ daok pachreih Trung Quốc patagok áp lực gah kinh tế saong ngoại giao ngan saong Triều Tiên, dalam tuk gah Trung Quốc ieu padang sa cơ chế hòa bình.

# Tui Roi-tơ, dalam mbang iew phon bahrau ini, Tổng thống Thổ Nhĩ Kỳ T.Éc-đô-gan saong Patao A-rập Xê-út A.Xan-man njauk hatai brei jul patrun bruk daok catang tagok di dom taneh aia vùng Vịnh haong Ca-ta. Thổ Nhĩ Kỳ daok  peih bruk ba kapal haok akaok mereip pajeng pandap viện trợ,saong ngak hu bloh 105 mbang pajeng pandap viện trợ tal Ca-ta

# Quỹ Nhi đồng Liên hợp quốc (UNICEF) barau khan brei thau, urak ini hu tal labaih 5 triệu uranaih di Iraq njauk hu daong nhân đạo. Jabat ini jeng ndom lac bruk mersuh caga kol Is di taneh ia ini lac sa dalam dom bruk mersuh jhak abih dalam lịch sử hiện đại./.