# Harei 29/3 di Hà Nội, Thủ tướng Nguyễn Xuân Phúc pan akaok nyom biai pakat negar ka bruk pacang caga bala meng lingik tasik. Ini lac nyaom biai praong, piah taong yaom bruk pacang caga bala meng lingik tasik dom thun tapa saong ba tabiak dom jalan ngak praong di anak tal. Hu thau, dalam 20 thun tapa, oh ka hu sóng thần, min daok veik taneh ia drei gaok jaik abih dom bnala meng lingik tasik, ngak khat lihik trak ka menuac sia, drap ar, cơ sở hạ tầng, ngak jhak tal bruk diukrai, ngak mbang ngak huak di bhap bini.

         # Ủy ban bhap bini tỉnh Lào Cai bahrau njauk hatai ka bruk rami ramik tani tanat rahra gam song bruk padang ngak palei pala bahrau thun  2018. Tui nan, thun ni, tỉnh kham merat ngak salah bruk pataom veik 38 palei dalam 10 xã di 5 huyện, ban piah JENG 19 palei bahrau.Dalam 38 puk palei ba pataom veik dalam dalam thun ni, hu sa meteh lac dom puk palei hu oh ka tal 50 boh sang. Jeng tui jalan ngak ni, dalam thun 2017, dalam tỉnh trun hu 7 palei hu biak takik sang.

         # Njauk di tuk pahadar 43 thun harei peih paha, harei (29/3), UBND ban sit Đà Nẵng peih pakak jalan Nguyễn Tất Thành pambuak atah. Ini lac kadha praong di dự án cakrok patagok khang kajap di ban Đà Nẵng hu ngak meng jien ODA di gilang pariak dunya saong jien đối ứng di ban sit Đà Nẵng. Ông Nguyễn Ngọc Tuấn, Phó Chủ tịch UBND ban sit Đà Nẵng brei thau: Bruk ngak bloh saong ba tame pandar nan nyu hu makna praong dalam bruk pambuak sa binah di bhum Tây Bắc haong bhum pasak ban sit saong dom jalan praong karei. Lingiu di nan daok cakrok patagok ban sit nao gah hướng Tây Bắc, pabak hatai caong dom dom urang đầu tư jeng yau bhap bini ban sit

        # Meng labaih 4 thun ini mai, tuk tame bilan thu, bhap bini di ban  Buôn Ma Thuột (Đắk Lắk) duh hatai ka bruk cakak ia jamriak. Bilan thu thun ni, bruk kurang ia daok rah tabiak, yaom lac oh ka thu trak, min kurang ia ngak ka bruk ngak mbang ngak huak di rilo boh sang nyu srau kadau, pablei salih kan kandah.  Ông Trần Văn Thiện, Giám đốc Công ty TNHN MTV ia Buôn Ma Thuột (Đắk Lắk) brei thau, piah langyah bruk ni, Ctyị hu peih bruk ia meng dom jalan ia, pathau khan brei mik va pandar ia patak pataom. Gam song nan, công ty hu buh tabiak labaih 630 tỷ đồng padang ngak bahrau sa sang mac pabak ia saat hu công suất sa harei 35 ribau m3

          # Ủy ban bhap bini tỉnh An Giang peih nyaom biai tabiak bruk pakacah thun 2018 saong pok meyaom pakat karja ka dom kapul nyaom, menuac urang naih gheih dalam bruk ngak. Brei panuac di nyaom biai, ong Nguyễn Thanh Bình, Phó Chủ tịch Ủy ban nhân dân tỉnh An Giang ndom lac, thun ini, pamaong tal bruk pahadar 70 thun harei Chủ tịch Hồ Chí Minh tabiak Panuac ieu pakacah gauk anit ranam taneh ia, caong dom gah, dom puk palei sangka jang tal bruk pakacah, piah dak harei dak hu siam mekre jang. Bruk peih pakacah brei ngak gam gam, pambuak haong bruk di yaok labik, yaok urang. 

Khaw tin dunya:

        # Hãng thông tấn RIA, Nga ba panuac di akaok mintri Quốc phòng negar ni  Xéc-gây Xôi-gu (Sergei Shoigu) brei thau, negar ni hu peih mbang par  pasram quân sự camereip tapa Bắc Cực tal Bắc Mỹ kuhria meng di saman Xô Viết, hu mbaok di kapan haoh pacang  tàu ngầm. Khau tin ni hu ba tabiak njauk tuk vak Mỹ song Anh dok peih bruk pasram hải quân di angaok bhum tasik  Bắc Cực.

          # Mintri Thương mại Trung Quốc harei 29/3 hu panuac lac, jalan ngak di Mỹ ngan saong gah pablei salih nyu ba tabiak sa jalan ngak jhak, meda ba tal hiệu ứng đô-mi-nô saong Mỹ njauk pasiam veik dom bruk ngak suan di drei, njauk padeih bruk tui jalan chủ nghĩa đơn phương. Turang brei panuac di mintri Thương mại Trung Quốc Cao Phong, dom jalan ngak gah pablei salih di Mỹ ngan saong Trung Quốc lac bruk bảo hộ thương mại điển hình saong brei mboh bruk di Chiến tranh lạnh.

       # Ba Lan hu mbaoh tangin tame harak thỏa thuận yaom jiak 5 tỉ đô la Mỹ song dom  gah pambuak bruk  di  Mỹ piah blei  hệ thống phòng thủ tên lửa Patriot di negar ni dalam bruk hiện đại hóa quân đội piah khik kajap an ninh negar anak dom  đe dọa dalam harei hadei. Thỏa thuận ni brei adat ka  Ba Lan meda pambuak  bruk tác chiến song dom taneh ia karei di châu Âu daok dalam Nato hu hệ thống pacang caga tên lửa Patriot dreih nan, yau  Đức, Hà Lan, Tây Ban Nha atau  Hy Lạp./.