Khaw tin 6h30 harei 30/6
Thứ sáu, 00:00, 30/06/2017
Thuy Linh
Thuy Linh
Khaw tin 6h30 harei 30/6
# Tui Tổng cục Hải quan, dalam 2 quý akaok thun 2017, abih tih yaom pandap xuất nhập khẩu di Việt Nam kuhria hu labaih 198 tỷ USD, tagok jang labaih 21% dut song tuk vak ni thun 2016. Bruk njauk biai nan lac nhập siêu di Việt Nam dalam 2 quý akaok thun 2017 tagok tal jiak 2,7 tỷ USD.
# Tal tukvak ini, tỉnh Thừa Thiên - Huế hu bayan abih tih jaik 895 tỷ đồng dalam labaih 950 tỷ đồng bayan jien bruk sự cố alam môi trường tasik tui Quyết định 1880/QĐ-TTg saong Quyết định số 309/QĐ-TTg di Thủ tướng rajaei. Paok jien daok veik hu dom puk palei dalam tỉnh bayan ka urang ngak iken, kham merat ngak blaoh bruk bayar jien bồi thường saong tani tanat bruk ngak mbang ka urang bhapbini hadei sự cố alam môi trường tasik tui tacei pato di rajaei.
# Mesup 29/6, Pasak khik ramik jalan hầm tapa krong Sài Gòn di Sở pajeng ba ban raya Hồ Chí Minh peih pakak dhar tatua pambuak meng kreh tatua Nguyễn Văn Cừ song jalan Võ Văn Kiệt dahlau jang 5 bilan dut song bruk ba tabiak. Hadei di tuk peih pakak, dom radeih nao mai labik nan tui jalan: Di dhar tatua N1 brei peih 1 gah dom janih radeih meng jalan Võ Văn Kiệt (gah Quận 6) vaih tagok tatua nao gah jalan Dương Bá Trạc, Quận 8, mbaok tatua ka radeih peih praong 5,5m. Di dhar tatua N2 brei peih 1 gah dom janih radeih tui jalan meng tatua Nguyễn Văn Cừ vaih trun tatua jalan Võ Văn Kiệt, Quận 1, mbaok tatua brei radeih peih praong 5,5m. Tốc độ brei adat glaong di abih tuk peih tapa labik ni lac 30km/ sa tuk.
# Dalam 6 bilan akaok thun ini, bruk bangsa di bhum Tây Nam bộ hu dom salih bahrau biak siam di taong abih gah: kinh tế, chính trị, ilimo...abih di nyu nan lac dom bruk alin sang anut ranam, ravang alin pandap saong iek ruak, brei jru saoh ka dom sang sarak, sang bhapbini bangsa takik sang kan kandah dalam tuk Tết Nguyên Đán, Tết cổ truyền di bhapbini bangsa.
# Pahadar 16 thun harei boh sang Việt Nam (28/6/2001 – 28/6/2017), Ủy ban bhap bini tỉnh Long An hu pataom mbaok pok meyaom boh sang ilamu hadah krah mbang 1 thun 2017. 97 boh sang ilamu hadah krah lac dom boh sang siam mekre, haniem phol, patagok kinh tế, anek taco slut mbut , bac daa naih joi; ngak siam dom sarak di Đảng hukum di karja, hu taduan harak meyaom di Sở ilamu - Thể thao song Du lịch song 5 kapul taduan hu hala doh pakacah, Harak meyaom di Ủy ban bhap bini tỉnh kayua ngak hu siam bruk tong abih bhap bini jum pataom dak padang rai duik ilamu thun 2016.
# Harei 28/6 darak đầu mối kaya nong pandap mbang menyum Dầu Giây (Đồng Nai) hu peih tabiak pablei salih. Ini lac darak đầu mối kaya nong praong abih dom tỉnh ban Đông Nam bộ tal tukvak urak ini saong lac đầu mối di dom canah jalan nao mai praong Brak – meraong, bhum Đông Nam bộ, Tây Nguyên saong gah kreh negar. Darak daok jaik rajan roya 1A, jalan roya 20 nao Lâm Đồng saong canah jalan cao tốc ban raya Hồ Chí Minh – Long Thành – Dầu Giây.
