# Taduan panuac daa di akaok Hạ viện Vương quốc Hà Lan Kha-đi-gia A-ríp, Kapul urang lambaok pakat glaong Quốc hội Việt Nam kayua akaok Quốc hội Nguyễn Thị Kim Ngân ba akaok nao rivang Vương quốc Hà Lan meng harei ini 26 tal harei 29/03/2018. Mbang nao rivang ini biak hu yaom, piah kak kajap jang talei rohim pambuak nao mai haong Hà Lan, taphia di nan, brei mboh bruk patagok saong cakrok talei rohim pambuak bruk nao mai di Quốc hội negar drei saong Nghị viện Hà Lan.

# Tui  Pasak  Điều độ Hệ thống điện negar, hadei di sa tuk padam pui Giờ Trái đất 2018 (meng 20h30 tal 21h30 harei 24/3/2018), điện năng patak patom hu dalam negar lac 485.000 kWh, samu labaih 834 triệu đồng. Thun 2018, ngan saong kadha “Harei ni hulin  duik hajao jang”, Giờ Trái đất hu panuac ieu abih kapul nyaom, menuac urang patak patom năng lượng, khik caga môi trường hajao khang kajap.

# Page harei 26/3, Xã đoàn Phan Điền, huyện Bắc Bình, tỉnh Bình Thuận peih bruk taom mbaok urang đoàn, dam dara bangsa Raglai. Pak inim dom ayut ranaih ba gauk hadar veik dak rai sajarah 87 thun dak padang, cakrok patagok di Kapul dam dara CS Hồ Chí Minh; pok meyaom dom urang đoàn, dam dara hu ralo rikdaong dalam bruk padang ngak palei pala bahrau di xã… Sa-ai Mai Duy Quốc – Bí thư Xã đoàn Phan Điền, huyện Bắc Bình, tỉnh Bình Thuận brei thau: 

# Tui Tổng cục Thủy lợi, Mintri ngak nong song patagok palei pala, ia  krong  Mê Công nduac mai bhum taneran krong Cửu Long dok trun khang dut song tuk vak akaok bilan thu, mbuan si patagok bruk njom mbak meng puac bilan 3 tal bilan 4/2018 song dang di tanut glong jang dut song thun 2017. Piah caga kan kandah di bruk njom mbak, khik ginup ia pala drak ngak nong song piah pandar, Tổng cục Thuỷ lợi hu panuac kakei Sở ngak nong song patagok palei pala dom tỉnh, ban bhum taneran krong Cửu Long tui iek catang bruk di langik tasik, jalan ia, bruk njom mbak.

# Bilan padai Đông Xuân 2016-2017, urang nong tỉnh Trà Vinh biak bui sambai ka yua năng suất patagok saong yaom padai di tanut glaong, tagok jang meng 800-1.000 đồng/kg dut haong vụ dahlau. Abih di nyu nan lac,  meng ngak tui mô hình mblang taneh ngak padai prong, hu mbaok tame hợp tác xã hu daong brei dom dịch vụ daong trun yaom phun saong daong pablei padai yaom glaong ba mai kein laba meng 35 tal 40 triệu đồng/ha, tagok jang jaik 5 triệu đồng/ha dut haong langiu mô hình. Bilan Đông Xuân thun ini, tỉnh Trà Vinh gieo pala labaih 66.000 ha.

Khaw tin dunya:

# Trung Quốc dok kuhri kuhria jalan ngak piah pamong tame ratak đậu nành song kapan haoh nhập khẩu meng Mỹ piah cagar veik bruk di Tổng thống Mỹ Donald Trump bổ sung áp thuế ngan song dom janih pandap  blei meng Trung Quốc hu yaom abih bih tih labaih 60 tỷ USD. Trung Quốc jeng pasang iek bruk takik blei trái phiếu di mintri jien ndua Mỹ, sa bruk meda ngak brei catang jang bruk meriak gauk gah pablei salih dom harei jiak di ni di 2 gah  kinh tế dang akaok dunya.

# Kapul pablei brah Thái Lan tabiak negar lingiu (TREA) brei thau bruk jien baht tagok jaik 10% saong sản lượng tui kuhria dahlau meda patrun ngak ka bruk pablei brah tabiak negar langiu dalam thun ini oh mek hu tanut ba tabiak lac tagok 9,5%, yaom lac tanut ba tabiak nan nyu biar jang labaih 18% dut haong 11,6 triệu tấn di thun dahlau. Akaok  TREA, ong Cha-rô-en Lao-tha-mát langyah: jien baht khang TAgok ngak kan kandah praong ka bruk pablei brah tabiak negar langiu thun ini, kayua lac yaom brah Thái Lan takik pachreih jang dut haong dom negar karei.

# Yaok pluh  triệu urang Ai Cập ginup điều kiện harei 26/3 nao plaik phiếu dalam mbang palih ruah Tổng thống di negar ni, tui khria rah tabiak dalam 3 harei meng harei 26 tal 28/03. An ninh hu khik kajap gah langiu 11 ribau labik plaik phiếu dalam negar. Piah khik kajap an ninh ka mbang palih ruah, karja Ai Cập hu peih ngak dom jalan an ninh đặc biệt, hu mbaok labaih 200 rabau cảnh sát song quân đội. Langiu di bruk khẩn cấp hu ba tabiak dahlau di nan, Mintri Nội vụ Ai Cập harei kabroi jeng ba tabiak tanut cảnh báo an ninh glong dalam taneh ia./.