# Lambaok baoh sang Đại tướng Võ Nguyên Giáp pambuak haong Đồn Biên phòng Cồn Roàng (Bộ Chỉ huy BĐBP Quảng Bình) bahrau ba tame pandar công trình bingun aia pandar hacih ka bhap bani bangsa takik di palei A Rem, xã Tân Trạch, huyện Bố Trạch. Ini lac công trình hu makna, brei mboh hatai ranam di baoh sang Đại tướng brei ka bhap bani bangsa takik palei A Rem, piah pasiam veik bruk kurang aia pandar, daong ngak brei grap tanat rai diuk ka mikva.

  # Bruk bui sambai ka urang nong pala chanh leo di tỉnh Sơn La, nan lac baoh chanh leo that hu pablei tapa darak pasal Pháp. Dua tấn chanh leo baoh that  akaok mereip hu công ty cổ phần Nafood pablei tapa dom siêu thị di taneh ia Pháp. Piah pablei tabiak hu,, dom baoh chanh leo brei trak 12 baoh sa kg saong hu pala, pasang iek saong paik baoh tui tiêu chuẩn Globalgap – tiêu chuẩn pablei tabiak taneh ia lingiu di Châu Âu. 

         # Harei 26/11, huyện Thuận Châu, tỉnh Sơn La hu peih bruk brei thau xã Phổng Lái mek chuẩn palei pala bahrau vaktu 2016 – 2020. Phổng Lái lac XÃ bhum I di huyện Thuận Châu, praong labaih 9.200 héc ta, hu 24 puk palei, hu 3 bangsa adei sa-ai lac Yuan, Mông, Thái. Meng hatai kham merat di pakat ủy đảng, karja saong bhap bani, xã Phổng Lái mek hu 19/19 tiêu chí padang ngak palei pala bahrau saong lac xã akaok mereip di huyện mek hu chuẩn palei pala bahrau.

# UB bhapbini tỉnh Bình Định barau buh tame labaih 20 tỷ đồng ngak hệ thống truac hadah di jalan roya 1A, labik nao tapa tỉnh ini. Tukvak tapa, di jalan roya 1A nao tapa tỉnh Bình Định rah tabiak rilo mbang bala di jalan mbak. Makna ba tal bala rilo meng lac kayua lingik sup, meta maong peih radaih oh atah, abih di nyu nan lac di dom canah jalan plaih di dom huyện Phù Mỹ, Phù Cát saong ban sit An Nhơn.

         # Ub bhap bani tỉnh Đắk Lắk bahrau tabiak Quyết định ka bruk daong jien padai ka dom jabat pandar urang ngak lac urang bangsa takik. Tui nan, UB bhap bani tỉnh buh tabiak meng kadung jien salih bahrau jien bilan kadung jien karja tỉnh thun 2017 lac labaih 3,371 tỉ đồng, piah daong nộp BHXH, BHYT, BHTN ka dom urang ngak lac urang bangsa takik hu dom doanh nghiệp karja di tỉnh khik iek palih ruah.

      # Di ban ine Praha rah tabiak Nyaom darak Giáng sinh pakat dunya thun  2017 khan tal bhapbini Séc saong tuai dunya dom pandap mengkan saong ilimo di 48 taneh ia di dunya, dalam nan hu Việt Nam. Thun ini, Việt Nam pataom tame Nyaom darak hu 3 quầy yaih khan dom janih khan bai tơ tằm, dom pandap thủ công mỹ nghệ mengkan hu ngak biak gheih, mekre, dom pandap menyum siam ka pren yava saong dom pandap mbang ye nem rán atau hadang tẩm tapung chiên…

        # Harei pataom Áo atah 2018 meda rah tabiak meng harei 3/3 tal harei 25/3/2018 pak bal raya Hồ Chí Minh, ngan haong kadha “Gheih mekre ao atah bal raya Hồ Chí Minh”.  Harei pataom hu peih ngak jaik 15 bruk piah pok paglaong blah ao atah Việt Nam yau: peih bruk pakacah Gheih mekre Ao atah bal raya Hồ Chí Minh; Diễu hành saong trình diễn Flamhmob Áo atah pachreih hu 3000 urang hu mbaok tame; dom danak dak Talk show ka ao atah; diễn đàn Áo atah dalam rai diuk urang kamei bal raya; danak dak nghệ thuật “Áo atah – jalan ngui cuk thun 2018”; Nyaom pakacah  cắm bingu “Việt Nam – rituh bingu ribau sambo”…

Khaw tin dunya

   # Dom gah chức trách In-đô-nê-xi-a njauk ba nao plaih 24 rabau menuac kayua ceik apui A-ung (Agung) di Ba-li (Bali) pruh. Dahlau nan, ceik apui A-ung pruh tabiak ngak jeng dom geng bau dhur praong, ngak ka gah chức trách In-đô-nê-xi-a klak rilo mbang par. Mbang jaik ini abih ceik apui A-ung pruh lac thun 1963, ngak ka jaik 1.500 urang metai.

  # Harei 26/11, sa sruh gilai pajeng 5.500 tấn tapung bei plom hu vaih tame pabah lamnge Hô-đây-đa (Hodeidah) di Yê-men. Ini lac lô pandap pablei salih akaok meti hu brei adat veih tame pabah lamnge kayua gah bruh tagok pak Yê-men khik iek HADEI DI labaih 20 harei njauk liên minh kayua Ả-rập Xê-út ba akaok pacang cakak, piah peih ngak bruk pah hala.

# Kapul cứu hộ barau daong hu 4 urang ndik ceik di Mỹ gar di tabung ceik Xi-tan-tê-pen (Citlaltepetl) daok kreih tiểu bang Pu-ê-la (Puebla) saong Vê-ra- crút (Veracruz) di Mê-hi-cô. Dom urang ndik ceik gar di libik glaong labaih 5.200 mét duk saong mbaok ia tasik. Urak ini, 4 urang ini daok hu iek ruak di sa sang iek ruak puk palei. Urak ini jeng daok sa urang ndik ceik tra lac urang Mỹ jeng daok lihik./.