# Pahadar 70 thun harei Thương binh, liệt sỹ (27/7/1947 - 27/7/2017), mesup 27/7, dom ong dang akaok  Đảng, karja, Quốc hội, rajaei saong ban Hà Nội hu nao am gilau, hadar dom anh hùng liệt sỹ di Đài tưởng niệm dom anh hùng liệt sỹ di HN. Hu mbaok di var pahadar hu Tổng Bí thư Nguyễn Phú Trọng saong urang ngak praong ban Hà Nội. Hadei mbang tưởng niệm dom anh hùng liệt sỹ, dom ong dang akaok Đảng, karja, kapul nyaom hu pok bingu, tame lăng sirah Chủ tịch Hồ Chí Minh; brei thau hatai thau dhar phon Wa Hồ, urang padang tabiak, pan akaok ba jalan saong pato pasram Đảng drei.

# Melam 26/7, Thành Đoàn ban raya Hồ Chí Minh peih bruk truac din hadar dom anh hùng, liệt sỹ di Nghĩa trang Liệt sĩ ban raya Hồ Chí Minh. Labaih  2.000 urang dalam hajan pataom tame bruk truac din hadar dom anh hùng, liệt sĩ di  nghĩa trang ban raya. Hadei di cuh gilau, labaih 15.000 mbail din hu dom urang ranaih truac tagok yau brei mboh hatai thau dhar phuan dom rairah ndih trun ka bruk peih paha bangsa saong khik caga negar.

# Anak bruk mintri Tài nguyên saong môi trường brei adat Công ty Điện lực Vĩnh Tân 1 hu tuh gluh hadei kuac rok trun bhum tasik xã Vĩnh Tân, huyện Tuy Phong, tỉnh Bình Thuận, jabat rajaei barau hu harak brei thau panuac tacei pato di phaok thủ tướng Trịnh Đình Dũng. Tui nan, Phó Thủ tướng jao Viện Hàn lâm Khoa học saong Công nghệ Việt Nam dang tabiak, pambuak saong dom jabat khoa học chuyên ngành taong yaom tác động môi trường, dom jalan ngak khik caga môi trường di bhum tasik xã Vĩnh Tân, pathau khan thủ tường rajaei dalam tukvak samar abih. 

# Di Trụ sở Trung ương Đảng, Hội đồng Lý luận Trung ương barau nyaom mbang ka klau tukvak 2016-2021.  Di mbang nyaom, dom urang dalam Hội đồng hu ginum biai ka Báo cáo tư vấn “dom bruk lý luận, thực tiễn ka salih barau bruk dang akaok di Đảng,  padang hệ thống chính trị tinh gọn, ngak bruk hu siam lagaih, kein laba” piah  caga ka nyaom biai Trung ương 6 saong brei thau ka bruk ngak di Hội đồng 6 bilan akaok thun 2017. Dom panuac hu ndom bruk njauk salih barau jalan dang akaok di Đảng meng hệ thống chính trị saong padang tổ chức bộ máy di hệ thống chính trị tinh gọn, ngak bruk hu siam lagaih, kein laba dalam tukvak urak ini.

# Harei 26/7, Ủy ban bhap bini tỉnh Đắc Lắc peih nyaom meyai ba tabiak danak dak bruk ngak negar padang ngak palei pala barau 6 bilan puac thun 2017. Tal urak ini, tỉnh Đắc Lắc hu 20 xã mek hu chuẩn palei pala barau, dalam nan hu 13 xã hu quyết định công nhận. Gam saong bruk peih brei  jaik 4,5 tỉ đồng kadung jien padang ngak palei pala barau, dalam tỉnh pachreih bhap bini rik daong hu labaih 60 tỷ đồng, 21.000 harei ngak saong brei labaih 70.000 m2 taneh piah ngak barau 58 km jalan bê tông, 64 km jalan patau randaih. Tỉnh Đác Lắc kham merat tal puac thun ini hu 30 xã mek hu chuẩn palei pala barau.

# Bair harei 26/7, dalam xã tapeng negar Môn Sơn, huyện Con Cuông  tỉnh Nghệ An barau rah tabiak hajan praong, gam saong ia di Thượng nguồn tuh mai ba tal xua praong. Tukvak rah tabiak xua, ia dalam đập Pà Lài tagok glaong 1-2m duk saong yaok harei. Ia xua tagok glaong gam saong hajan praong  nduac tame dom baok sang bhapbini saong ngak khut pandap pandar dalam sang, dom drei athur, menuk ada di urang bhapnini gaok ia xua tuh ba nao, rilo taneh njam patam  dauk dalam ia. Ini hu maong lac mbang ia xua ống, lũ quét praong abih dalam 17 thun tapa di xã tapeng negar Môn Sơn.

# Di Công ty trách nhiệm hữu hạn sa thành viên Wondo Vina, bhian ngak gia công khan ao xuất khẩu di palei Tân Bình, xã Long Bình Điền, huyện Chợ Gạo, tỉnh Tiền Giang barau rah tabiak bruk njauk mek pandap mbang ngak ka ralo công nhân tame sang iek ruak cấp cứu. Pasak y tế huyện Chợ Gạo hu pataom abih pren yava tame daong atau panduan nao sang iek ruak gah angaok. Ini lac mbang ka 3, doanh nghiệp ini rah tabiak bruk njauk mek pandap mbang  ngak ka ralo công nhân tame sang iek ruak cấp cứu.

Khaw tin dunya

# Cục an ninh vận tải Mỹ brei thau, meda pandar dom quy định an ninh catang jang di tukvak tal. Salih ka bruk tok duah pasang laptop yau dahlau thiah, dom quy định barau peih praong phạm vi dom thiết bị điện tử njauk dut iek an ninh piah caga plaih bruk pajeng ba pandap patuh suan hukum tagok kapal ahaok. Cục an ninh vận tải Mỹ brei thau, dom  quy định barau hu ngak iek di 10 mblang par saong hu pandar di grauk taneh ia Mỹ dalam dom bilan tal .

# Harei 27/7, TQ hu dẫn độ 17 nghi phạm dalam bruk pachot, ndok jien tapa mạng Internet saong ieu phon meng Campuchia mai taneh ia, piah patui bruk điều tra, patagok abih tih nghi phạm njauk dẫn độ mai TQ dalam bruk ini tagok tal jaik 100 urang. Tui jabat chức năng TQ, dom urang nan mek CPC piah peih ngak dom bruk pachot, ndok jien tapa mạng Internet saong ieu phon ngan saong menuac urang di Trung Quốc. Tui kuhria mboh oh ka ginup abih, kapul ini ngak hu labaih 300 mbang pachot ngan saong yaom jien 10 triệu nhân dân tệ (jaik 35 tỷ đồng). Dahlau nan, harei 1/7 meng bloh, Trung Quốc jeng hu dẫn độ meng Campuchia 74 nghi phạm pambuak tal bruk ini mai taneh ia.

  #Hajan praong hamiet dalam luac 3 adit tapa di dom libik di bang Gu-da-rát di gah Pai di Ấn Độ, ngak takkik abih 75 urang metai, dalam tuk nan hu jaik 25 rabau urang bhapnini njauk nao plaih an toàn. Di harei 25/7, Thủ tướng Ấn Độ Na-rên-đra Mô-đi njauk pandar sruh kapal ahaok duah pasang dom khat lihik kayua hajan xua. Dalam tuk nan, dom kapul di bol bala Ấn Độ jeng daok kham merat ba pandap mbang menyum jru tavao ka dom urang bhapbini daok njauk pacang cakak dalam hajan xua.