#Hadei di 4 thun peih ngak, danak dak "Pasiam rai duik ka boh sang urang ngak nong kan kathaot di huyện Tân Phú Đông", tỉnh Tiền Giang hu dong ka bhap bini palao njom mbak Tân Phú Đông peih praong bruk ngak nong palei pala, yam tapa kan kandah, patagok kinh tế boh sang. Meng 1.276 drei limo (bilan 10/2012), urak ni, tong abih tapon limo di huyện Tân Phú Đông tagok tal 2.532 drei; dalam nan tapon limo di danak dak lac 1.103 drei, meblah tal 44% tapon.
Khaw tin dunya
# "Chau, Beyond the Lines", lang lac “Châu, yam tagok dom nét vẽ” lac dalikan padrut padrui ka raidiuk di Lê Minh Châu, urang likei sit Việt Nam oh patoah njauk dom tật nguyền dalam rup, min tuk halei jeng raong hatai caong khin jeng sa urang thiết kế thời trang. Tapa bộ phim tài liệu atah 35 minit, đạo diễn Courtney Marsh, Mỹ saong dom cộng sự caong ba tal urang moang thau ka dom kan kandah khang di dom urang njauk jru mek kalik kruac. Đoàn ngak phim jeng caong hu bruk ba tangin tame di abih menuac sia piah langyah bruk nhân đạo pandiak ini.
# Melam 28/6 tuai damuai angaok sruh kapan meng Vác-xa-va (Warsaw) di Ba Lan tal Béc-lin (Berlin) di Đức brei ba tabiak nao labik karei chip, hadei di tuk mehit lac tong bom di angaok kapa. Abih tih hu labaih 600 tuai di angaok kapan song bhap bini dok taom dar sang ga taduan hu panuac tabiak nao tal labik siam mekre. Kayua bruk an ninh, urang jakar jeng brei kreik pambah mbang sang ga Mogilno piah duh ka bruk pasang iek, duah thau.
# Cảnh sát Anh harei 28/6 brei thau, urang metai saong lihik hadei mbang khuah tòa chung cư Grin-pheo (Grenfell), Anh 2 adit dahlau meda lac 80 urang. Min, gah cảnh sát Anh brei thau, abih yaok bilan meng kuhria hu ginup abih urang metai dalam bala khang ini.
# Tui Tổng cục Hải quan, dalam 2 quý akaok thun 2017, abih tih yaom pandap xuất nhập khẩu di Việt Nam kuhria hu labaih 198 tỷ USD, tagok jang labaih 21% dut song tuk vak ni thun 2016. Bruk njauk biai nan lac nhập siêu di Việt Nam dalam 2 quý akaok thun 2017 tagok tal jiak 2,7 tỷ USD.
# Tal tukvak ini, tỉnh Thừa Thiên - Huế hu bayan abih tih jaik 895 tỷ đồng dalam labaih 950 tỷ đồng bayan jien bruk sự cố alam môi trường tasik tui Quyết định 1880/QĐ-TTg saong Quyết định số 309/QĐ-TTg di Thủ tướng rajaei. Paok jien daok veik hu dom puk palei dalam tỉnh bayan ka urang ngak iken, kham merat ngak blaoh bruk bayar jien bồi thường saong tani tanat bruk ngak mbang ka urang bhapbini hadei sự cố alam môi trường tasik tui tacei pato di rajaei.
# Mesup 29/6, Pasak khik ramik jalan hầm tapa krong Sài Gòn di Sở pajeng ba ban raya Hồ Chí Minh peih pakak dhar tatua pambuak meng kreh tatua Nguyễn Văn Cừ song jalan Võ Văn Kiệt dahlau jang 5 bilan dut song bruk ba tabiak. Hadei di tuk peih pakak, dom radeih nao mai labik nan tui jalan: Di dhar tatua N1 brei peih 1 gah dom janih radeih meng jalan Võ Văn Kiệt (gah Quận 6) vaih tagok tatua nao gah jalan Dương Bá Trạc, Quận 8, mbaok tatua ka radeih peih praong 5,5m. Di dhar tatua N2 brei peih 1 gah dom janih radeih tui jalan meng tatua Nguyễn Văn Cừ vaih trun tatua jalan Võ Văn Kiệt, Quận 1, mbaok tatua brei radeih peih praong 5,5m. Tốc độ brei adat glaong di abih tuk peih tapa labik ni lac 30km/ sa tuk.
