# Taduan panuac daa di Phaok akaok Quốc hội Cộng hòa (CH) Nam Phi Lếch-sa Sê-nô- li (Lechsa Tsenoli), Kapul urang lambaok pakat glaong Quốc hội Việt Nam, kayua Phaok akaok Quốc hội, Đại tướng Đỗ Bá Tỵ pal akaok, hu nao rivang saong ngak bruk haong  CH Nam Phi meng harei 22-26/8.

2# Tổng Cục đường bộ Việt Nam pambuak saong Ủy ban bhapbini  tỉnh Sơn La peih bruk brei radaih nduac tapa jalan roya 6 labik nao tapa tỉnh Sơn La di Dự án khik ramik drap ar jalan mbak Việt Nam pandar jien mesraiy di Gilang pariak dunya. Dự án khik ramik jalan mbak Việt Nam hu jien buh tame abih tih 301 triệu USD, sumu labaih 6.300 tỷ đồng. 

# Kapul urang ngak bruk di Mentri Thông tin saong truyền thông hu mai pok gilau pak kubo Đại tướng Võ Nguyên Giáp di xã Quảng Đông, huyện Quảng Trạch, tỉnh Quảng Bình saong mai rivang, alin brei pandap ka bhap bani Arem pak xã Tân Trạch, huyện Bố Trạch.

# Thun bac 2017-2018, Pasak daong anek saih – sinh viên ban raya Hồ Chí Minh peih rilo bruk daong chuyên môn, pasram kỹ năng sống ka anek saih , sinh viên. Pasak ini hu peih ngak saong rilo danakdak ngoại khóa di dom sang bac  phổ thông  di 24 quận, huyện ye pathau khan ka ilimo nao mai angaok jalan, Tacei pato adat hukum,  “Bác sĩ học đường” ka dom anek saih.

# Sa sruh gilai pajeng labaih 3 ribau tấn pandap karam dalam bhum tasik tỉnh Ninh Thuận, mbuan si ba tal bruk sraiy menyek. 9 thuyền viên angaok sruh gilai hu dom sruh gilai taong ikan di bhap bani taom gaok saong ba tame ar siam mekre. Jabat chức năng puk palei hadei di nan hu brei sa sruh gilai katung tabiak nao dui gilai Hải Việt 06 tame ar.

# Lào Cai hu jaik 150 binek, kavei praong sit. Tapa pasang iek di  Sở ngak nong saong patagok palei pala tỉnh, urak ini hu yaok pluh binek thủy lợi khut mbaih, lihik an toàn di bilan hajan xua. Tỉnh hu tacei pato, taphia bruk ramik pasiam dom binek, kavei khut, mbaih, dom puk palei, dom gah njauk caga dom bruk rah tabiak di lingik tasik; dom công ty pandar dom binek, kavei padang ia thủy điện, thủy lợi linh hoạt dalam peih ia xả lũ, khik caga siam pren yava drap ar di karja saong bhapbini. 

# Tal tukvak ini, dom sang bac di tỉnh Quảng Ngãi hu ngak salah blaoh bruk pasiam veik cơ sở vật chất, trang thiết bị kuhria caga ka thun bac bahrau. Kan kandah abih di urak ini ngan haong tỉnh Quảng Ngãi nan lac bruk kurang gru pato oh lac di bhum ceik bo daok lac di bhum taneran. Dom sang bac caong khin tỉnh samar hu jalan pilih ruah gru pato njauk haong bruk di anak meta piah peih ngak saim bruk pato megru.

# Pasak khik ramik inem mek Cố đô Huế hu panuac khan tal dom libik  lữ hành saong bhapbini puk palei ka bruk salih yaom vé ravang iek dom libik dalam inem mek Cố đô Huế. Tui nan, kuhria meng harei 1/9 tal, urang bhapnini tỉnh Thừa Thiên- Huế tuk nao ravang iek dom inem krung Huế halei meyah ba tabiak harak chứng minh nhân dân atau sổ hộ khẩu thường trú di tỉnh Thừa Thiên Huế jeng hu trun meteh yaom jien vé.

      Khaw tin dunya 

  # Cảnh sát Đức peih bruk pandar dom sruh ca-mê-ra duah thau mbaok meta akaok mereip pak sang ga di bal ine đô Béc-lin. Công nghệ bahrau mbang akaok meti hu ngak iek pak sang ga praong di Béc-lin ini meda daong ka gah an ninh duah mboh saong samar cap khik dom kol tội phạm saong khủng bố.

# Điều phối viên nhân đạo di Liên hợp quốc di Palestine Robert Piper barau brei thau, LHQ hu quyết định daong  2,5 triệu USD piah pabak dom bruk khin khẩn cấp di Dải Gaza di Palestine. Dalam thông cáo báo chí, ông Piper brei thau, paok jien daong ini rilo meng piah daong khik bruk ngak ka jaik 190 pasak pasang iek pren yava, pabak ia hacih saong saat di Gaza, pabak dom janih jru tavao, dom bruk daong pambuak tal năng lượng saong ngak nong. 

# Tui kuhria mboh di Mentri Y tế Ấn Độ brei thau harei 23/8 hu 342 urang metai kayua virus cúm pabui (H1N1) dalam 3 bilan tapa, patagok urang metai kayua virus ini tal labaih 1.000 urang meng akaok thun tal ini. Pasak pasang iek jit ruak negar brei thau dahlau bilan 9 saong bilan 10 nan lac bilan tabung glaong njaom mbak jit ruak kayua virus ini. Dua bang njauk pambak khang abih kayua jit cúm pabui nan lac Gujarat saong Maharastra./.