# Harei 28-6, ong Nguyễn Thiện Nhân, Ủy viên Bộ Chính trị, Akaok Ủy ban Trung ương Mặt trận Negar Việt Nam hu nao ngak bruk haong urang pal akaok bal Đà Nẵng ka bruk peih ngak “Đề án dak padang bal thông minh” di bal Đà Nẵng. Tal urak ini, Đà Nẵng hu padang chính quyền điện tử, padang hu pasak thông tin cộng đồng, pabak riyak Wi-Fi công cộng, padang pasak dữ liệu duh ka bhap bani. Ong Nguyễn Thiện Nhân pandar bal Đà Nẵng samar padang Ban tacei pato peih ngak Đề án; pataom tame qui hoạch, tacei ba, pagam tui kuhria mboh dahlau bruk patagok di bal.

        # Harei 28/6, Huế  hu Gah khik ramik lingik tasik dunya pok brei angan lac ban hajao pakat negar di VN thun 2016. Thun ni, hu 125 ban meng 21 negar di dunya tame pakacah angan ban hijao dunya, dalam nan VN mbang camereip hu mbaok tame song lambaok lac ban sit Huế.

       # Harei 28/6, pak palei ngak ikan Trung Thanh, xã Tam Thanh, bal Tam Kỳ, tỉnh Quảng Nam, lambaok Quỹ Giao lưu dunya Hàn Quốc pak Việt Nam saong Ủy ban bhap bani bal Tam Kỳ peih pakak Công trình mỹ thuật cộng đồng Hàn - Việt. Công trình ini mek tamo mẫu meng palei cih vak biak daneiy angan pak Hàn Quốc.

        # Dua harei tapa hajan khang dui atah nan ye ia di dom krong tagok glong ngak dauk dom xã di huyện Ea Sup, tỉnh Đăc Lắc. Di krong  Ea Hleo labik nduac tapa  huyện Ea Súp rah tabiak ia ndik ia sua ngak dauk dom xã  Ea Rok, Ia Lop, Cu Mlan, Ya T môt, Cư Kbang. Dalam huyện hu 77 boh sang dauh meng 10 -20 cm. Rilo jalan xã , jalan palei njauk ia dauk, hu dom labik oh nao mai hu. Anak bruk ni, mban tacei jalan pacang caga bala song dong duah urang gaok bala tỉnh Đắc Lắc hu tacei UB bhap bini huyện  Ea Súp song dom gah pambuak tal brei samar daong.

       # Melam 28/6, Harei pataom Sap daoh miền Đông mbang ka XVII - Ninh Thuận 2016 hu peih tabiak pak bal Phan Rang - Tháp Chàm, tỉnh Ninh Thuận. Harei pataom kayua Cục Ilamo cơ sở pambuak haong Sở Ilamo – Padhih saong Rivang ma-in Ninh Thuận peih ngak. Hu mbaok tame harei pataom hu labaih 360 diễn viên, urang daoh mai meng 9 kapul daoh tamia bhap bini dalam dom tỉnh, bal gah Đông Nam Bộ. Ini lac bruk peih ngak salih gauk 2 thun sa mbang, pak 9 tỉnh, bal gah Đông Nam Bộ.

       # Tỉnh Trà Vinh kham merat dalam 6 bilan Puac thun, taong cap hu labaih 46.000 tấn kaya ikan, piah daong pabak tanut jiak 80.000 tấn dalam thun ni, SAMU 106% dom kaya ikan taong cap hu di thun 2015. 6 bilan akaok thun, kaya ikan tỉnh Trà Vinh bahrau taong cap hu labaih 34.000 tấn, SAMU 42% bruk  ba tabiak dalam thun song trun 11% dut song tuk vak ni thun dahlau.

       # Dom harei jaik di ini, HADEI DI dom mbang hajan prong ye angaok jalan Roya 1A labik nao tapa tỉnh Tiền Giang  hu ralo lubang aia praong mbuan ba tal bala tuk nao mai angaok jalan. Pak huyện Cái Bè, Cai Lậy saong bal sit Cai Lậy hu ralo lubang aia atah yaok pluh mét, cagar jaik 10 mét, gam haong ralo sruh menuk, sruh lamen ngak ka ralo radaih nao mai njauk bala.

        Patui di ni dom khau tin dunya:

      # Harei 28/6, Gah padai brah di LHQ  song  Liên minh châu Phi (AU) hu peih ngak sa dự án pamong tal bruk abih eik lipa di bhum Đông Bắc Phi , daok ieu lac palao Somalia) di thun 2050. Dự án hu angan “ Lihik bruk eik lipa di bhum Đông Bắc Phi: Meng panuac  ndom tal bruk ngak” hu peih ngak tui talei pambuak bruk  FAO-AU piah ngak ka dom panuac sinya dahlau deih jeng bruk ngak piah pacang bruk srau kadau ah padai brah song lavang lavaih di bhum taneh ni. Jien tuk camereip piah ngak dự án lac 350.000 đô la Mỹ.

       # Mentri Pablei salih Trung Quốc harei 28/6 hu panuac ieu Mỹ caik hatai sangka jang tuk pandar dom jalan ngak piah khik caga bruk pablei salih pasei piah plaih ngak mbaih mboh kein laba di dom công ty Mỹ saong dom công ty di dom negar karei. Mentri Pablei salih Trung Quốc meda peih ngak dom jalan njauk ngak, dalam nan hu gam bruk pathau tagok Gah pablei salih Dunya piah pathau Mỹ ka bruk đối xử oh công bằng ngan haong dom doanh nghiệp Trung Quốc saong khik caga kein laba di Trung Quốc.

          # Tapa duah thau bahrau ini di gilang pariak HSBC mboh lac, dom amaik ame di Malaysia daok dalam alam top dom negar bo amaik ame halan hatain pandar cai prong di abih ka bruk bac da di anek bhik. Tui duah thau nan, labaih meteh dom amaik ame di Malaysia halan hatain nyim sre piah kuhria ka bruk bac daa di anek drei. Dalam (tuk?) nan, hu tal 80% urak ni dok cai jien yaok harei di drei piah buh ka anek mbang bac . Urang oh huac abih jien padai piah brei ka anek hu mbang bac tal labik tal dhua. Ngan song dom boh sang hu anek bac ĐH, yaok thun njauk buh tabiak labaih 8 ribau đola Mỹ, glong jang 14% dut song yaom trung bình di dunya./.