# Thủ tướng Raja-ei bahrau mboh tangin tame harak ramik veik jalan patagok ba brei aia đô thị saong khu công nghiệp Việt Nam tal thun 2025, pamong tal thun  2050. Tui nan, tal thun 2025, bruk pabak brei aia hacih di dom đô thị hu 100%, tui tiêu chuẩn ba brei aia kuhria rah tapa jaik 120 lít sa urang sa harei, melam chất lượng aia mek quy chuẩn quy định; dom khu công nghiệp hu ba brei aia ginup tui hatai caong khin. Dom jalan ba brei aia khu vực đô thị saong peih bruk ba brei aia an toàn hu 75%…

# Jabat rajaei barau hu brei thau kết luận di Phó Thủ tướng Trương Hòa Bình di mbang nyaom mban tacei pato ka dom jalan tani tanat raidiuk saong ngak mbang, pablei salih ka bhapbini 4 tỉnh gah kreh negar gaok kan kandah kayua nerak alam môi trường. Phó Thủ tướng pandar akaok Ủy ban bhapbini 4 tỉnh: Hà Tĩnh, Quảng Bình, Quảng Trị, Thừa Thiên - Huế pataom tame ramik pasiam dom kan kandah, jhul khang bruk bayan jien bồi thường, daong brei mbang ka sa ka dom urang, suai abih dahlau Tết âm lịch piah bhapbini tani tanat raidiuk. 

# Hadei di ribuk, urang nong tỉnh Phú Yên daok samar ramik pasiam taneh, pametai takuh, mek baoh sang bau darang, pandar khak hữu cơ di labik piah pala drak labaih 26.500ha padai đông xuân vụ 2016-2017, kham merat mek tổng sản lượng 190 ribau tấn padai, tagok jaik  6.000 tấn dut haong vụ dahlau.

# Phòng Cảnh sát alam Môi trường pambuak bruk saong Phòng Cảnh sát Giao thông Công an tỉnh Gia Lai di baiar harei 25/12  duah mboh sa sruh radaih tải pajeng 4 drei limo metai, bruk daok ba nao pablei. Phòng Cảnh sát alam Môi trường, Công an tỉnh Gia Lai brei thau, tuk camereip thau lac, dom drei limo ini hu pajeng ba meng trang trại raong glang di huyện Mang Yang. Tui gah chức năng hu mbaok pak di labik nan, anek meta, bruk pajeng ba drei athur metai, mbau bruk nan ngak suan dom quy dinh ka alam môi trường. Daok bruk kayua halei pablei dom drei limo metai mbau bruk daok hu dom gah chức năng tỉnh Gia Lai duah thau, ngak cambaih saong langyah tui quy định di adat hukum .  

# Đại học Quốc gia bal raya Hồ Chí Minh bahrau tabiak bruk tuyển sinh thun 2017 tui klau jalan xét tuyển ngan haong abih tih jaik 13.000 chỉ tiêu. Tui nan, jalan ka sa  lac pilih ruah tapak thí sinh tui quy chế tuyển sinh đại học, cao đẳng hệ chính quy di Mentri pato megru. Tapa  nan, meda hu 5% dom chỉ tiêu di ngành, nhóm ngành piah pilih ruah tapak thí sinh tui jalan ini. Jalan ngak ka dua lac pilih ruah dahlau anek saoh dom sang bac Trung học phổ thông chuyên, năng khiếu dalam negar. Jalan ngak ka klau lac pilih ruah tui  bruk pakacah Trung học phổ thông negar 2017 ngan haong chỉ tiêu tui kuhria dahlau  80-85% taong abih chỉ tiêu di ngành/nhóm ngành. 

# Tui Ủy ban bhapbini tỉnh Bình Dương, dalam tỉnh urak ini hu labaih  425.000 uranaih, dalam nan hu jaik 7.000 uranaih sang kan kandah saong labaih  3.600 uranaih mbuan si laik tame kan kandah. Meng nan, tỉnh Bình Dương hu peih ngak dom bruk pacang caga saong trun takik urang ngak lac uranaih tukvak 2017-2020.  Ủy ban bhapbini  tỉnh pandar dom huyện, ban sit  peih ngak dom mô hình piah pacang caga, trun takik uranaih ngak bruk, daong uranaih mbuan laik tame jalan nao ngak bruk...

# Kapul Pachreih bac tỉnh An Giang bahrau peih bruk pok brei pok jien bac liệt sĩ Huỳnh Thiện Nghệ mbang ka 9  thun bac 2016 - 2017 ka 7 4 anek saih, sinh viên, gru pato hu rai diuk kan kandah, kham merat yam tagok dalam bac megru, pato pakai. Dalam DOM anek saih, sinh viên taduan mek hu pok jien bac mbang ini hu 40 anek saih tal 12 di dom huyện kan kandah dalam tỉnh An Giang nan lac Tri Tôn, Tịnh Biên, An Phú saong Chợ Mới, yaok pok hu yaom 1 triệu đồng; 20 sinh viên Sang bac Đại học An Giang; 10 sinh viên Sang bac Cao đẳng Nghề An Giang, yaok pok 2 triệu đồng…

Khaw tin dunya

# Mintri jien padai Trung Quốc harei 25/12 brei thau, meda ramik veik thuế suất dom pandap panda blei tame meng taneh ia lingiu. Bruk ramik veik ini hu ba tabiak ngak meng harei 1/1/2017. Cambaih laih, piah pabak bruk blei tame di taneh ia, dom tanut kak je hu patrun bair ka dom pandap panda blei tame meng taneh ia langiu meng thun tal, dalam nan hu dom pandap ye : ikan ngừ, hadang Bắc Cực saong pandap ngak brei megei meng hơi ia caik ka kapal ahaok.

# Urang jakar khik iek sang guk Malir (Ma-li) di bal Karachi (Ca-ra-chi) di Pakistan, Hassan Sehto (Ha-xan Xê-tô) bahrau brei thau negar ini hu palao  tự do ka 220 urang taong mek ikan Ấn Độ njauk cap khik kayua nao tame dalam bhum tasik di Islamabad yau sa “cử chỉ thiện chí” ngan haong Ấn Độ. Dom urang taong mek ikan hu palao tự do nan hu mai veik Ấn Độ dalam harei 26/12. 

# Cảnh sát In-đô-nê-xi-a barau cuh metai 2 nghi phạm di Tây Gia-va (Tây Java), hu thau lac daok kuhria bruk taong tame cảnh sát. Tui panuac khan di  cảnh sát, harei 25/12, sa biệt đội caga khủng bố barau pametai  2 nghi phạm ini di sa baok sang di Pua-oa-ca-ta (Purwakarta), Tây Gia-va, atah di ban Gia-các-ta (Jakarta) jaik 80 km di gah Đông Nam. Cảnh sát brei thau, dua urang likei ini lac menuac  di sa kapul urang  In-đô-nê-xi-a pachreih tui kol IS./.