# Melam 28/1, pak 58 Quán Sứ, Hà Nội, Rayo sap ndom Việt Nam peih ngak danak dak  daoh tamia “Vàng son VOV” piah pok meyaom dom nhạc sĩ, urang cuak ariya di Rayo sap ndom Việt Nam hu pok brei giải thưởng Hồ Chí Minh, giải thưởng Karja ka văn học nghệ thuật thun 2017. Danak dak hu yaih khan dom kadha ariya, kadha daoh nao gam haong thun bilan pagam haong angn je di dom nhạc sỹ Hoàng Hà – Thuận Yến - Lê Việt Hòa – Thế Song – Cao Việt Bách - Vũ Thiết saong urang cuak ariya  Trúc Thông…v..v…

# Cục Hải quan tỉnh  Nghệ An brei thau:  thun 2017, taong abih yaom jien blei saong pablei pandap tame tabiak taneh ia di tỉnh mbang akaok meti tagok tala tanut laabih 1 tỷ đô-la (hu 1tỉ 114 triệu đô-la, tagok 27% duk saong thun 2016). Dom janih pandap pablei tabiak, blei tame gam gam dalam tỉnh Nghệ An lac patau cun mbon dom janih, dăm kayau, clinker, jamraik di dom dự án đầu tư, xăng menyek…Lingiu dom pandap mengkan lac dom janih pandap barau pablei tabiak taneh ia lingiu di dom doanh nghiệp barau tame ngak di thun 2017 jeng daong ngak patagok yaom pablei tabiak, blei tame taneh ia.

# Lambaok UB bhap bani bal Hội An, tỉnh Quảng Nam hu panuac likau ma-ah am-pul haong urang tuai negar langiu njauk dom urang nduac radaih ôm taong njauk rambuis; taphia di nan pandar dom jabat chức năng duah thau ngak brei cambaih laih bruk nan. Dahlau di nan, tukvak sa tuk harei 26/1, ong Margan - urang tuai mai meng negar Úc, haong ayut sahabat taong gauk haong kapul Urang nduac radaih ôm saong njauk sa baoh kik nhựa parah njauk akaok ngak ka ong ini nao cấp cứu di sang iek ruak, jHik 8 mũi angaok akaok.

# Di tukvak 15 tuk harei 28-1, di bhum tasik Vũng Tàu, Tổ ngak bruk Cụm Trinh sát ka 2 Cảnh sát tasik duah mboh saong mek khik sa kapal ikan oh hu số hiệu kayua ông Huỳnh Văn Thành ngak thuyền trưởng, daok pajeng ba pandap suan hukum. Pandap mek khik hu: 380 kadung pakao hala hiệu RAM, 48 klaok alak ST-RÉ MY oh hu harak ba ar brei thau asal di nyu lac njauk hukum. Urak ini tổ ngak bruk daok ngak biên bản saong daok duah thau, ngak brei cambaih laih saong langyah tui adat hukum.

# UB bhap bani tỉnh Tiền Giang saong Bến Tre pambuak haong Công ty THHH Công nghệ hijao bal raya Hồ Chí Minh peih khai trương jalan gilai cao tốc  Bến Tre, Mỹ Tho- Vũng Tàu. Jalan gilai cao tốc ini yaok harei peih nduac dua mbang; tukvak yaok mbang peih nduac lac 2h15 minit katut jang 2 tuk dut haong jalan radaih. Abih di nyu nan lac dom amaik Việt Nam Anh hùng, urang jaoh jo hu brei nao saoh gilai ini.

Khaw tin dunya

# Harei 28/1, urang kumei diễn viên Hô-li-út (Hollywood) Ăng-giê-li-na Giô-li (Angelina Jolie), Đặc phái viên di Cao ủy Liên hợp quốc ka urang tị nạn, hu panuac ieu sa jalan ngak chính trị khả thi” ka bruk khủng hoảng dui atah 7 thun tapa di Xyri, saong caong khin bhapbini dunya ngak rilo jang ka urang tị nạn.  Urang kumei diễn viên ini brei thau, hadei 7 thun dom urang tị nạn Xyri daok diuk ala tanut kathaot rambah tuk oh hu ginup 3 đôla Mỹ sa harei pandar cai.

# Tui pasang iek di Viện cakrok patagok hành chính negar Thái Lan, jaik sa meteh bhap bani negar ini caong khin bruk palih ruah hu peih ngak dak samar dak siam. Makna lac kayua dahlau diah Thủ tướng Pra-dút Chan-ô-cha (Prayut Chan-o-cha) ndom lac meda peih bruk palih ruah dalam bilan 11/2018, yau nan min harei 25/1 Hội đồng Lập pháp negar (NLA) buh phiếu brei kadul veik bruk peih ngak hukum bầu thượng nghị sỹ, ngak ka bruk palih ruah suai jang takik di abih 3 bilan dut haong kuhria dahlau.

# Jaik 1 rabau 500 urang bhapbini di ban ine Pari, Pháp hu panduan ba nao labik siam mekre, hadei di tuk gah chức trách brei thau lac mbuan hu ia dauk kayua ia di kraong Xen (Seine) tagok glaong. Tui panuac khan di gah chức năng, ia di kraong Xen meda tagok glaong jaik tanut ba tal dauk ia thun 2016 dalam dom harei anak tal./. 

Jasi saong Thúy Linh lang tapa sap Cam