# Tui panuac khan  meng Gilang pariak sarak karja, hadei di 3 thun peih ngak  Chỉ thị ka 40 ka bruk patagok bruk pal akaok di Đảng ngan haong tín dụng sarak karja (Chỉ thị 40) di Ban Bí thư Trung ương Đảng, tal urak ini, taong abih phun jien peih ngak di Gilang pariak sarak karja daok di tanut 179.000 tỷ đồng, tagok labaih 17.400 tỷ đồng dut haong thun 2016. Taong abih jien brei mesre jaik 170 ribau tỷ đồng, tagok labaih 12.300 tỷ đồng dut haong thun 2016. 

# Ủy ban Mặt trận negar Việt Nam tỉnh Quảng Bình pambuak bruk saong  UB bhapbini huyện Tuyên Hóa barau jao brei 46 sang daok ka bhapnini bangsa takik kathaot, gaok bala di dom xã Lâm Hóa saong Thanh Hóa (huyện Tuyên Hóa). Hadei labaih 5 bilan padang ngak, sang daok hu ngak blaoh ngan saong yaom jien abih tih labaih 3,9 tỷ đồng, hu 46 sang daok ka 15 sang. Dom hạng mục  jeng khik hu chất lượng, kỹ thuật, mỹ thuật; bruk hacih saat, ginup kadha piah nghiệm thu, jao brei, ba tame pandar.

# Pandar công nghệ glaong dalam bruk ngak nong, pala yaok héc ta traong ndaiy meda paik hu jaik 250 tal 300 tấn; dalam tuk ngak tui jalan meng kan ye năng suất tok samu 1/10. Bruk ini bahrau hu klup kapul doanh nghiệp ngak nong công nghệ glaong ba tabiak pak “Diễn đàn pambuak pagam công nghệ hijao – ngak nong hacih” kayua Mentri Ilamo Khoa học saong Công nghệ pambuak bruk haong UB bhap bani bal Đà Nẵng meng blaoh. 

# Kapul ngak bruk di rilo gah kayua  Sở ilimo, padhih saong Du lịch tỉnh Lâm Đồng hu peih bruk taong yaom libik peih bruk du lịch mạo hiểm “kajan paplah patau” di libik Langbiang di dhar Công ty Cổ phần mạo hiểm Việt pak Đà Lạt (PhatTire) piah peih bruk quy định tạm thời di UB bhapnini tỉnh Lâm Đồng ka khik ramik bruk peih ngak  du lịch mạo hiểm dalam tỉnh Lâm Đồng. Công ty Mạo hiểm Việt urak ini lac libik hu rilo asal kadha di janih du lịch mạo hiểm saong rilo bruk du lịch mạo hiểm suai livik di Lâm Đồng.  

# Sở Kế hoạch saong Đầu tư tỉnh Vĩnh Long bahrau mboh tangin tame harak pahadar pambuak bruk haong Công ty Cổ phần MISA ka bruk daong phần mềm kế toán brei saoh ka doanh nghiệp khởi nghiệp, doanh nghiệp bahrau padang dalam thun 2017-2018 dalam tỉnh. Hadei di tuk mboh tangin, MISA hu jao brei urang jakar ilamu pambuak haong Sở Kế hoạch saong Đầu tư tỉnh piah pabak thông tin, tư vấn, daong ka dom doanh nghiệp bahrau padang hu taduan mek phần mềm kế toán MISA SME.NET 2017 gói Starter  yaom 2.950.000 đồng. Tal urak ini, hu blaoh 32.000 doanh nghiệp hu taduan mek brei saoh phần mềm kế toán meng MISA. 

# Meng thun 2006 tal ini, tỉnh Bà Rịa –Vũng Tàu hu peih ngak danaksak ia tasau dalam sang bac daong paglaong tầm vóc uranaih, pasiam cân nặng saong paglaong trí tuệ di uranah ala 6 thun. Tui kuhria mboh yaok thun danakdak ia tasau dalam sang bac di tỉnh ini hu brei ia tasau saoh ka labaih 44.000 uranaih dalam sang bac mầm non saong jaik 4.500 uranaih lingiu bhapnini.

# Parang iek “Bình Phước – dahlau saong hadei di mesruh metak" rah tabiak meng ini tal abih harei 30/3/2018 pak Muyim Chứng tích chiến tranh, bal raya HCM. Tapa labaih 200 tư liệu, thaot binguk, pandap panda, mbang parang iek hu brei ka bhap bani Việt Nam song dunya thau ka dakrai sajarah, bhum taneh anek manuac  Bình Phước tapa 2 mbang mesruh metak pacang cakak Pháp saong Mỹ ngan haong ralo khat lahik pandik harao. Taphia di nan breimboh bruk yam tagok pasiam veik  dom khat lahik kayua mesruh metak, dak padang saong patagok tỉnh Bình Phước dalam tukvak mbeik drei yam tame.

 Khaw tin dunya

#Tổng thống Philippines Rodrigo Duterte meda ba Cảnh sát negar PNP ngak veik bruk caga ma túy di taneh ia ini. Urang brei panuac di Tổng thống Philippines, ông Harry Roque  brei thau, bruk ngak ini piah khik caga jak jeng di bruk caga ma túy negar. Tui ông Roque, Tổng thống meda samal ba tabiak quyết định saong PNP meda khik veik libik dang akaok. 

# Janih Protein bất thường (prion) ba tal ruak CJD atau daok iew lac ruak "limo mehroi", oh lac hu mboh dalam glo akaok urang ruak yau jalan saneng meng kan mai bo daok hu mboh angaok kalik di urang ruak. Tapa roh duah bahrau ini angaok tạp chí Science Translational Medicine hu brei mboh bruk njaom mbak janih ruak ini. Nyu meda njaom mbak ruak meng Prion angaok kalik bhian gaok tuk drei blac raih angaok rup babhap langiu glo akaok urang ruak. 

# Dalam thun 2017, Trung Quốc  hu caik paok jien chi kadung jien karja tagok tal 16 tỉ Nhân dân tệ (2,5 tỉ đôla) piah langyah nerak thak dhur di 13 tỉnh, ban bhian gaok thak dhur. Ini lac paok jien chi daok dalam kadung jien 49,7 tỉ Nhân dân tệ (7,5 tỉ dôla) dalam thun ini piah caga nerak không khí, ia saong taneh riya. Bruk praong piah roh duah, xử lý thak dhur meng dom lò dang, thak dhur hữu cơ, khí thải radaih ô tô... par tabiak alam môi trường./.