# Khau tin di nyaom biai Văn phòng Thường trực Mban tacei jalan  Trung ương ka bruk pacang caga bala meng langik tasik  rah tabiak mesup harei  26/6 di  Hà Nội brei thau: hajan ia sua di dom  tỉnh bhum ceik  ngak brei 14 urang metai, 11 urang njauk rambuac. Tui nan, Lai Châu lac labik khat lahik trak ka menuac urang, hu 11 urang metai, 11 urang lihik. Hajan ia sua ngak glut jaleih rilo jalan roya,  tỉnh lộ ngak gar jalan di dom tỉnh Lai Châu, Hà Giang, Điện Biên… Khat lihik gah drap ar  tui kuhria labaih 140 tỉ đồng.

# Tui Phó Chủ tịch thường trực Tổng liên đoàn Lao động Việt Nam Trần Thanh Hải, jien bilan di công nhân urang ngak dom thun jaik ini hu pasiam biak rilo min bahrau pabak hu 80% tanut diukrai takik abih nan ye rilo công nhân oh mbak barak dalam bruk bac megru, paglaong chuyên môn, tangin ngak. Ini lac kadha ba tal bruk urang ngak meda khik hu bruk ngak di drei di umo 35-40 thun hai oh?

      # Tui kuhria mboh di  Gah Y tế dunya, Việt Nam hu jaik 8 triệu urang ruak viêm gan B mạn tính, labaih  13 ribau urang ruak xơ gan, jiak 6 ribau urang ruak  ung thư tế bào gan song labaih  6.400 urang metai kayua ruak  gan. Anak bruk nan, dom urang ilamu hu ba tabiak panuac pachreih pambuak bruk  đông tây y dalam bruk iek ruak  gan, nan lac pandar dom phun jru quý yaok ribau thun  yau ưng bất bạc, tapa lâm sàng mboh nyu dong khik  tế bào gan anak dom kadha ba tal kanjah jhak,  pacang dom phản ứng viêm di gan; pacang ngak jeng dom  tế bào gan jhak piah nyaih  bruk  biến chứng nguy hiểm yau  xơ gan, ung thư gan.

 # Dalam 3 harei rah tabiak mbang pakacah Trung học phổ thông negar (meng 25-27/6), Ban trị sự Giáo hội Phật giáo tỉnh Tuyên Quang, Tỉnh Đoàn Tuyên Quang pambuak gauk brei jaik 4.300 suất lisei ka thí sinh saong menuac nao tui thí sinh (meyah caong khin, yaok suất yaom labaih 50 rabau đồng, di 22/29 libik pakacah dalam tỉnh. Tapa nan, daong dom thí sinh, abih di nyu nan lac dom thí sinh di bhum atah bayah, sang kan kandah tame mbang pakacah Trung học Phổ thông negar an toàn, siam lagaih, hu kết quả siam mekre di abih.

          # Mbang camereip di abih dom mbang parang iek nghệ thuật bangsa  Việt Nam hu yaih khan di harei pataom ilamu  meng kan di ban  Créteil, tỉnh Val-de-Marne, gah Đông Nam ban ine Paris (Pháp). Nan lac sap gar chreih chrai, dom lagu tamia bhap bini, dom lagu tamia xòe ô, ndon hala, gam song sap khèn di bhap bini bhum ceik glong  lac sap capi T’rưng lai song sap gar, sap đàn đá. Ni lac dom kadha  nghệ thuật biak gheih  hu kapul Tiếng Tơ Đồng ba nao yaih khan dalam harei pataom ilamu mbang ni .

        Khaw tin dunya

        # Ngoại trưởng Mỹ Mike Pompeo harei 25/6 brei thau ông oh ba tabiak sa khung tukvak ka dom mbang ginum biai ka phi hạt nhân hóa Triều Tiên. Panuac ini cagar veik panuac di sa urang jakar quốc phòng pakat glaong dahlau nan ndom lac Washington drah samal ba tabiak sa khung tukvak ngan saong dom bruk ba tabiak cambaih ka Triều Tiên. 

          #Thủ tướng Australia harei 26/6 brei thau, negar ni  meda blei  6 sruh kapan haoh  do thám oh hu menuac peih  tầm xa Triton di Mỹ, piah patagok bruk pasang iek hàng hải, song yaom jien buh tanbiak labaih  1,4 tỷ dollar Autralia (1 tỷ USD) ka sruh kapan haoh camereip abih.

# Pak di harei urang kumei Saudi Arabia hu adat peih radaih ôtô (25/6), sa urang kumei siam binai taneh ini hu peih bruk uan tabuan meng bruk hu mbaok tame giải đua công thức 1. Aseel Al-Hamad pachreih hu bruk sangka di truyền thông oh lac kayua siam binai bo daok kayua màn trình diễn đặc biệt di nai di giải  đua công thức 1 ini./.