# Nghị định ka 51 di Thủ tướng rajaei  tabiak harei 09/04/2018 pasiam, pabak dom paka di Nghị định ka 158 harei 28 bilan 12 thun 2006 tacei tabiak cambaih laih Hukum pablei salih ka bruk pablei salih pandap panda tapa Sở Giao dịch pandap panda hu hiệu lực meng harei 01/06 tal. Nghị định ini hu pasiam dom tavak tavaiy di Nghị định klak ngak brei bruk pablei salih tapa sở giao dịch takik tagok, oh pabak hu bruk di darak pasar. Meng harei 16/7/2018, Sở Giao dịch pandap panda Việt Nam hu pambuak talei liên thông haong dom Sở giao dịch pandap panda di dunya.

# Việt Nam hu mong lac sa dalam dom negar di  Đông Nam Á kaya meda gah đa dạng sinh học song hu dang dhi ka 16 dalam dom negar hu đa dạng sinh học glong abih di dunya. Min rilo nguồn gen đặc hữu di Việt Nam hu ba tabiak negar langiu, saong hu rilo nguồn gen oh dok mboh di Việt Nam, min di rilo gilang pariak gen di dunya dok khik piah nguồn gen ni. Kayua yau nan ye, bruk pandar song parabha nguồn gen lac bruk njauk ngak chip urak ni, piah khik caga quyền song kein laba di urang pabak  nguồn gen song ilamu ka nguồn gen di negar drei.

# Urak ini, dalam negar hu jaik 1 triệu 300 ribau menuac kurang bruk ngak, jaik 500 ribau menuac oh hu bruk ngak, dalam nan 83% lac di palei pala. Rilo palei pala urak ini oh ginup taneh pala drak, dalam tuk dom bruk lingiu ngak nong oh ka hu ralo, ngak ka urang nong klaak palei tabiak pasar duah bruk ngak. Piah ba bruk ngak ka urang ngak palei pala, rajaei brei peih ngak đề án pato bruk ngak ka urang ngak palei pala tal thun 2020 lac pato hu 5,5 triệu urang ngak. Min jaik 10 thun peih tabiak ngak, đề án jeng oh ka ba hu bruk ngak ka urang ngak palei pala yau bruk ba tabiak.

# Labaih 2000 “nhà khởi nghiệp” di  Việt Nam song rilo negar di dunya mai pataom gauk di ban Đà Nẵng piah hu mbaok tame nyaom biai song parang iek padang mbang ngui dunya Đà Nẵng 2018 (SURF 2018) tui kuhria hu peih tabiak harei 29/6 anak tal. Kadha praong di  SURF 2018 lac bruk pakacah thuyết trình dự án padang mbang ngui song dom giải thưởng tagok tal 100 triệu đồng brei ka dự án gheih di abih. Nyaom biai ni dong peih tabiak jalan ka nhà khởi nghiệp pambuak song nhà đầu tư duah phun jien, pambuak bruk pablei salih, yaih khan pandap panda, bac megru ilamu meng dom chuyên gia dang akaok ka bruk  padang mbang ngui  di dom negar di dunya.

# Mesup (29/5), lac harei Phật Đản Phật lịch 2562, di Việt Nam Quốc Tự, Giáo hội Phật giáo TPHCM peih ngak praong prang Lễ Phật Đản hu mbaok ralo hoà thượng, thượng toạ, ni trưởng, ni sư, đại đức, tăng ni saong yaok ribau phật tử ban raya. Tapa nan, Giáo hội Phật giáo TPHCM peih bruk alin 1.000 pok pandap ka urang kan kathaot. Lingiu di nan, hu thau lac, di taong abih dom baoh baha dalam ban raya jeng hu alin hadiah pandap ka phật tử gaok kan kandah, nao ravang dom sang  thương binh liệt sỹ, am cuh glau hadar dom anh hùng liệt sỹ di dom inem mek sajarah. Amuk Phạm Thị Bông, sa urang phật tử daok di quận Gò Vấp lac: “Harei ini lac harei lễ Phật đản, harei Đức Phật tabiak rai ye taong abih phật tử chreih chrai nao baha piah uan Phật. Abih gauk mboh biak bui sambai hu nao tal baoh baha praong yau ini. Giáo hội jeng hu ngak rilo bruk brei ka phật tử mai cúng kiếng lễ Phật.”

Khaw tin dunya:

# Harei 28/05, Thủ tướng Đức An-giê-la Méc-ken brei thau bruk halan hatain ginum biai song Mỹ ka bruk meriak gauk pablei salih pambuak tal bruk kak je tame nhôm saong pasei dahlau di tuk bruk oh kak je 2 janih pandap ni abih hiệu lực di harei 1 bilan 6. Muk Méc-ken jeng cong khin Liên minh châu Âu jhui ngak dom jalan trả đũa dalam bruk meriak gauk palei salih song Mỹ bo njauk duah tabiak jalan ngak njauk.

# Rajaei Nam Phi daok pasang iek panuac di chuyên gia cứu hộ hàng hải Nick Sloan ka bruk dui dom núi băng ndaong seik meng Nam Cực mai baoh taneh piah pabak ia hacih ka Cape Town, sa ban urak ini daok kurang ia pandar kayua pandiak bhang livik harei. Dahlau di nan, Nick Sloan brei thau lac puac bilan 6 tal, ong meda mbaoh tangin pambuak bruk haong karja Cape Town ka bruk pablei núi băng yaom 130 triệu USD ka ban ini. Hadei di nan, bruk dui núi băng meng Nam Cực mai hu peih tabiak ngak di bilan 12 tal.

# Mamoudou Gassama, urang Mali umo 22 thun, lac sa urang likei dam nhập cư suan hukum, hu pok brei angan lac "người nhện" kayua daong hu ka sa uranaih likei Prang, umo 4 thun, laik trun saong daok tual rup di lan can “ban công’ tal 4 taduan hu sa bruk biak tatuak drei meng bruk quả cảm di drei. Dalam mbang taom gaok Gassama di Điện Elysee harei 28/5, Tổng thống Pháp Emmanuel Macron khan lac Gassama hu nhập tịch Prang, saong hu brei tame ngak gah  pacang padam pui di negar ni./.