* Harei 27/6, pak Bal raya Hồ Chí Minh, Thủ tướng Nguyễn Xuân Phúc hu mbaok tame Diễn đàn Bhum taneran kraong Cửu Long 2016, piah ginum biai ka dom cuang kandah saong dom siam lagaih di Bhum taneran kraong Cửu Long anak biến đổi khí hậu saong jalan daong ka Bhum taneran kraong Cửu Long cakrok patagok. Pak Diễn đàn, Thủ tướng Nguyễn Xuân Phúc pandar dom tỉnh bak bhum taneran kraong Cửu Long njauk caik hatai bruk roh duah ilamu, pandar công nghệ bahrau, abih di nyu lac công nghệ sinh học tame bruk raong pala kaya ikan dalam aia, pala padai haong phun mbang baoh.   

     # Di HN harei 27/6, UV mintri chính trị, Phó Thủ tướng Phạm Bình Minh song Ủy viên Quốc vụ Trung Quốc Dương Khiết Trì pan akaok nyaom biai mbang ka 9 UB tacei jalan pambuak bruk VN- TQ. Di nyaom biai, 2 gah brei thau dom bruk ngak prong piah tagok talei pambuak bruk di dom mintri, dom gah, dom puk palei di 2 negar. 2 gah hu ginum biai ka bruk tasik, hu panuac brei ngak njauk dom thỏa thuận song jalan sahneng di urang dang akaok 2 đảng, 2 negar

     * Tui Tổng cục Du lịch (Mentri Ilamo padhih saong rivang ma-in), tuai dunya mai tal Việt Nam dalam 6 bilan akaok thun ini tui kuhria labaih 4,7 triệu urang, tagok labaih 21% dut haong tukvak ini thun 2015. dalam 6 bilan tapa,  du lịch Việt Nam hu raok jaik 32,4 triệu mbang tuai dalam negar. Dalam nan, tuai ndih veik hu 15,8 triệu mbang. Tal tukvak ini, taong abih aom jien mek tame meng tuai damuai mai rivang ma-in tui kuhria labaih 200.000 tỷ đồng, tagok 22% dut haong tukvak ini thun 2015. 

     # Danak dak “ Nao gam haong bhum kreh negar anit ranam” hu peih tabiak, ngan haong dom bruk halan hatain dong ka 2 ribau urang kan kathaot di bhum kreh negar. Danak dak peih ngak dom bruk yau nao rivang, iek ruak, tacei jalan iek glang pren yav, brei jru song brei pandap mbang menyum ka 2 ribau urang sang kan ndah. Dalam nan bruk iek ruak, brei jru hu mbaok dom y bác sỹ halan hatain di cơ sở y tế, phòng y tế pak nan.

     * Harei 28/6, pak bal Phan Thiết, Tỉnh đoàn Bình Thuận hu peih bruk tabiak mbaok daong pren bilan pakacah thun 2016. Ini lac thun akaok meti mbang pakacah Trung học phổ thông pakat negar hu peih ngak pak tỉnh ngan haong jaik  12.000 thí sinh hu mbaok tame pakacah, 323 duk pakacah pak 12 labik pakacah pataom tame bal Phan Thiết. Hadei di tuk tabiak mbaok, dom kapul halar hatian peih bruk daong ka thí sinh pak 24 labik trực: dalam nan hu 12 labik sang bac peih pakacah, bến radaih Bắc, bến radaih Nam saong dom trạm radaih buýt jaik dom labik pakacah, tukvak peih ngak meng 6h00-18h00 dom harei meng harei 28/6-4/7.

    # Di Tây Ninh, akaok UB bhap bini tỉnh Phạm Văn Tân song tỉnh trưởng tỉnh  Svay Rieng (Campuchia) Men Vibol bahrau mbaoh tangin  tame harak sanya peih 4 pambah mbang negar dok di 2 tỉnh, piah pabak hatai caong di bhap bini tapen negar dalam bruk nao rivang, iek ruak, pablei salih pandap pand, tagok talei pambuak bruk di 2 negar. Kuhria tal luac bilan 6 thun ni di tỉnh Tây Ninh song 4 tỉnh tapen negar di CPC hu 2 pambah mbang negar pakat dunya lac Mộc Bài song  Xa Mát; 3 pambah mbang praong  lac    Kà Tum, Phước Tân, Chàng Riệc song 14 cửa khẩu phụ.

     * Pahadar 15 thun harei Baoh sang Việt Nam (28/6/2001 – 28/06/2016), bal  Cần Thơ peih ngak ralo bruk pok meyaom baoh sang haniem phol. Tui nan, bal Cần Thơ hu pok meyaom 150 baoh sang naih gheih dalam bruk dak padang baoh sang ilamo, baoh sang pachreih bac saong dak padang rai diuk ilamo di labik daok.

      Khaw tin dunya:

     # Thủ tướng Anh Đa-vít Ca-mơ-rôn (David Cameron) tah klak bruk trưng cầu ý dân mbang ka 2 ka bruk daok veik atau tabiak truh EU di negar ni. Dalam tuk hu rilo panuac ieu peih ngak veik mbang trưng cầu ý dân taduan hu labaih 3 3 triệu chữ ký gam saong dom panuac lac rajaei meda peih bruk trưng cầu ý dân sa mbang tra hadei di tuk njauk gauk ka dom paka pambuak bruk bharau song  EU, urang brei panuac di Thủ tướng Anh ndom lac ni oh lac sa palih ruah hu kuhria tal

      * Javap jaleiy urang vak  pak jabat ngak bruk di Raja-ei di bal ine Bangkok harei 27/6, Thủ tướng Thái Lan Pray-út Chan ô-cha (Prayuth Chan-ocha) brei thau lac oh từ chức meyah bhap bani negar ini tah klaak bản dự thảo hukum negar dalam mbang trưng cầu ý dân di bilan 8 anak tal. Thủ tướng Pray-út Chan ô-cha jeng brei thau lac Karja Thái Lan meda peih bruk salih bharau chính trị saong kinh tế dahlau di tuk bruk tổng tuyển cử tui kuhria hu peih tbaik dalam thun 2017.

     # Harei 27/6, Hàn Quốc, Nhật Bản song Trung Quốc tame ginum biai mbang ka 10 ka bruk pablei salih tự do (FTA) di 3 negar di ban ine Seoul. Dalam mbang ginum biai ni, dom gah  tui kuhira hu ginum biai dalam ka bruk peih prong tự do dom darak pasa di rilo gah yau pandap panda, dịch vụ. Mbang ginum biai jeng hu quy tắc xuất xứ, dom bruk hải quan, dut iek thực vật song  pasang iek an toàn vệ sinh, dom paga pacang gah kỹ thuật ngan song bruk pablei salih song  quyền sở hữu trí tuệ./.