# Thủ tướng bahrau hu harak javap jalei  panuac tangi sua di chủ nhiệm Ủy ban Tư pháp Quốc hội Lê Thị Nga, dalam nan brei thau dalam bilan 7 tal hu peih nyaom biai tapak pakat negar di rajaei ka bruk pacang caga tong paoh, xâm hại uranaih. Rajaei hu tacei  Mintri  LĐ-TB&XH song dom mintri, dom gah, jabat pagam tal kuhria  caga siam, pataom tame tong yaom njauk bruk  xâm hại uranaih, langyah cambaih dom makna song ba tabiak dom jalan siam lagaih piah pacang caga song pacang cakak bruk  xâm hại uranaih.

# Page 28/6 di Hà Nội, akaok mintri ngak nong saong patago palei pala, akaok mban tacei jalan Trung ương saong pacang caga bala meng lingik tasik Nguyễn Xuân Cường hu ba tabiak bruk ka gah ngak nong daong brei bhapbini dom tỉnh bhum ceik gah Brah gaok bala di mbang hajan, xua bilan 6 thun ini. Di tuk tabiak bruk, yaok urang jakar công nhân viên chức gah ngak nong hu daong urang bhapnini bhum gaok bala takik di abih sa harei jien bilan. Dahlau nan, Công đoàn gah ngak nong saong patagok palei pala hu daong paok jien 5 triệu đồng ka yaok urang metai, saong urang njauk rambuac hu daong 3 triệu đồng.

# Dom Gilang pariak dok pataom jien tame ngak  công nghệ song patagok kênh pablei pandap tapa kênh Internet Banking, Mobile Banking jang yau số hóa dom nghiệp vụ lõi piah  lagaih haong bruk meriak gauk dalam cách mạng công nghệ 4.0. Công ty cổ phần pathau khan tong yaom Việt Nam (Vietnam Report), tuk vak tapa, thau hu dom jalan ngak, rilo gilang pariak pataom tame  công nghệ piah salih bruk khik ramik, dịch vụ pabak karei karei, tagok bruk meriak gauk.

#Urak ini dom urang ruak pandiak tabiak darah di dom puk plaei dalam tỉnh Bình Dương daok tagok glaong. Dalam 6 bilan akaok thun ini dalam tỉnh hu labaih 1.600 urang ruak pandiak tabiak darah, dalam nan hu sa urang metai di phường Bình Chuẩn, ban sit Thuận An. Piah trun takik dom mbang ruak, Pasak Y tế dự phòng tỉnh Bình Dương daok ieu pataom dom mban ngành, kapul nyaom, urang bhapbini pambuak bruk saong gah y tế peih bruk ngak hacih asat alam moi truong, pametai jamaok, duah klak dom sruh lăng quăng. Taphia nan, peih bruk pruh hóa chất di 20 libik pandiak dalam tỉnh, piah cakak bruk tamuh saong pambak jit ruak pandiak tabiak darah Dengue di dom khu ấp daok rah tabiak jhak.

# Dalam 6 bilan akaok thun ni, tuai mai rivang Phú Quý hu labaih 13.000 mbang, ralo jang jiak 1.000 mbang dut song tuk vak ni thun dahlau. Dalam bilan hè ni, tui kuhria tuai mai rivang palao  Phú Quý rilo jang kayua langik tasik siam lagaih. Langiu di nan, tuyến Phan Thiết – Phú Quý bahrau pabak sa sruh kapan  cao tốc bahrau 306 labik dok  song tuk vak tabiak palao lac  2 tuk meteh , dong langyah bruk  quá tải ka tuai damuai song ba mbuan lagaih  jang ka tuai damuai tuk mai rivang palao kaoh ni .

 Khaw tin dunya

# Sa sang mac di hãng mô-tô angan je di Mỹ lac Hắc-lây Đây-vi-xần (Harley-Davidson) drah samal tame ngak bruk di Thái Lan, klak tapa dom panuac phản đối khang di Tổng thống Mỹ Đô-nan Trăm (Donald Trump). Sang mac daok hu padang ngak jaik ban ine Băng-cốc saong maong ye daok caga tame ngak piah jhul khang doanh số pablei tabiak di janih mô-tô angan je ini di dom darak pasal châu Á saong oh hu maong lac sa bruk salih ka bruk ngak tabiak di Mỹ.

# Piah patrun patakik bruk pandar cavan nhựa, jam nhựa pandar sa mbang, meng harei 9 tal  25-7,  karja ban Seoul, Hàn Quốc hu peih bruk pasang iek dom  nhà hàng, tiệm cà phê di ban ine  Seoul. Hadei di tuk vak pasang iek bloh, bruk tong   phạt hu ngak meng bilan  8 dom cửa hàng halei oh ngak njauk adat ka bruk klaak hareik  thải nhựa. Yaom jien phạt tui mbang  ngak suan  song tui bruk bruk pablei salih praong atau sit.

# Meng yaom phun jien đầu tư 6,47 tỉ USD dalam 6 bilan akaok thun 2018, Nhật Bản hu dang akaok veik bruk đầu tư jien FDI tame Việt Nam. Cục đầu tư taneh ia lingiu brei thau yau nan di harei 27-6. Dự án njauk sangka di gah đầu tư Nhật Bản lac dự án ban sit thông minh di xã Hải Bối saong Vĩnh Ngọc, huyện Đông Anh, Hà Nội ngan saong yaom jien đầu tư abih tih 4,138 tỉ USD, piah padang libik đô thị thông minh, sumu gauk gah hạ tầng kỹ thuật saong xã hội…