# Harei 27/5, ông Trần Thanh Mẫn, Bí thư Trung ương Đảng, Chủ tịch UBTƯMTTQ Việt Nam haong kapul ngak bruk hu mai ravang, tadhau ayuh Lễ Phật đản di tỉnh Sóc Trăng. Lambaok urang pan akaok Đảng, Karja, ông Trần Thanh Mẫn hu tangi sua pren yava, raidiuk bhap bini urang phật tử saong payua panuac tadhau ayuh tal dom ong bhik saong taong abih Giáo hội Phật giáo Việt Nam tỉnh Sóc Trăng raok Phật đản dalam bui sambai, chreih chrai. Lingiu di nan, daok hu khan brei thau ka bruk kinh tế, chính trị, xã hội di taneh ia dalam tukvak tapa.

# Harei 27/5, Kapul dam dara cộng sản Hồ Chí Minh tỉnh Sơn La pambuak bruk song sang bac Đại học Tây Bắc peih mbang pakacah Tin học uranaih tỉnh Sơn La mbang ka  IV, thun 2018. Mbang pakacah thun ni hu labaih 100 thí sinh, jiak 20 kapul pakacah di dom huyện, thành đoàn song đoàn di Tỉnh đoàn hu mbaok tame. Mbang pakacah lac mblang main siam lagaih, dong pachreih bruk pakacah gauk bac megru, ngak po công nghệ thông tin ka urang jakar, urang đoàn, dam dara dalam tỉnh.

# Urak ini, bruk pandar biak rilo jru khik caga phun pala jeng daok rah tabiak di ralo labik dalam taneh ia. Tui taong yaom di dom chuyên gia ngak nong, hu tal 80% jru khik caga phun pala di taneh ia drei daok hu pandar oh njauk saong biak palai pajoa. Lingiu di nan, bruk pandar biak ralo jru khik caga phun pala jeng oh siam ka lingik tasik saong pren yava anek menuac.

        # Tỉnh Quảng Bình dok yam tame tabung glong bilan pandiak, biak mbuan si khuah glai. Tapa pasang iek tapak di dom bhum mbuan si khuah yau glai di xã Trọng Hóa song Dân Hóa, glai thông di dom huyện Minh Hóa, Tuyên Hóa, glai pacang caga tapen tasik…, bruk xử lý thực bì biak takik, biak mbuan si khuah glai. Tapa dom mbang khuah glai thun dahlau, thun ni kiểm lâm tỉnh hu caik flycam tui iek angaok glaong. Bruk pandar flycam ba mai siam lagaih praong dalam bruk pasang iek, abih di nyu nan lac labik glai prong. 

# Piah pachreih tui bruk iek glang pren yava bhap bini, Viện pren yava bhap bini – Tổng Hội y học Việt Nam pambuak bruk haong pasak peih bruk pablei salih saong nyaom darak parang iek Cần Thơ peih Harei pataom iek glang pren yava bhapbini. Tapa nan pachreih hu labaih 250 menuac lac urang praong thun, urang kumei saong uraniah mai hu mbaok saong hu dom bác sĩ tacei pato, iek ruak brei saoh…

  # Yaom lac gah ngak nong tỉnh Tiền Giang hu panuac kakei po bein jhui pala phun panat mblah tui gauk, min taneh phun mbang boh di tỉnh ni tagok labaih 3.000 ha.  Urak ni, kayua baoh ralo pablei oh abih saong kayua meriak gauk di rilo janih phun mbang boh karei karei yau nan ye yaom panat boh urak ni trun dok ala 7.000 đồng/kg..

Khaw tin dunya:

# Ngoại trưởng Trung Quốc Vương Nghị harei 28-5 brei thau, Chủ tịch Trung Quốc Tập Cận Bình dang tabiak peih nyaom biai pakat glaong di Kapul pambuak bruk Thượng Hải mbang ka 18. Nyaom biai mbang ini tui kuhria rah tabiak dalam 2 harei lac 9 saong 10/6 di Thanh Đảo, ban tapen tasik di tỉnh Sơn Đông, Trung Quốc. Nyaom biai tui kuhria meda hu mbaok dom urang dang akaok dom taneh ia thành viên, dom taneh ia quan sát viên di kapul pambuak bruk Thượng Hải, saong dom urang dang akaok dom kapul nyaom dunya.

# Văn phòng Tổng thống Hàn Quốc harei 28-5 brei thau, meda ba tal bruk tabiak panuac tamat mesruh metak Triều Tiên di sa nyaom biai pakat glong 3 gah tui kuhira di 2 gah Triều Tiên song Mỹ pambuak tal nyaom biai  pakat glong Mỹ- Triều harei 12/6 anak tal di Xinh-ga-po. Jeng tui urang jakar ngak praong ni, Nyaom biai jak jeng atau oh pagam tame dom mbang ginum biai pakat chuyên viên di Mỹ song Triều Tiên, jang yau bruk bo 2 gah hu ginum biai ginup tong abih dom bruk dalam nan hu danak dak nyaom biai halei oh.

# Yaok ribau menuac di mbang Phlo-ri-đa (Florida) harei 27/5 (tui tukvak pak nan) hu panduan ba nao labik karei hadei di mbang ribuk An-béc-tô (Alberto) daok khang tagok saong daok pamaong nao gah barak tapa Vịnh Mê-hi-cô. Gah khí tượng thủy văn brei thau, ribuk meda ngak brei dauk khang dom mbang tapen tasik gah meraong. Hạt Phờ-ranh-lin (Franklin) brei panduan ba labaih 4 ribau sang di dom pulao dalam Vịnh Mê-hi-cô. Pasak ribuki negar Mỹ brei thau, An-béc-tô, ribuk Đại Tây Dương akaok meti dalam thun 2018 hu ngin khang tal 105km/tuk saong meda hu hajan khang ngak brei ia tagok tal 30cm dalam dom harei tal./.