# Di mintri ngak nông saong patagok palei pala, akaok ban tacei pato TƯ pacang cakak bala Nguyên Xuân Cường barau dang tabiak peih mbang họp chip saong dom gah chức năng dom tỉnh njauk gaok kan kandah di mbang ribuk ka 4 (ribuk Sonca). Ngan saong dom puk palei: khang hatai oh brei taong abih urang ngak daok angaok kapal yaom lac kapal hu tame binek bloh piah khik kajap an toàn. Dom danao praong brei hu jalan khik caga pasang iek, cảnh báo. Biak caik hatai, khik kajap an toàn dom danao thủy điện, meyah dom danao ini tathuak oh njauk quy trình, oh khan dahlau meda ngak kan kandah trak tal gah hạ du.

# Di Hà Nội, Ủy ban Trung ương Mặt trận negar Việt Nam barau peih nyaom biai pataom iek veik mbang tabung glaong jak ba “ bhapbini bayan dhar phuan” di tuk pahadar 70 thun harei Thương binh - Liệt sỹ (27/7/1947 - 27/7/2017). Tui  pataom iek tuk akaok mereip, kuhria tal harei 24/7, di Trung ương saong 46 tỉnh, ban hu daong tapak, rik daong tame kadung jien “ bayan dhar phuan” hu labaih  197 tỷ đồng. Daok bruk daong padang saong ramik pasiam baok sang ka urang buh pren, abih tih baok sang padang barau saong ramik pasiam lac jaik 19.000 baok, tui yaom jien abih tih lac 736 tỷ đồng. Abih tih pandap alin ka sang sarak saong urang buh pren lac jaik 208.000 paok, kuhria tabiak yaom jien labaih 121 tỷ đồng.

# Mesup harei 25/7, tỉnh Bình Thuận hu peih ngak dalam praong prang bruk pahadar 70 thun harei Thương binh - Liệt sĩ 27/7 saong pok meyaom dom urang hu buh pren yava di tỉnh. Bình Thuận lac bhum taneh anh dũng, hu ralo rik daong dalam dom bruk mesruh metak pacang kol Prang, Mỹ, peih ngak nghĩa vụ dunya di CPC. Tal urak ini, dalam tỉnh hu labaih 50.800 urang hu brei angan lac urang hu buh pren yava ka cách mạng. Dalam nan, labaih 12.700 bhap bini, urang lin metai; labaih 4.900 urang lac thương binh. 

# Kapul y, bác sỹ sang iek ruak Nhi Trung ương hu nao iek ruak saong alin pandap ka uranaih lac anek bhapbini bangsa takik huyện bhum ceik Hướng Hóa, tỉnh Quảng Trị. Di pasak Thể dục Thể thao huyện Hướng Hóa, jaik 30 y, bác sĩ di kapul ngak bruk di sang iek ruak Nhi Trung ương saong sang iek ruak Đa khoa tỉnh Quảng Trị hu iek ruak saong brei jru saoh ka uranaih kathaot. Tapa nan, kapul  hu alin pandap ka dom sang kan kandah saong iek ruak, brei jru saoh ka jaik 1.300 adei sit di huyện Hướng Hóa. 

# Harei 24/7, tỉnh Phú Yên peih bruk pok meyaom anek saih naih joi thun bac 2016 - 2017. Labaih 300 anek saih hu pok meyaom lac dom adei mek hu hạng glaong di dom mbang pakacah pakat negar, khu vực saong pakat tỉnh hu palih ruah dalam 1.000 anek saih joi di tỉnh. Tapa nan, tỉnh Phú yên jeng hu alin labaih 30 paok jien bac daong ka dom anek saih njauk khuyết tật bẩm sinh yam tapa kan kandah, bac daa naih joi.

# Dalam tuk pahadar 70 thun harei thương binh liệt sĩ, tỉnh Tiền Giang hu buh tabiak labaih 19 tỷ đồng piah alin yaok pluh rabau paok pandap ka dom sang sarak dalam tỉnh; dalam nan jien daong meng trung ương lac 9 tỷ đồng,  jien di tỉnh 10 tỷ đồng.  Dom urang dang akaok tỉnh hu nao ravang alin pandap tapak ka  100 sang sarak hadah trah; brei mboh hatai thau dhar phuan dom bruk rik daong, bruk hy sinh praong glaong di dom liệt sĩ, thương binh, bệnh binh dalam bruk mesrauh metak peih paha bangsa.

# Anak bruk yaom pabui hơi di darak pasar hu tagok veik, bruk pablei salih jeng chreih chrai tui. Dom pabui daok veik hu pablei, urang raong pabui di tỉnh Bạc Liêu biak chreih chrai, mek hu veik phun jien, langyah kan kandah, raong veik barau. Tui urang raong glang, urak ini yaom pabui hơi di Bạc Liêu hu urang blei di var ro yaom labaih 40.000 đồng/kg, tagok jaik dua mbang duk saong tukvak trun yaom lac jaik  20.000 đồng/kg, min tuk nan oh hu menuac blei.

Khaw tin dunya

# Rajaei Anh barau brei adat bruk pablei phao ndao yaom 283 triệu bảng Anh ka Saudi Arabia dalam 6 bilan tal, tui nan taneh ia ini meda pablei dom sruh kapal haok mesruh, dom janih bom saong tên lửa ka Saudi Arabia. Min, yaom hợp đồng pablei phao ndao nan bair jang duk saong yaom dahlau thiah lac 1 tỷ bảng dalam  quý II/2015. 

# Mi-an-ma tabiak panuac ieu bhap bini bình tĩnh hadei di tuk 13 urang njom virút cúm H1N1 saong sa uranaih likei metai kayua dom ruak yau cúm. Tui mintri y tế saong TT Mi-an-ma, jit daok njom mbak kayua hu 3 urang bahrau njauk ruak di Yangon, ban praong abih di taneh ia ini. Dahlau nan hu 10 urang njauk ruak di Chin, mbang atah bayah gah tây bắc jaik brum  Ấn Độ.

# Dom tê giác gaok urang pametai mek take di Nam Phi hu trun hasit dalam meteh akaok thun ini, min jeng daok labaih 500 drei athur glai quý hiếm ini gaok urang pametai. Brei panuac dalam mbang họp báo di ban Johannesburg harei 24/7, akaok mintri Môi trường Nam Phi Edna Molewa brei thau meng bilan 1/2017 tal ini, abih tih 529 drei tê giác metai kayua dom urang cuh mek klaik, trun takik duk saong 542 drei gaok urang pametai dalam dom bilan ini thun 2016./.