# Phaok Thủ tướng Vũ Đức Đam bahrau hu panuac tacei pato brei ramik veik bruk ngak mbang gah taduan raok tuai du lịch Trung Quốc, danak dak du lịch yaom lap (tua 0 đồng). Tui nan, dom tỉnh, bal di Trung ương njauk peih ngak catang tacei pato di Thủ tướng pak Thông báo ka 263/TB-VPCP harei 30-8-2016; patagok tacei pato dom sở, ban, ngành pambuak pagam tal peih ngak samu gauk bruk khik iek kinh doanh lữ hành, abih di nyu lac bruk taduan raok tuai du lịch Trung Quốc tui jalan kabak tapa dom pabah mbang negar dunya; langyah catang dom bruk ngak suan.

# Ủy ban An toàn jalan mbak pakat negar pambuak bruk saong gah Y tế dunya (WHO) brei thau bruk peih adit an toàn jalan mbak mbang ka 4 kayua Liên hiệp quốc ba tabiak, ngan saong kadha “Tốc độ” peih ngak samu gauk dalam negar meng harei 8 tal harei 14/5 tal. Tui  ruah duah di WHO di VN, vi phạm tốc độ lac sa dalam dom makna  ba tal bala angaok jalan mbak di VN hu rilo. Tok patrun 5% tốc độ peih radaih, kol drei meda patrun 30% dom bala metai menuac. 

# Mentri Y tế bahrau ginum biai njauk gauk haong công ty dược phẩm Mỹ ka bruk pabak ginup jru iek ruak viêm gan C – 3 janih jru ka Việt Nam ngan haong yaom biar di abih, tok samu 1% yaom jru phát minh urak ini daok pablei ka darak pasar Mỹ. Ini lac bruk mek hu hadei di tuk Thứ trưởng mentri Y tế Trương Quốc Cường hu van ngak bruk haong lambaok di sa công ty dược phẩm di Hoa Kỳ urak ini lac po di bằng sáng chế dom janih jru bahrau piah iek ruak viêm gan C.

# Côn Đảo urak ini daok peih bruk khik ramik kara kanduh tasik siam abih saong jeng lac labik hu kara kanduh mai menek ralo abih di VN. Meng bilan 4 tal bilan 10 yaok thun, tuai damuai mai tal Côn Đảo hu maong kara kanduh meboh. Di Côn Đảo hu ralo labik kara kanduh mai meboh yau hòn Cau, hòn Tre praong, hòn Tài… min ralo di abih njauk ndom tal mblang cuah praong di hòn Bảy Cạnh.

# Mu-yim Dak rai sajarah Thừa Thiên Huế pambuak haong Muyim Chứng tích chiến tranh Bal raya Hồ Chí Minh, urang duah pataom cổ vật Nguyễn Hữu Hoàng gam haong dom urang thiết kế áo atah peih mbang parang iek “Ao atah Việt Nam tapa dom saman sajarah”. Dalam sajarah ao atah Việt, ao atah Huế oh lac piah cuk yaok harei bo daok lac ao cuk di dom giai tầng xã hội dalam saman patao phong kiến. Meng labik lac pasak di xứ Đàng trong tapa 9 rai patao Nguyễn, Kinh đô Phú Xuân ala saman Tây Sơn, Kinh đô Việt Nam ala saman dom patao Nguyễn, labik pataom, giao thoa ilamo di dom nền ilamo, ngak ka ilamo Huế jeng yau anek manuac Huế ngan haong ao atah meng kan hu dom janih biak gheih karei. 

# Di ban sit Lộc Thắng, huyện Bảo Lâm, tỉnh Lâm Đồng, Sở ilamu, Thể thao saong Du lịch Lâm Đồng peih harei pataom ilamu, TT dom bangsa takik tỉnh Lâm Đồng mbang ka sa hu mbaok di labaih 300 nghệ nhân mai meng dom xã bhum urang bangsa takik di tỉnh Lâm Đồng. Ngan saong kadha “Bản sắc Nam Tây Nguyên”, 12 kapul nghệ nhân,  lac dom bangsa Cơ Ho, Mạ, Churu, M’Nông…hu parang me-in dom ragu chiêng  di bangsa drei. Harei pataom hu rik daong khik ramik saong patagok dom ilamu di bhap bini dom bangsa daok di bhum taneh Nam Tây Nguyên.

Khaw tin dunya:

# Tỉnh Cam Túc, gah tây - bắc Trung Quốc bahrau hu 3 urang njaom vi-rút cúm menuk ada H7N9 di manauc. Urang jakar tỉnh hu patagok dom jalan ngak piah pasang iek catang dom darak menuk ada. Trung Quốc mbang akaok meti hu urang njaom cúm menuk ada H7N9 angaok manuac di bilan 3-2013. Gah chuyên gia ndom lac, H7N9 oh pambak meng manuac tapa manuac, min kakei bhap bani juai taom gaok haong menuk ada diuk haong metai, taphia di nan njauk blei dom  menuk ada hu harak dut iek, kiểm dịch.

# Ngan saong kadha “Takre sáng tạo hong phát thanh: meta maong meng dunya di Radio”,  Nyaom meyai papar sap châu Á, kayua Hiệp hội papar sap papar binguk châu Á – Thái Bình Dương (ABU)  pambuak saong Tổng Cục Quan hệ công chúng Thái-lan (PRD) barau rah tabiak di ban ine Bangkok. Tổng thư ký ABU Javad Mottagi, akaok  mintri Văn phòng rajaei Thái-lan Panadda Diskul saong jaik 200 urang mai meng dom taneh ia thành viên ABU, dalam nan hu kapul urang lambaok rayo sap ndom VN, hu mbaok tame nyaom meyai.

# Brei panuac haong báo giới dahlau di tuk nao tal Phi-li-pin hu mbaok dalam nyaom biai pakat glaong ASEAN mbang ka 30, Thủ tướng Ma-lai-xi-a N.Ra-dắc  lac, talei rohim pambuak bruk khang kajap di 10 negar dalam Hiệp hội dom taneh aia Đông - Nam Á (ASEAN) oh lac njauk khik ramik, bo njauk jhul tagok saong dak harei dak cakrok patagok. Meyah ngak HU bruk ini, ASEAN meda cakrok patagok saong mek hu ralo jak jeng siam. Thủ tướng Ra-dắc brei thau, yam tame thun ka 50 kuhria meng tuk ba tabiak Tuyên bố Băng-cốc ka bruk  padang Hiệp hội, bhum ASEAN saong dom negar thành viên harei ini cakrok patagok khang, mek hu ralo jak jeng siam mekre, ba mai kein laba oh lac tok haong yaok negar thành viên, bo daok ka  abih khu vực./.