Khaw tin 6h30 harei 27/6

# Piah grap tanat ka taong abih manuac urang hu nao bac megru, patrun bruk klaak bac saong patagok tỷ lệ uranaih tame sang bac, raja-ei njauk hatai brei peih ngak sarak oh mek jien bac ngan haong giáo dục mầm non ka uranaih umo 5 thun di labik hu điều kiện kinh tế - xã hội biak kan kandah meng thun 2018. Tui nan, uranaih umo 5 thun di dom bhum kan kandah meda miễn học phí oh njauk lac tok ta-eng uranaih dom bangsa takik yau dahlau diah.

# Di 6 bilan tapa, pakat uy saong uy mban Kiểm tra dom pakat Đảng bộ  Bến Tre hu thi hành kỷ luật 90 urang đảng viên ngak suan, tagok jaik 6% duk saong dom bilan ini thun dahlau. Dalam dom urang ini hu 6 urang gaok khai trừ tabiak Đảng, 25 urang gaok cảnh cáo saong 59 urang gaok khiển trách. Tui Ủy Ban kiểm tra Tỉnh ủy Bến Tre, rilo urang đảng ngak suan ka đạo đức lối sống, ngak suan chức trách, bruk ngak hu jao brei saong nguyên tắc jien padai.

 # pandiak bhang gam haong tốc độ cakrok patagok đô thị samar drah ngak ka dom labik di bal Đà Nẵng kurang aia pandar. Trung bình, yaok harei bhap bani bal Đà Nẵng pandar labaih 300.000 khối aia, min taong abih công suất dom sang mac tok jaik  210.000 khối. Ralo labik, hạ tầng ba aia oh ka hu đầu tư, atau kayah kayac oh ginup  khả năng ba brei aia.

# Labaih 3.000 pablei buôn kan kandah jeng daok di dom puk palei bhum kreh negar saong Tây Nguyên, lac baoh số kayua Ủy ban Dân số patabiak harei 23/6. Njauk hatai lac, dom palei buôn ini daok di labaih 15 huyện kathaot daok hu mbang tui sarak trun kathoat samal, kajap.

 # Thôn Bình Lợi – labik biak kan kandah di xã Chư Mlan, huyện tapen negar  Ea Súp, tỉnh Đăk  Lăk. Kayua daok atah pasak xã Chư Mlan labaih 30km, nan ye bruk ba điện gaok ralo kan kandah, mboh ralo bhap bani labik ini jeng daok dalam baoh sang kan kandah. Hu Tổng công ty Điện lực Miền Trung đầu tư labaih 15 tỷ đồng, Công ty Điện lực Đắk Lắk hu triển khai dự án ba điện ka labaih 250 baoh sang di thôn Bình Lợi.

# Xã  Ðạ Chais, huyện Lạc Dương lac sa xã bhum glaong, bhum atah bayah di tỉnh Lâm Đồng, hu tỷ lệ sang kathaot meblah 34,2%, sang jaik si kathoat meblah 18,2%. Peih ngak sarak bangsa thun 2017, tỉnh hu jao brei labaih 62 tỷ đồng peih ngak danakdak 135. Ủy ban bhapbini tỉnh hu tacei pato mban bangsa tỉnh padang ngak nguyên tắc, tiêu chí, định mức parabha jien, khan brei ka tỉnh thau ka sarak daong taneh daok, taneh pala drak, ia pandar, daong bhapbini ngak mbang tani tanat, patagok kinh te.

# Pasak dự báo nguồn nhân lực bal raya Hồ Chí Minh brei thau, tui kuhria dahlau mùa hè thun ini, darak pasar bruk ngak bal njauk caong khin jaik 7.000 urang ngak thời vụ, mboh ralo brei ka đối tượng sinh viên di njaom ngành nghề pablei salih, bán hàng, phục vụ, jik pet, du lịch… Pasak taduan mek hu labaih sa ribau akaok bruk meng dom doanh nghiệp đặt hàng, tagok 30% dut haong hè thun 2016, ngan haong jien mek tame meng 4 tal 5  triệu đồng yaok urang sa bilan.

Khaw tin dunya

# Ủy Ban pilih ruah taneh ia Campuchia hu ba tabiak kết quả mbang pilih ruah Hội đồng xã, phường nhiệm kỳ 4 hadei tuk langyah blaoh dom đơn yak bak di dom đảng phái chính trị. Tui nan, đảng bhapbini Campuchia mek hu 1,156 số xã, phường, meblah 70% dom xã, phường dalam taneh ia, trun 7 xã phường duk saong kết quả akaok mereip. Đảng Cứu Quốc mek hu 489 dom xã, phường tagok 7 xã, phường duk saong kết quả akaok mereip.

# Yaok rituh urang di melam 25/6, hu huy động piah pacang cakak mbang apui khuah daok pambak prong di Bein negar Đô-nha-na (Donana), Tây Nam Tây Ban Nha, dalam tuk labaih 1 ribau 800 urang njauk panduan nao daok di labik karei. Tây Ban Nha daok yam tapa tukvak tua riya pandiak bhang trak. Ralo labik di negar ini hu dak tame talei angan mbuan apui khuah glai glaong abih, dalam nan hu tỉnh Hu-en-va (Huelva), labik hu công viên tự nhiên Đô-nha-na.

# Mbang hajan praong dui atah di rilo harei tapa ngak ka dom tỉnh, ban gah meraong Trung Quốc laik tame dalam tasik ia pagam tui nan lac dom khat lihik trak ka menuac saong drap ar. Kuhria tal tukvak ini, hajan praong hamiet tuh mai dom tỉnh gah meraong Trung Quốc saong ngak khat lihik trak. Di tỉnh Quý Châu hajan praong ngak ka 2 urang metai, 2 urang lihik, 19 rabau urang njauk nao plaih saong kan kandah tal raidiuk di 800 rabau urang./.