#Meng harei  1/7/2018, Đại sứ quán Australia di  Hà Nội peih bruk taduan  hồ sơ ka danka dak dong ba tapak  di rajaei  Australia (DAP) brei ka dom dự án  dalam nan hu dom tỉnh gah barak tal  Thừa Thiên - Huế dalam thun 2018-2019. Rajaei Australia hu buh dom pok jien dong takik di abih  60.000 đô la Australia ka dom kapaul lingiu rajaei, nyaom cộng đồng song dom kapul nyaom ngak bruk phi lợi nhuận karei piah peih ngak dom danak dak patagok tui jalan sit sot pamong tal jalan jhul patagok kinh tế ka dom  cộng đồng oh patuah jamo. Dalam thun 2018-2019, Danak dak  DAP Hà Nội hu caik dahlau ka dom  dự án hu yaom glong,  dom dự án siam ngan song dom kan kandah ka patagok daok tavak tavaiy dalam sa tuk vak suai lavik  . Tuk vak taduan  hồ sơ (tapak ) lac harei  31/7/2018.

 # Tỉnh Lai Châu hu daong 30 triệu đồng saong pandap pandar ka dom sang gaok khat lihik. Ông Lê Trọng Quảng, Phó akaok uy mban bhapbini tỉnh Lai Châu, akaok mban tacei pato pacang caga bala meng lingik tasik saong duah daong urang gaok bala tỉnh Lai Châu brei thau, hadei di tuk rah tabiak glut jaleih patau lam dar 28 baoh sang di bhapbini bản Sáng Tùng, tỉnh Lai Châu hu drah samal daong, oh caik ka urang bhapbini gaok eik, lapa; drah samal duah libik siam piah ka urang bhapbini daok, daong urang bhapbini drah samal tani tanat raidiuk. 

    # Bruk pasiam veik sự cố điện dok hu peih ngak njauk tuk vak, tui bruk yau urak ni hu ngak salah bloh dalam harei 30/6, tuk nan  huyện đảo Cô Tô samar hu điện  veik. Urak ni,  Công ty Điện lực Quảng Ninh brei thau  labik rah tabiak bruk khut cáp điện ngầm labik daok di labik atah di palao  Ba Mùn (huyện Vân Đồn) labaih  600 m. Kapul thợ lặn dok salih gauk pataom tame duah talei  cáp điện khut  piah khik caga siam pren yava ngak bruk dom harei tal di bhum tasik 

# Darak pasal pablei lẻ di ban raya Hồ Chí Minh daok tagok glaong, ba jalan praong ka dom doanh nghiep dalam taneh ia ba pandap tame  pablei lẻ, duh ka bruk blei pandap dak harei dak glaong di urang bhapbini. Tui panuac khan di Sở Công Thương ban raya Hồ Chí Minh, dala 6 bilan akaok thun, jien mek tame meng pablei  lẻ pandap panda di ban raya hu labaih 328.580 tỷ đồng, meblah 65% dalam abih tih yaom jien pablei lẻ pandap panda saong jien mek tame neng dom dịch vụ, tagok 12,9% duk saong dom bilan ini thun 2017 (tagok 12%).

#Bruk pala glai pambuak haong saong rong hadang  sú sinh thái (quảng canh) di  Trà Vinh dok ba mai kein liba khang kajap , khik caga hu môi trường anak bruk  biến đổi khí hậu. Tui pasang iek di  Sở ngak nong song patagok palei pala tỉnh Trà Vinh, di dom huyện tapen tasik yau: Duyên Hải, Cầu Ngang, Châu Thành song ban Duyên Hải, urak ni hu labaih 4.000 ha glai hu bhap bini pala eng song khik caga piah pambuak bruk rong hadang  sú sinh thái (quảng canh). Ni lac bruk ba mai kein liba khang kajap, khik hu môi trường anak bruk biến đổi khí hậu. 

Khaw tin dunya

    # Đại sứ Mỹ di Trung Quốc Te-ri Bren-stát (Terry Branstad) page harei 29/6 brei thau, rajaei Mỹ oh ka hu njauk hatai lac Trung Quốc halan hatian pasiam dalam dom bruk pablei salih dalam tuk dua taneh ia daokdalam bruk meriak gauk. 

   # Yaom menyek dunya tagok dalam harei 28/6 dalam tuk yaom menyek tamo di  Mỹ hu tuk  “tagok ” tal tanut glong kuhria  dalam 3 thun meteh ni mai. Urak ni bruk duh hatai prong abih di darak pasa lac mbuan si ba tal nguồn cung patrun kayua dom bruk  tong  phạt di Mỹ meda ngak ka bruk  xuất khẩu menyek di  Iran trun khang

 # Dom urang roh duah di sang bac Đại học Michigan (UM) di Mỹ barau ngak hu baoh "máy tính" sit abih dunya, yaok gah tok atah 0,3mm, sumu asar brah. Oh yau dom baoh máy tính mengkan tuk halei jeng hu danakdak saong dữ liệu tuk cắm tame atau katung tabiak truh nguồn điện, thiết bị sit barau hu ngak ini meda lihik abih danakdak saong dữ liệu tuk lihik điện./.