# Cục Khik iek urang ngak negar langiu (Mentri Lao động Thương binh saong Xã hội) daok palih ruah urang ngak gah điều dưỡng saong hộ lý Việt Nam tapa ngak bruk pak Nhật Bản thun 2019. Tui nan, urang hu palih ruah meda brei nao bac 12 bilan pak Việt Nam saong pakacah mek hu trình độ sap Nhật N3 tagok meda hu tapa Nhật Bản ngak bruk; Urang tut angan tame pilih ruah meyah hu blaoh bằng sap Nhật trình độ N2 tagok ye klah bac tal pato pakai dalam taneh ia. Ini lac danak dak daong ka dom urang tốt nghiệp chuyên ngành điều dưỡng caong khin nao tapa ngak bruk pak Nhật Bản.

# Kapul pháo bingu Ba Lan daok hu mbaok di ban Đà Nẵng, caga ka dom mbang parang me-in dalam melam peih pakak Harei pataom  pháo bingu dunya 2018. Ba Lan lac kapul pháo bingu dunya akaok meti dalam 7 kapul pháo bingu tuai daa dalam harei pataom phao bingu dunya 2018 hu mbaok di Đà Nẵng piah caga ka melam peih pakak 30/4 jaik tal.

       # Ruak tagok baoh aia daok tamuh ralo pak tỉnh Quảng Ngãi. 2 bilan tapa, gah Y tế tỉnh Quảng Ngãi mboh hu labaih 120 mbang urang ruak tagok baoh aia, rilo jang jaik 3 mbang dut haong tukvak ini thun dahlau. Ini lac dom urang ruak mai iek ruak di dom Pasak y tế, daok biak di nyu, dom urang ruak daok iek ruak pak sang oh ka thau hu hadom.

# Meng harei 26 tal 29/4, Cục ilimo cơ sở, mintri ilimo padhih saong Du lịch  pambuak bruk saong uy mban bhapbini tỉnh Thừa Thiên- Huế peih harei pataom daoh Văn, daoh Chầu văn pakat negar 2018. Harei pataom mbang ini hu 17 kapul nghệ thuật ngan saong 45 kadha. Dom kadha nan hu neh rabha jeng dua lac: daoh Văn klak tui panuac bahrau saong daoh  Chầu văn (Hầu văn).

      # Tukvak padeih lễ 30/4 saong 1/5 thun ini, pagam pambak tame bruk tuai du lịch mai bal Nha Trang, tỉnh Khánh Hòa ralo nan ye dom khách sạn mbiah song sit daok tagok yaom. Dalam bilan 4 ini, tỉnh Khánh Hòa tui kuhria meda taduan raok labaih 520 ribau mbang tuai damuai, dalam nan tuai damuai dunya tagok tal 250 ribau menuac, rilo jang sa mbang meteh  dut haong tukvak ni thun dahlau. Tuai dunya mboh ralo lac tuai Nga, Trung Quốc… hu dom doanh nghiệp lữ hành pah sruh kapal haok mai Khánh Hòa padeih padei.

Khaw tin dunya

# Tổng thống Nga Vla-đi-mia Pu-tin (Vladimir Putin) barau ieu dom chính trị gia di Ac-mê-ni-a langyah khủng hoảng chính trị di taneh ia ini tapa ginum biai. Tui panuac meng điện Kremlin, harei 25/4 Tổng thống Pu-tin saong Tổng thống Ác-mê-ni-a Ác-men Sác-kít-xi-an (Armen Sarkissian) hu mbang ndom biai tapa phone, njauk hatai lac dom gah chính trị di Ác-mê-ni-a njauk kiềm chế, brei thau trách nhiệm, tabhia nan halan hatian langyah dom bruk daok kandaong veik tapa ginum biai ndung bak bruk dak padang tui adat hukum.

# Urang tabiak panuac di Mentri Ngoại giao Đức harei 25-4 brei thau, khik ramik panuac sanya hạt nhân bo dom negar prong mek hu haong Iran thun 2015 nan lac bruk praong dang akaok di Đức, taphia di nan hu panuac iew dom gah njauk peih ngak ginup abih panuac sanya ini. Tui Mentri Ngoại giao Đức, Panuac sanya ini mek hu ngan haong bruk hu mbaok di ralo negar oh ginum biai veik hu. Yau nan min, Đức jeng  ndom lac, dom negar njauk tantu lac danak dakhạt nhân di Iran tok duh ka bruk sron mbon. 

# Tổng thống Pháp Em-ma-nuy-en Ma-crông (Emmanuel Macron) barau pachreih Mỹ klak chủ nghĩa dân tộc hẹp hòi, pambuak pagam rilo jang saong dunya, tabhia nan brei thau anak dom urang lập pháp Mỹ lac njauk klah rabha trách nhiệm dalam bruk langyah dom cuang kandah gah an ninh saong kinh tế hiện đại. Brei panuac anak Quốc hội Mỹ, Tổng thống Pháp ndom lac: bruk ini caong hu bruk pataom mbaok di Mỹ tuk bo libik dang di Mỹ ba tal quyết định piah ngak tabiak jeng ye khik caga dunya tự do harei ini. Mỹ lac gah patabiak chủ nghĩa đa phương saong jeng lac gah daong khik caga saong salih barau nyu.”./.