# Gilang pariak karja bahrau brei thau angan 42 gilang pariak thương mại ginup pren peih bruk bảo lãnh sang dok hu padang ngak di anak tal ka tuai damuai. Dalam nan hu 4 gilang pariak thương mại cổ phần karja lac: Ngak nong song patagok palei pala (Agribank), Công thương Việt Nam (VietinBank), TMCP Ngoại thương Việt Nam (Vietcombank), TMCP Đầu tư song patagok Việt Nam (BIDV). 

# Harei 27/11, pasak ilamu dut iek chất lượng tỉnh Quảng Ngãi tabiak panuac brei thau ka mẫu brah mek dut iek hu hàm lượng tinh bột 79,91% saong hàm lượng Protein 6,94%.

# Kayua gaok hajan ia sua meng ribuk ka 12, jalan mbak nao mai di tỉnh Quảng Nam khut tayah abih labaih 330 tỷ đồng. Hadei di tuk ia trun, bruk pasiam veik hu gah giao thông song dom puk palei kham merat peih ngak piah khik caga siam mekre di angaok jalan.

# Tui pasang iek di mban ilimo - Xã hội, Hội đồng bhapbini tỉnh Gia Lai, dalam tỉnh urak ini hu 315 haduk bac oh pandar. Dalam nan hu 183 haduk khut tayah; 132 haduk salih tapa pandar ka bruk karei atau jao brei ka palei, ka xã. Hu rilo haduk bac daok siam min on hu pandar. Min jeng hu rilo haduk tapa tukvak pandar, khut tayah  trak mbuan si ba tal bala.

# Mesup 28/11, kapan SAR 272 hu duah mboh 2 metai lac urang tong ikan  kapan  BĐ 30366 TS kram di angaok tasik Vũng Tàu. Labik duah mboh dom urang metai nan atah di labik gaok bala labaih 6 hải lý nao gah Tây Nam. Urak ni, pasak pambuak bruk dong duah urang gaok bala  Hàng hải khu vực III daok ieu pataom dom kapan dok jiak nan caik hatai sangka, dong duah 4 urang tong ikan di kapan  BĐ 30366 TS dok lihik.

# Ban Thường vụ Tỉnh đoàn Bình Định, Sở pato megru tỉnh Bình Định barau pambuak bruk saong jabat lambaok gah meraong Kadung jien bac Vừ A Dính peih bruk  jao jien bac Vừ A Dính saong jien bac di kalup kapul “ kayua  Hoàng Sa - Trường Sa anit ranam” brei ka dom anek saih urang bangsa takik, anek bol lin hải quân saong urang ngak ikan gaok kan kandah trak di mbang ribuk 12. Tui nan, hu 50 adei taduan mek jien bac di Kudng jien bac Vừ A Dính (pakat Tiểu họclac 800 rabau đồng/sa paok, pakat Trung học cơ sở saong Trung học phổ thông lac 1 triệu đồng/sa paok saong 90 adei taduan mek jien bac di kalup kapul kayua Hoàng Sa – Trường Sa anit ranam” yaok paok jien bac lac 1 triệu đồng. 

# Tuk vak urak ni, yaom pabui hơi di darak pasa  gah merong  trun tagok meng  27.000 - 28.000 đồng/kg, trun 31% dut song tuk vak ni thun 2016. Yau nan ye rilo boh sang di tỉnh Long An padeih rong, yaom lac dahlau di nan hu buh phun jien biak rilo piah ngak var ro. Dom boh sang daok rong ye kham merat “cầm cự” piah var ro oh klak saoh song cong khin darak pasa meda siam tagok.

Khaw tin dunya

# Harei 28/11, karja Indonesia tabiak bruk dui atah lệnh kareik bambang dom mblang par kapal ahaok dunya Ngurah Rai di pulao padheih padhaiy Bali (Ba-li) tapa harei ka dua, takik di abih tal pagaiy harei 29/11 tukvak puk palei kayua huac gaok ceik pui pruh . 

# Dom chuyên gia kinh tế ndom lac,  kinh tế Ai Cập oh kan kandah hagait hadei di bruk tấn công khủng bố bak darah di sa sang megik Islam di  tỉnh Bắc Sinai (Xi-nai) di negar ni adit dahlau.

# Dom urang roh duah Trung Quốc patagok hu jak jeng mac in 3D meda ngak tabiak mô menuac praong hu kalik, sụn saong gan. Kapul roh duah di Công ty TNHH Công nghệ sinh học Regenovo Hàng Châu dang ngak dự án. Tui Regenovo, ngak tabiak rilo vật liệu y tế jeng ye chất lượng saong bruk an toàn di pandap lac dua bruk njauk ngak di công nghệ in ấn 3D di gah ini. /.