# Dalam 6 bilan akaok thun ini, bruk bangsa di bhum Tây Nam bộ hu dom salih bahrau biak siam di taong abih gah: kinh tế, chính trị, ilimo...abih di nyu nan lac dom bruk alin sang anut ranam, ravang alin pandap saong iek ruak, brei jru saoh ka dom sang sarak, sang bhapbini bangsa takik sang kan kandah dalam tuk Tết Nguyên Đán, Tết cổ truyền di bhapbini bangsa.
# Pahadar 16 thun harei boh sang Việt Nam (28/6/2001 – 28/6/2017), Ủy ban bhap bini tỉnh Long An hu pataom mbaok pok meyaom boh sang ilamu hadah krah mbang 1 thun 2017. 97 boh sang ilamu hadah krah lac dom boh sang siam mekre, haniem phol, patagok kinh tế, anek taco slut mbut , bac daa naih joi; ngak siam dom sarak di Đảng hukum di karja, hu taduan harak meyaom di Sở ilamu - Thể thao song Du lịch song 5 kapul taduan hu hala doh pakacah, Harak meyaom di Ủy ban bhap bini tỉnh kayua ngak hu siam bruk tong abih bhap bini jum pataom dak padang rai duik ilamu thun 2016.
# Harei 28/6 darak đầu mối kaya nong pandap mbang menyum Dầu Giây (Đồng Nai) hu peih tabiak pablei salih. Ini lac darak đầu mối kaya nong praong abih dom tỉnh ban Đông Nam bộ tal tukvak urak ini saong lac đầu mối di dom canah jalan nao mai praong Brak – meraong, bhum Đông Nam bộ, Tây Nguyên saong gah kreh negar. Darak daok jaik rajan roya 1A, jalan roya 20 nao Lâm Đồng saong canah jalan cao tốc ban raya Hồ Chí Minh – Long Thành – Dầu Giây.
#Hadei di 4 thun peih ngak, danak dak "Pasiam rai duik ka boh sang urang ngak nong kan kathaot di huyện Tân Phú Đông", tỉnh Tiền Giang hu dong ka bhap bini palao njom mbak Tân Phú Đông peih praong bruk ngak nong palei pala, yam tapa kan kandah, patagok kinh tế boh sang. Meng 1.276 drei limo (bilan 10/2012), urak ni, tong abih tapon limo di huyện Tân Phú Đông tagok tal 2.532 drei; dalam nan tapon limo di danak dak lac 1.103 drei, meblah tal 44% tapon.
Khaw tin dunya
# "Chau, Beyond the Lines", lang lac “Châu, yam tagok dom nét vẽ” lac dalikan padrut padrui ka raidiuk di Lê Minh Châu, urang likei sit Việt Nam oh patoah njauk dom tật nguyền dalam rup, min tuk halei jeng raong hatai caong khin jeng sa urang thiết kế thời trang. Tapa bộ phim tài liệu atah 35 minit, đạo diễn Courtney Marsh, Mỹ saong dom cộng sự caong ba tal urang moang thau ka dom kan kandah khang di dom urang njauk jru mek kalik kruac. Đoàn ngak phim jeng caong hu bruk ba tangin tame di abih menuac sia piah langyah bruk nhân đạo pandiak ini.
# Melam 28/6 tuai damuai angaok sruh kapan meng Vác-xa-va (Warsaw) di Ba Lan tal Béc-lin (Berlin) di Đức brei ba tabiak nao labik karei chip, hadei di tuk mehit lac tong bom di angaok kapa. Abih tih hu labaih 600 tuai di angaok kapan song bhap bini dok taom dar sang ga taduan hu panuac tabiak nao tal labik siam mekre. Kayua bruk an ninh, urang jakar jeng brei kreik pambah mbang sang ga Mogilno piah duh ka bruk pasang iek, duah thau.
# Cảnh sát Anh harei 28/6 brei thau, urang metai saong lihik hadei mbang khuah tòa chung cư Grin-pheo (Grenfell), Anh 2 adit dahlau meda lac 80 urang. Min, gah cảnh sát Anh brei thau, abih yaok bilan meng kuhria hu ginup abih urang metai dalam bala khang ini.
Viết bình luận