# Patagok ilamu daong ba gauk, sa tangin haong bhap bani dalam negar daong ka bhap bani Nam Trung Bộ saong Tây Nguyên daok gaok kan kandah kayua njauk bala meng langik tasik, page harei 27/12, pak Hà Nội, Mentri Ngoại giao peih bruk rik pataom, daong ka bhap bani gah Nam Trung Bộ, Tây Nguyên njauk khat lahik kayua hajan ribuk mbang ka dua 2. Hu thau, harei 19/10 meng blaoh, Mentri Ngoại giao hu peih  bruk rik pataom mbang ka sa saong yaom jien 460 triệu đồng daong ka 5 tỉnh gah kreh negar lac Nghệ An, Hà Tĩnh, Quảng Bình, Phú Yên, Bình Định. 

# Dalam tuk tết Nguyên Đán, gah khik ramik darak pasal tỉnh Bắc Ninh daok pambuak bruk khang kajap saong dom gah chức năng…Piah pacang caga bruk pablei salih lậu, bleik saleik dalam pablei salih di tỉnh. Ông Vũ Mạnh Hải- akaok Chi Cục khik ramik darak pasal tỉnh Bắc Ninh brei thau: “Chi Cục khik ramik darak pasal Bắc Ninh dahlau, dalam saong hadei tết Nguyên Đán pataom tame pasang iek dom janih pandap ka hacih saat pandap mbang menyum, pasang iek asal pandap panda, nhãn mác, chat luong pandap panda. Plaih dom janih pandap pakauk ba tame darak pasal dalam taneh ia ye kol dahlak njauk pataom tame tukvak tabung glaong di dom harei tết nguyên đán ini dom janih pandap, pataom tame pasang iek pháo, pandap mein khut, taong paoh, menyek lingik saong dom pandap pakauk.”

# Urak ini, urang nong huyện Tuy Đức, tỉnh Đắk Nông daok yam tame  bilan thu hoạch bei cuah, min năng suất tok hu 6 tal 8 tấn/1ha, samu meteh dut haong dom thun dahlau. Yaom lac yaom pablei di hamu daok di tanut glaong (trun tagok meng từ 12.000 – 15.000 đ/kg) min jien mek tame di urang nong jeng patrun. Ong Phạm Văn Tâm, urang jakar Duk ngak nong saong patagok huyện Tuy Đức brei thau: “Duk ngak nong hu pachreih mikva peih prong mblang taneh njauk haong quy hoạch, ngan haong phun bei cuah ye chất lượng phun pajaih nan lac quan trọng abih, nyu quyết định tal năng suất, sản lượng saong chất lượng củ hadei ini. Mikva njauk blei pajaih di dom cơ sở tin cậy piah plaih dom janih ruak. Kadua nan lac mikva njauk caik hatai tal bruk mong iek saong pacang caga ruak ka phun bei, grap tanat ka phun tamuh siam, abih di nyu njauk pandar jru khik caga phun pala njauk tui quy trình, oh caik kandong labaih dalam củ bei ngak pambak tal chất lượng pandap panda saong uy tín di  phun bei cuah dalam huyện Tuy Đức.

# Thun ini, kapul urang nong saong rayo papar binguk ban raya Hồ Chí Minh jak ba hu 6,3 tỷ đồng meng danakdak "Tết ngak bruk gheih mekre" piah daong ura ng nong kathaot raok Tết meng kan. Meng paok jien ini, danakdak "Tết ngak bruk gheih mekre" thun ini meda alin ka urang nong  kathaot 1.500 paok pandap Tết, 50 sổ patak pataom saong alin 1500 paok jien bac Lương Định Của brei ka anek saih kathaot ...

# Ong Trần Văn Thắng, Akaok Liên minh hợp tác xã tỉnh Hậu Giang brei thau, tỉnh meda peih bruk daong 4 hợp tác xã ngan haong blang taneh jaik 200ha ka jru khik caga phun pala, pren ngak, pah mac piah peih ngak  dịch vụ khik pacang phun pala chung ka taong abih thành viên di hợp tác xã hu palih ruah. Gam gam nan lac peih ngak dom tal pato pathram ka urang jakar hợp tác xã ka bruk khik iek, pambuak bruk kinh tế, ilamu pala drak, abih di nyu lac pala drak tui harak pambuak bruk. 

# Viện phun mbang baok gah meraong pambuak bruk saong Sở Khoa học saong Công nghệ tỉnh Trà Vinh, Kapul ngak beir tỉnh barau nghiệm thu đề tài pala cam sành tui chuẩn VietGAP saong pambuak bruk pablei pandap di tỉnh Trà Vinh.  Tapa nan, 44 sang beir pala cam sành di taneh praong 30 ha di 2 tổ hợp tác mek hu chuẩn VietGAP. Urak ini, rilo doanh nghiệp hu ginum biai, ngak harak pambuak bruk blei pandap di 2 tổ hợp tác tui yaom glaong jang darak pasal 10%. 

# Yaom lac urak ini lac puac bilan 12 min, mblang taneh pala drak vụ Đông Xuân 2016 – 2017 di tỉnh Long An bahrau hu tok jaik 50% tui bruk ba tabiak. Kadha ini oh lac pambak tal năng suất padai vụ Đông Xuân bo daok ngak pambak jhak tal dom vụ hadei. Tui gah ngak nong tỉnh Long An, makna ngak suai vaktu pala drak nan lac kayua pambak di bruk aia ndik trun suai saong diễn biến phức tạp di langik tasik.

Khaw tin dunya

# Sa parang iek biak gheih mekre barau peih bambang raok bhapbini di ban Thẩm Dương, tỉnh Liêu Ninh, Đông Bắc Trung Quốc, pachreih hu ralo tuai damuai mai maong, nan lac parang iek blung par. Sa triệu baok blung hu kak tame gauk biak gheih saong rilo sáng tạo, tui dom kadha ấn tượng, ala menyek dah ,blat mblat, ngak jeng sa tasik blung rilo sambo màu pachreih urang maong tuk mai tal labik parang iek.

# Tui duah thau di iu-gốp (YouGov) brei thau harei 26/12, hu tal 60% urang Đức caong khin hu mbluak camera pasang iek labik công cộng. mbang pasang iek hu peih ngak hadei di tuk sa urang nhập cư asal Tuy-ni-di angan lac A-nít Am-ri (Anis Amri) lac sa sruh radaih tấn công tame sa baoh darak Giáng sinh, ngan ka 12 urang metai saong 50 urang karei njauk rambuis.

# Hãng tin S-pút-nhích Niu (Sputniknews)  brei thau panuac di gah an  ninh Nga harei 26/12khan lac, dua urang gaok bala akaok mereip di mbang laik kapal ahaok Tu-154 di Nga harei 25/12 barau hu nhận dạng. Dua urang gaok bala akaok mereip nhận dạng hu lac phi công Rô-man Vôn-cốp (Roman Volkov) saong thư ký akaok Cục ilimo di mintri Quốc phòng Nga Ốc-sa-na Ba-trút-đi-nô-va (Oksana Batrutdinova).