# Dalam tuk Pahadar 63 thun Harei Gru jru Việt Nam, Thủ tướng Nguyễn Xuân Phúc hu mai rivang saong ngak bruk haong Sang iek ruak Chợ Rẫy bal raya HCM. Tadhau ayuh dom jak jeng di gah y tế, Thủ tướng pandar dom gah chức năng langyah catang bruk taong paoh, ngak kanjah jhak tal pren yava saong tính mạng di urang jakar, y bác sỹ.

# Bruk duan hu pok jien labaih 40 triệu đồng bayar veik ka urang lihik di 3 adei likei daok di Sóc Trăng lac Đỗ Văn Bằng, Trần Văn Bảy, Trần Thanh Mới  dalam dom harei tapa taduan hu rilo panuac meyaom di menuac sia. Thủ tướng Nguyễn Xuân Phúc hu payua harak meyaom dom adei ka bruk ngak biak siam nan. Akaok mintri pato megru  Phùng Xuân Nhạ bahrau mbaoh tangin tame harak Quyết định alin harak meyaom ka adei Đỗ Văn Bằng. Dok  2 adei Trần Thanh Mới song Lê Nhĩ Khang sang kan kandah klak bac meteh dhi, Mintri pato megru hu panuac tacei Sở pato megru tỉnh Sóc Trăng daong palagaih ka dom adei hu bac veik atau bac bruk ngak. 

# Uỷ ban bhap bani tỉnh Lào Cai bahrau tabiak jalan peih ngak “Mô hình chuỗi pambuak pagam sản xuất, chế biến, pablei miến đao di xã Bản Xèo, huyện Bát Xát. Tui nan, mô hình prong 30 héc ta, peih ngak dalam 2018 pak xã Bản Xèo ngan haong phun jien abih tih 250 triệu đồng meng phun jien di danak dak padang ngak palei pala bahrau.

# Palei Sình dok di gah ala krong  Hương, dalam xã Phú Mậu, huyện Phú Vang, tỉnh Thừa Thiên-Huế bahrau chreih chrai peih hội vật võ akaok thun. Hội vật ni hu meng  jiak  500 thun gam hong bruk padang saong patagok di sa  palei dok di gah ala krong Hương.

# Uỷ ban hap bani tỉnh Khánh Hòa bahrau tabiak quy định tạm thời ngan haong dom labik raong pala kaya ikan dalam lồng, bè angaok tasik. Tui nan, dom lồng, bè njauk khik hu siam mekre anak  angin khang di ribuk pakat 12. Pandap ngak lồng, bè njauk khang, kajap, pacang hu riyak, angin saong jru khử trùng tiêu độc.

Khaw tin dunya: 

# Akaok Ủy ban châu Âu Giăng Clốt Giăng-cơ ndom lac, dom negar Tây Ban-căng meda  mong thun  2025 lac tuk vak piah taneh ia halei jeng meda tame Liên minh châu Âu, meyah pabak hu dom kadha di khối ini. Akaok  Ủy ban châu Âu Giăng Clốt Giăng-cơ dok rivang dom negar song bhum taneh di Tây Ban-căng cong khin  tame p Liên minh châu Âu, dalam nan hu Mác-xê-đô-nia, An-ban-ni, Xéc-bia, Mông-tê-nê-grô, Bô-snia – Héc-zê-gô-vi-na  song  Cô-sô-vô.

# Raja-ei Nga bahrau brei tapa sa văn kiện khung piah khik kajap siam mekre salamat tuk nao mai angaok jalan mbak, tapa nan trun takik menuac metai lahik kayua bala angaok jalan mbak di negar ini. Tui nan, jalan ngak praong suai lavik lac patagok bruk khik kajap siam mekre salamat angaok jalan mbak, pamong tal bruk lac tal thun 2030, patrun bruk menuac metai lahik tal tanut biar di abih lac 0%. Dom chuyên gia kuhria mboh lac khat lahik kinh tế yaok thun kayua bala angaok jalan mbak nao mai di Nga samu jaik 2% GDP.

# Pathau khan bahrau abih di jabat Ánh sáng mới Toàn cầu (Global New Light) di  Mi-an-ma (Myanmar) harei 26/2 brei thau, Mi-an-ma hu padang bloh sa  dự án piah caga ruak hiv/aids, saong yaom jien abih tih tagok tal 10 triệu đô la mỹ di  5 bhum song  tiểu bang hu urang ruak  HIV rilo abih di  Mi-an-ma. Tui nan, dự án hu Jabat patagok  dunya  Mỹ (USAID) dong, dui atah dalam 2 thun  2018-2019, di 5 bhum song  tiểu bang lac Ca-chin (Kachin), Xan (Shan), Xa-ga-inh (Sagaing), Răng-gun (Yangon) song Man-đa-lay (Mandalay)./.