# Mintri jien padai hu var ngak bruk song  Thành ủy, Ubbhap bini song  Kapul urang Quốc hội ban raya Hồ Chí Minh piah ginum biai asar kadha di Dự thảo Nghị quyết di Quốc hội ka  cơ chế, patagok ban raya Hồ Chí Minh.  Dự thảo hu padang ngak tui jalan: jhul khang phân cấp, phân quyền, tagaok tính tự chủ, tagok bruk ngak di karja ban raya Hồ Chí Minh. Taphia di nan, khik caga bruk pasang iek, duah thau di Quốc hội, rajaei, Hội đồng bhap bini dom pakat  di ban raya.

# Meng akaok thun tal ini, di tỉnh Hà Giang rah tabiak 14 mbang khuah glai saong mblang hareik, abih tih lac jaik 68 ha. Dalam nan, dom huyện  khuah ralo mbang di abih lac Mèo Vạc, Vị Xuyên, Bắc Quang. Kapul kiểm lâm tỉnh Hà Giang saong dom gah chức năng jeng duah mboh, langyah 235/251 mbang vi phạm, cap mek labaih 100 m3 kayau dom janih, taong phạt labaih 1 tỷ 500 triệu đồng.    

# Tuk vak jiak di ni, di ban Đà Lạt (Lâm Đồng) gam hu dom mbang hajan khang dui atah. Tui Phòng kinh tế ban Đà Lạt, dom mbang hajan khang gam tui hangin ribuk meng akaok bilan hajan tal ni ngak takik di abih 23 ha nhà kính, nhà lưới song  146ha njam, bingu khut song dauk dalam ia. Hajan khang jeng ngak ka 26 boh sang par tabung song jaleih, labaih  10 bờ taluy, ar patau di dom jalan njauk glut jaleih trak, tong abih tih khat lihik gah kinh tế tui kuhria labaih 55 tỷ đồng.

# Sa bruk njauk jru mek ikan nóc barau rah tabiak di ban sit La Gi, tỉnh Bình Thuận ngak 1 urang metai saong ralo urang karei nguy kịch. Tapa sơ cứu, sang iek ruak brei thau: sa urang metai, 4 urang njauk trak saong sa urang hanjul. Dom urang nan gam nao angaok sa kapal ikan taong cap langiu tasik. Hadei di tuk ngak ralo ikan nóc mbang angaok kapal, dom urang nan daluak ta-aok, aih caraoh trak, rup ngu saong handaoh.

        # Hareik nerak yaok harei di tỉnh Long An meng 530 tal 550 tấn, dalam nan hu labaih 150 tấn lac di  huyện Đức Hòa. Meng harei 1/5/2017, dom đơn vị xử lý hareik di ban raya  Hồ Chí Minh oh taduan 150 tấn hareik ni tra, ba tal hareik gar veik, kanyah jak tal môi trường. Sở Tài nguyên- Môi trường tỉnh Long An hu samar pambuak bruk song ban raya piah langyah dom hareik gar veik, dalam tuk dok cang labik xử lý hareik di tỉnh padang ngak di huyện Thủ Thừa.

      # UB bhap bini tỉnh Bình Thuận hu mbaoh tangin brei adat  Quy hoạch tổng thể patagok du lịch Bình Thuận tal thun 2020 saong pamaong tal thun 2030. Gam saong nan lac dom quy hoạch du lịch tapen tasik dui atah meng Hàm Tân tal Tuy Phong jeng hu ngak salah bloh,  Urak ini daok padang quy hoạch  labik pasak dịch vụ di Hàm Tiến - ban Phan Thiết, quy hoạch hong gauk labik Vĩnh Tân – huyện Tuy Phong, quy hoạch điểm DL negar Phú Quý saong labik du lịch negar Mũi Né.

  # Thanh tra Bộ Nội vụ hu tabiak panuac kết luận buk peih ngak dom quy định ka bruk quản lý biên chế, palih ruah ba tame ngak dalam jabat hành chính di  Ub bhap bini  tỉnh Ninh Thuận.  Tui  nan , Kapul hu pasang iek tapak tapak  192 hồ sơ bổ nhiệm, bổ nhiệm veik song mboh 53 mbang bổ nhiệm chức vụ lãnh đạo, quản lý oh ginup tiêu chuẩn. 53 urang jakar pan akaok, khik ramik ni kurang sa atau rilo tanut ka ilamu lý luận chính trị, khik ramik karja, chứng chỉ ngoại ngữ, chứng chỉ tin học.

         Patui di ini dom khau tin dunya:

# Cảnh sát Inđônêxia barau brei thau, dua mbang patuh ba tal khuah rah tabiak di sa sang mac pháo bingu di ngoại ô gah pai di Inđônêxia, ngak takik abih 47 urang metai saong yaok pluh urang karei njauk rambuah. Tukvak rah tabiak bruk patuh sang mac hu jaik 103 urang ngak daok ngak bruk. Urak ini dom urang metait hu ba nao tal dom sang iek ruak piah nhận dạng.  

   # Tổng thư ký Liên đoàn Ảrập A-hmét A-bun Ghê-ít (Ahmed Aboul-Gheit) hu panuac chỉ trích bruk brei adat padang ngak 176 boh sang  định cư bahrau di  Ixraen di  Đông Giê-ru-xa-lem (Jerusalem) – labik hu rilo urang Palétxtin dok.  Ong A-bun Ghê-ít brei thau, bruk ngak nan di Ixraen dok thách thức bhap bini dunya  song lac  bruk palai pajoa dom kham merat, piah duah jalan 2 karja ka bruk hòa bình Trung Đông.

# Đặc phái viên Liên hợp quốc ka Xyri Xta-phan Đờ Mi-xtu-ra brei thau, mbang ginum meyai barau ka Xyri kayua Liên hợp quốc ngak trung gian hu peih tabiak di Giơ-ne-vơ, Thụy Sĩ meng harei 28/11 tal. Ini lac mbang ginum meyai ka 8 kayua LHQ ngak trung gian, piah padeih bruk srau kadau bak darah dui atah labaih 6 thun tapa di Xyri./.