# Patui danak dak taom gaok cử tri hadei di mbang nyaom, page harei 28/6, Akaok Quốc hội Nguyễn Thị Kim Ngân saong kapul urang Quốc hội bal Cần Thơ hu taom gaok cử tri pak xã Thạnh Tiến, huyện Vĩnh Thạnh, bal Cần Thơ. Cử tri pak ini hu brei thau, hu panuac caong tal akaok Quốc hội dom kadha dalam rai diuk yau ô nhiễm môi trường angaok dom baoh kraong; pandap ja, pandap kurang chất lượng bak darak pasar; dom janih pandap panda kaya nong laik yaom. Pak van taom gaok, akaok Quốc hội Nguyễn Thị Kim Ngân saong kapul urang Quốc hội bal Cần Thơ jeng hu taduan mek panuac saong javap jaleiy dom caong khin di cử tri. 
# Piah samal daong tuk hu bala rah tabiak, Hội Chữ thập đỏ Việt Nam hu caga jien saong pandap, dalam nan hu labaih 102 tỷ đồng jien saong yaok rabau kadung pandap pandar dalam sang, kadug jru asar khử khuẩn, bình hlang ia ka sang, pandap ramik sang… Chủ tịch Trung ương Hội Chữ thập đỏ Việt Nam Nguyễn Thị Xuân Thu brei thau: “Hội Chữ thập đỏ Việt Nam urak ini hu jabat tacei ba daong pacang bala saong kapul daong cakak bala pakat negar saong 33 kapul daong cakak baa pakat tỉnh, labaih 200 kapul pakat xã. Taphia nan, dom pakat kapul jeng hu ramik ngak pasiam, pakhang, padang barau dom kapul daong cakak bala pakat tỉnh saong pakat  xã, padang bruk caga bala thun 2017. Meng bruk kuhria caga tani tanat yau nan, kol dahlak jia lac trong mùa……..?

 # Harei 28/6, Mentri Y tế pambuak haong Ủy ban bhap bani tỉnh Lào Cai peih bruk pok jao bác sỹ ranaih halar hatian khóa akaok meti mai ngak bruk di dom bhum kan kandah dalam Dự án “Ngak iek bruk ba bác sỹ ranaih halar hatian mai ngak bruk di bhum ceik, bhum atah bayah, bhum tapen negar, bhum pulao kaoh, labik daok rilo kan kandah (brei ngak dahlau di 62 huyện kathaot dalam negar)”. Dalam mbang akaok meti ini, hu 7 bác sỹ mai ngak bruk di  4 tỉnh nan lac: Lào Cai (3 bác sỹ), Bắc Kạn (2 bác sỹ), Sơn La (1 bác sỹ) saong Điện Biên (1 bác sỹ). Dom bác sỹ ini hu ngak bruk  blohdi dom sang iek ruak Bạch Mai saong sang iek ruak Nhi Trung ương.

# Tỉnh Quảng Trị daok sangka patagok dom janih phun jru jeng jalan nao khang dalam bruk ramik pasiam gah ngak nong di tỉnh. Meng livik mai, dom janih phun jru ye: tea hala vằng, cà gai leo, phun chó đẻ, ngưu tất, kinh giới… jeng pandap đặc trưng di huyện Cam Lộ jeng ye tỉnh Quảng Trị .
 
# Tỉnh Bến Tre urak ini hu labaih 70.000 ha taneh pala la-u  (meblah 40% taneh pala la-u dalam negar); dalam nan,  la-u xiêm hijao jaik 8.000 ha. Gah ngak nong tỉnh jao ka pasak pachreih  nông tỉnh padang chuỗi giá trị la-u xiêm hijao (la-u meyum aia) piah grap tanat labik nguyên liệu, grap tanat yaom kaom, labik blei tam - pablei tabiak ngan haong janih baoh ini. Amuk Nguyễn Thị Thanh Hoa, urang jakar Pasak pachreih nong tỉnh Bến Tre brei thau, hu 3 doanh nghiệp dalam nan hu Công ty TNHH pablei tabiak negar langiu baoh kayau Mekong, Công ty cổ phần pandap panda that bingi Mekong, Công ty pablei tabiak negar langiu baoh kayau Nhiệt Đới hu mbaok tame chuỗi giá trị la-u xiêm hijao.

# Tui Sở ngak nong saong patagok palei pala tỉnh Trà Vinh, tukvak 2017 - 2020, tỉnh Trà Vinh daok salih 30.000 ha taneh pala padai oh kein laba tapa pala phun yaok thun, phun livik thun saong raong kaya ikan dalam ia. Tui nan, thun 2017, tỉnh salih labaih 6.700 ha taneh pala padai oh kein laba tapa pala njam patam, phun cong nghiep katut harei saong phun yaok thun karei labaih 5.000 ha, phun livik thun 840 ha saong raong kaya ikan dalam ia 732 ha. 

# Meng puac bilan 5, akaok bilan 6, dom sang iek ruak uranaih pak bal Hồ Chí Minh hu taduan ralo uraniah njauk ruak viêm não Nhật Bản. Ini hu mong lac tukvak akaok mereip tame bilan jit ruak viêm não Nhật Bản dui atah meng bilan 5 tal bilan 10 yaok thun. Pak Khoa Nhiễm – Thần kinh, Sang ruak Uranaih 1, meng akaok thun tal ini taduan 25 uraniah viêm não Nhật Bản, meblah 50% dom uraniah njauk dom janih ruak viêm não, viêm màng não. Urak ini hu 6 uranaih njauk ruak trak njauk thở mac.

Khaw tin dunya 

#  Phó Thủ tướng iek gah adat hukum Wissanu Krea-ngam (Vi-xa-nu Cre-ngam) brei thau dom đảng chính trị meda lac urang “ thua cuộc” meyah oh payua ứng cử viên njauk tukvak tui quy định di hukum ka đảng phái chính trị barau hu Quốc hội taneh ia ini brei tapa. Phó Thủ tướng Wissanu ndom lac, Hukum ka đảng phái chính trị samal hu ba tabiak pandar saong dom đảng chính trị njauk ngak tui hukum.
# Urang dang akaok Ủy ban negar pacang caga ruak viêm gan virus di Ai Cập, ong Wahid Doss (Oa-hít Đốt) bahrau ini brei thau, negar ini iek ruak hu siam ka 1,1 triệu bhap bani njauk ruak viêm gan C tapa bruk peih ngak tui jalan ba tabiak kayua karja daong piah palahik virus ba tal ruak ini. 

# Trung Quốc saong Nhật Bản meda peih nyaom biai tham vấn pakat glaong mbang ka 7 ka dom bruk di tasik dalam dua harei 29 saong 30/6 tal di ban Fukuoka (Phư-cư-ô-ca) di Nhật Bản, hu mbaok di dom urang ngak praong di mintri ngoại giao, mintri quốc phòng, kapul ngak tui adat hukum di tasik saong dom gah khik ramik di dua taneh ia. Urang brei panuac di mintri Ngoại giao Trung Quốc Lục Khảng (Lu Kang) ndom lac, dalam nyaom biai tham vấn nan, Bắc kinh halan hatian ginum biai ka dom bruk di tasik saong Nhật Bản piah pagalong hatai jia saong thau gauk.