Khaw tin 6h30 harei 28/6

/ Page mesup harei 27/6 di Hà Nội, Hội Liên hiệp urang kumei Việt Nam ba tabiak bruk “Urang kumei sanya ngak siam buk hacih sa-at pandap mbang menyum” saong pachreih tui bruk jak ba  “Urang Việt Nam pandar pandap Việt Nam”. Brei panuac tuk peih bruk, Phó Thủ tướng Vũ Đức Đam ndom lac: Dua kadha harei ini biak praong, oh njauk lac pambuak tal kinh tế bo daok pagam tal pren yava, tal harei hadei di urang VN, abih di nyu nan lac tal đạo đức xã hội. Phó Thủ tướng brei thau:

Băng:“Dahak jia lac tuk Hội Liên hiệp urang kumei di taong abih pakat ba gauk tame ngak ye bruk hacih sa-at pandap mbang menyum jeng yau rio bruk karei hu siam tagok.”

# jeng dalam page harei 27/6, Thành ủy ban raya Hồ Chí Minh peih nyaom biai mbang ka 10, Ban chấp hành Đảng bộ ban raya khóa X. Nyaom biai rah tabiak dalam dua harei 27 saong 28/6. Dalam 6 bilan akaok thun ini, kinh tế ban raya tagok glaong jang duk saong dom bilan ini thun dahlau, mek hu 7,7%  abih tih tanut pablei lẻ pandap panda saong dịch vụ hu labaih 75 rabau 800 tỷ đổng, tagok jaik 9,6% duk saong dom bilan ini thun dahlau. Kim ngạch pablei tabiak taneh ia lingiu hu labaih 14 tỷ 200 triệu đô la Mỹ, tagok 20%. Taphia dom bruk ngak hu, nyaom biai jeng tacei tabiak dom bruk daok kandaon dalam patagok kinh tế, xã hội, ban raya njauk ginum biai duah jalan langyah di tukvak tal. Ông Tất Thành Cang, Phó bí thư thường trực thành ủy ban raya Hồ Chí Minh hu panuac lac: “bruk njauk pataom tame pasiam di tukvak tal nan lac bruk meriak gauk, pren mariak gauk di ban raya hu pasiam min oh ka njauk caong khin, patagok công nghiệp hỗ trợ daok suai, tukvak peih ngak daok suai kayua tavak giải phóng mặt bằng saong kurang jien, dom bruk gar jalan mbak, ia dauk, nerak alam moi truong daok rilo.

/ Ruak pandiak tabiak darah daok tagok khang di tỉnh Quảng Ngãi. Tal urak ini, dalam tỉnh hu jaik 400 urang njauk ruak pandiak tabiak darah, rilo jang jaik 2 mbang duk saong dom bilan ni hun dahlau. Piah pacang ruak njom mbak, tamuh jeng jit, gah Y tế tỉnh Quảng Ngãi hu brei labaih 1.000 lít jru pruh yaok pluh sruh jit sit di dom puk palei;jhul khang bruk pathau khan pacang caga jit ruak.

# Tỉnh Nghệ An ba tabiak bruk lac thun 2017 meda pachreih đầu tư tame tỉnh labaih 100 dự án ngan saong yaom jien dau tu abih tih takik di abih lac 30.000 tỷ đồng, dom dự án pachreih đầu tư ba brei bruk ngak ka 13.000 - 15.000 urang ngak. Bruk ngak cambaih lac pachreih đầu tư dom dự án công nghiệp công nghệ glaong, công nghiệp hỗ trợ; đầu tư chiều sâu, barau, patagok duah mek pagam saong khik caga tài nguyên môi trường… 

/ Phó Chủ tịch Ủy ban bhap bini tỉnh Đắk Nông bahrau mbaoh tangin brei adat rami ramik patagok điện lực Đắk Nông tal thun 2025. Tui nan, Đắk Nông kuhria buh tame 2.236 tỷ đồng padang ngak saong pasiam  lưới điện trung saong hạ áp. Bruk buh jien nan hu parabha jeng 2 mbang, mbang 1 meng thun 2016 tal thun 2020, tỉnh kuhria buh tabiak jaik 1.260 tỷ đồng; mbang 2 meng hun 2021 tal thun 2025 labaih 976 tỷ đồng. 

# Meng ini tal thun 2030, tỉnh Long An buh tame labaih 17.000 tỷ đồng (kuhria rah tapa yaok thun labaih 1.214 tỷ đồng)  padang ngak công trình ba ia hacih duh ka ngak mbang ngak huak saong pala drak ka jaik 1triệu meteh urang bhapbini di puk palei, hu abih tih bhapnini pandar ia hacih tui tiêu chuẩn di Việt Nam. Jien buh tame ngak meng kadung jien karja; jien ODA, jien daong di  taneh ia lingiu; jien meng dom doanh nghiệp đầu tư dalam saong langiu taneh ia, dom phun jien karei karei.

/Tui Ủy ban bhap bini tỉnh Cà Mau, tinh daok samar ba tabiak ngak Đề án ramik veik bruk kinh tế meng ini al thun 2020 saong pamaong tal thun 2030. Rilo kadha praong hu ba tabiak ngak, yau: taong abih yaom pandap ngak tabiak dalam tỉnh (GRDP) tukvak 2017 - 2020 tagok yaok thun meng 7 - 7,5%. Tukvak 2021 - 2030 tagok meng 8 - 8,5%. Yaom jien mek tame kuhria tui akaok menuac tal thun 2020 lac 3.000 USD, thun 2030 lac 6.000 USD. 

Khaw tin dunya

          # Mỹ saong Ấn Độ sanya  pambuak bruk saong gauk piah cakak danakdak hạt nhân di Triều Tiên, jeng ye pambuak bruk saong abih gah pachreih tu bruk kham merat oh hu hạt nhân di bán đảo Triều Tiên.

/ Trung Quốc saong Canada bahrau mbaoh tangin tame sa harak sanya pambuak bruk 2 gah, tui nan sanya oh ngak saong oh daong dom bruk tấn công mạng piahkaik mek công nghệ atau thông tin mật di doanh nghiệp di taneh ia daih. Tui nan, 2 taneh ia njauk gauk lac, oh gah halei hu nhgak atau daong bruk kaik mek tài sản sở hữu trí tuệ, dalam nan hu  công nghệ atau dom bruk kandauk dalam di doanh nghiệp, piah patagok bruk meriak gauk di dom doanh nghiệp atau bruk pabei salih. 

# Truyền thông Thái Lan brei thau rajaei taneh ia ini daok kuhria tabiak bruk buh brei labaih 3 triệu USD piah blei công nghệ pasang iek mạng xã hội. Tui kuhria, mintri Kinh tế saong Xã hội số Thái Lan kuhria buh tabiak 128,56 triệu baht (sumu 3,8 triệu USD) piah ba tabiak "hệ thống phân tích dữ liệu mạng xã hội". Phần mềm meda pasang iek saong khik piah abih dữ liệu di mạng xã hội piah phân tích saong tui iek yaok triệu menuac. Tui kuhria, rajaei Thái Lan meda samal peih bruk đấu thầu piah duah urang brei dom phần mềm ini.