# Harei 27-2- harei gru jru Việt Nam, gam saong bruk pok meyaom gru jru, rilo sang iek ruak dalam taneh ia ba gauk pataom tame danakdak halan hatian brei darah, rik daong pasiam bruk kurang darah duh ka cấp cứu, iek ruak ka urang ruak. Di sang iek ruak meta Hà Nội 2,  labaih 60 bác sĩ, điều dưỡng saong urang jakar y tế pataom tame danakdak halan hatian brei darah ngan saong kadha” yaok tanyaoh darah brei nao, sa raidiuk daok veik”. Urak ini, tỉ lệ urang brei darah di taneh ia drei jaik 1,6% menuac sia.

# Hadei di Tết Nguyên đán Mậu Tuất 2018, urang nong di tỉnh Quảng Ngãi dok pataom tame iek glang padai Đông Xuân. Min dalam tỉnh urak ni hu labaih 5.000 ha padai dalam tuk daok sraoh, njauk thu akaok hala, katam hala; labaih 300 ha padai njauk takuk palai kaik. Chi cục khik caga phun pala tỉnh Quảng Ngãi hu panuac kakei mik va tagok bruk nao rivang hamu song pandar njauk janih jru khik caga phun pala song dom janih ruak karei di angaok phun padai.

# Urak ini urang nong dalam tỉnh Ninh Thuận daok tabiak hamu piah pasang iek dom janih phun pala saong hatai caong khin thun barau ngak padai hu padai ngak tangei hu tangei, jien mek tame glaong ka sang. Bilan Đông - Xuân thun ini, dalam tỉnh Ninh Thuận drah labaih 25.000 ha phun pala dom janih, dalam nan hu labaih 16.000 ha padai. Urak ini, padai hu 25 harei saong daok hu urang nong tam halok, ba ia tame hamu, buh khak pasang iek.

# Tui pasak yaih khan bruk ngak tỉnh Bình Phước, bruk dom doanh nghiệp dok kurang urang ngak rah tabiak di dom sang mac jhik song menyim dok ngak bruk  di dom  khu công nghiệp dalam  tỉnh. Thun 2018, dom doanh nghiệp tut angan caong pilih ruah labaih 30.000 urang ngak.

# Thun ini, tỉnh Vĩnh Long kham merat mek hu yaom ngak kaya ikan dalam ia jaik 2.500 tỷ đồng, ngan saong sản lượng raong pala kaya ikan labaih  112.500 tấn. Tỉnh Vĩnh Long meda sangka patagok bruk raong kaya ikan tui jalan an toàn pandap mbang pambuak pagam saong pablei tui chuỗi pandap.

Khaw tin dunya:

# Thủ tướng Nhật Bản Sin-dô A-bê song thủ tướng  Anh Thê-rê-xa May njauk gauk brei pambuak gauk cakak bruk pajeng ba pandap panda di dom kapan piah klah dom bruk trừng phạt gah pablei salih di Hội đồng Bảo an Liên hợp quốc ngan song  Triều Tiên. Mintri Ngoại giao Nhật Bản brei thau dalam mbang ndom nyai tapa phone, Thủ tướng Abe jeng ndom lac oh meda peih dom mbang ginum biai  "hu makna" song  Bình Nhưỡng bo oh hu jalan ngak halei ka bruk  phi hạt nhân hóa palao kaoh Triều Tiên. 

# Ngoại trưởng Nga Xéc-gây La-vrốp harei 26/2 hu panuac taong yaom ka bruk khả thi di sa lệnh padheih cuh di Syria tui sarak di Hội đồng bảo an Liên hợp quốc, dalam nan ndom lac meda mek hu sa thỏa thuận padheih cuh meyah dom gah pambuak tal njauk hatai gauk abih, min ông jeng ndom lac bruk ngak ini biak kan kandah.

# Mỹ  tabiak bruk trừng phạt 6 urang, 24 thực thể song 7 kapan, kayua "đe dọa hòa bình, an ninh song tani tanat di Libya" tapa dom bruk  sản xuất, halang menyek, môi giới, pablei salih atau  xuất khẩu suan hukum  menyek di  Libya. Dalam sa panuac ba tabiak, Mintri jien padai  Mỹ ndom lac bruk buôn lậu menyek dok palai pajoa chủ quyền di Libya, pachreih patagok darak pasa chợ đen song ngak sarau kadau jang dalam khu vực./.