# Harei 27/3 Mentri Y tế  brei thau,  dalam thun 2018 hu dom janih vaccine bahrau ba tame danak dak klauk jru peih prong, dalam nan hu vaccine pacang caga ruak sởi – Rubella saong vaccine bại liệt tiêm (IPV).  Taphia di nan  hu brei thau bruk padeih pandar vaccine "5 dalam 1" Quinvaxem.

# Pasak ngak bruk  Xã hội Quảng Nam song  Phòng Cảnh sát hình sự (PC 45), Công an tỉnh Quảng Nam bahrau ba 4 urang ngak ranaih umo bangsa Xê đăng, dok di  xã Trà Cang, huyện Nam Trà My, tỉnh Quảng Namg njauk lah pasoh ba tapa  Trung Quốc mai veik sang. Urak ni, Công an tỉnh Quảng Nam dok kham merat duah thau, ngak bruk song dom gah pagam tal piah duah song ba 2 urang dok veik  mai veik Việt Nam.

    # Meng akaok thun tal ini hu 4 urang di tỉnh Kon Tum metai kayua asau maharoi( gila) kaik. Taong abih 4 urang nan tuk ba tame sang iek ruak jeng daok dalam tuk ruak gila tamuh khang ngan haong dom triệu chứng, yau: tagok mbang kích động, huac angin, huac aia, co ndaoh… Ong Đào Duy Khánh, Akaok Sở Y tế tỉnh Kon Tum brei thau, pasang iek tapak di bal Kon Tum saong huyện Đăk Glei, labik hu 4 urang ruak metai brei mboh, bhap bani biak mbuan njauk phơi nhiễm ruak gila.

# Dom gah chức năng dok samar ngak ka nyu salah bruk brei labaih 1.000 tấn brah kayua rajaei dongpacang  eik lipa tuk cang yuak ka bhap bini  tỉnh Đắk Lắk. Tui nan, dalam adit ni  sở Lao động Thương binh song  Xã hội tỉnh Đắk Lắk pambuak bruk song  Cục Dự trữ karja  bhum  Nam Tây Nguyên peih bruk brei  labaih 544 tấn brah ka  13 huyện, ban dalam tỉnh.

# Tỉnh Đoàn Sóc Trăng pambuak haong Sở pato megru tỉnh Sóc Trăng peih bruk jao pok jien bac “Vừ A Dính”, pok jien bac “Kayua Hoàng Sa – Trường Sa anit ranam” thun bac 2017 – 2018 ka 130 anek saih bnagsa takik, bhum pulao tasik tỉnh Sóc Trăng. Taong abih hu yaom 130 triệu đồng. langiu di nan, dom adei daok hu alin hadiah 130 ndol bảo hiểm.

Khaw tin dunya:

# Gah Khí tượng Trung Quốc mesup 28/3 hu tabiak panuac cảnh báo "sambo hajao" ngan song ribuk cuah  rah tabiak di rilo labik di Trung Quốc. Tui panuac khan, dom tỉnh gah brak Trung Quốc yau Hắc Long Giang, Cát Lâm, Bắc Kinh, Thiên Tân, Hà Bắc tal bhum tự trị Duy Ngô Nhĩ Tân Cương jeng njauk ribuk cuah. Langik di dom labik ni jeng pacang sambo katam di cuah thur .

# Amuk Kiyoko Ozeki, umo 88 thun, urang Nhật Bản, gru pato di sang bac Đại học Ritsumeikan pak Kyod hu jeng urang ralo umo thun abih di negar ini hu pok brei bằng tiến sĩ di sa sang bac đại học pak Kyoto. Dalam tuk pato bộ môn kinh tế gia đình ngan haong bruk lac gru pato trợ giảng tal thun 1995 di sang bac cao đẳng dalam Đại học Tokai Gakuen, amuk hu caik labaih 30 thun nao tal 165 labik sajarah daok veik di Jomon grauk labik dalam Nhật Bản piah roh duah tính năng jeng yau asal di pataih saong ilamu nghệ thuật menyim.

# Yaok ribau urang ruak meda njom mbak dom janih ruak trak di balik iek ruak Coastal Health & Wellness Clinic (CHWC), ban Texas, mbang Texas, Mỹ. Sở Y tế Galveston brei thau mbang parang iek balik iek ruak nha khoa CHWC hu duah mboh dom jalan ngak  oh ginup vệ sinh dalam 3 thun tapa song meda ba tal  9.500 urang ruak  njom viêm gan B, viêm gan C song  HIV./.