# Harei 29/12, tỉnh Kon Tum bahrau ba Khu du lịch sinh thái Hoàng Vũ Măng Đen tame pandar. Ini hu mong yau lac sa yam pataok du lịch sinh thái di Măng Đen-Kon Tum, caong khin pachreih hu ralo tuai damuai grauk labik mai rivang main, padeih padei pak khu du lịch hu Thủ tướng Raja-ei mboh tangin phê duyệt Quy hoạch padang ngak labik du lịch sinh thái Măng Đen. Dự án hu yaom jien buh tame ngak abih labaih 90 tỷ đồng, hu padang ngak angaok blang taneh 30 ha, dalam nan hu dom janih dịch vụ  yau nhà hàng, labik padeih padei, khu lòng hồ tự nhiên ngan haong ralo janih me-in  bui sambai karei karei.

# Công an tỉnh Đắk Lắk barau peih ngak danakdak pamaong tal cơ sở dalam xã Ea M’Doal, huyện M’Đrắk. Di ini, kapul hu alin labaih 400 paok pandap, tui yaom jien abih tih jaik 70 triệu đồng ka dom sang sarak, sang bangsa takik, sang kan akndah saong anek saih kan kathaot kham merat yam tapa kan kandah bac da-a naih joi dalam huyen.

# Thun 2016, huyện Đam Rông, tỉnh Lâm Đồng hu parabha 31,5 tỉ đồng meng phun jien danak dak mục tiêu negar patrun kathaot khang kajap. Ngan haong phun jien angaok, huyện hu buh tabiak piah padang ngak 15 công trình, dự án tui  Nghị quyết 30a di Raja-ei, sa công trình pasiam veik, 13 công trình, dự án daong ngak cơ sở hạ tầng di dom xã biak kan kandah saong dua công trình, dự án daong padang ngak cơ tầng di dom thôn biak kan kandah.

# Harei 29/12, di phường Hòa Phú, ban sit Thủ Dầu Một, tỉnh Bình Dương hu rah tabiak bruk peih pakak 1.700 baok sang saong peih bruk padang ngak 1.500 baok sang daok xã hội Becamex Định Hòa. Sang daok xã hội Becamex Định Hòa hu  apdang ngak di mblang taneh praong 13 ha, hu 17 block sang 1 trệt 4 lầu, baok sang hu diện tích pandar lac 30m2. 

# Jeng dalam harei 29/12, Pasak Pachreih công saong Xúc tiến thương mại tỉnh Ninh Thuận pataom iek veik dự án Kadung jien daong meriak gauk doanh nghiệp dalam dự án daong tam nông tỉnh peih ngak pak 10 cơ sở, doanh nghiệp hu mbaok tame liên kết ngak tabiak, blei tame dom janih pandap ngak tabiak meng: nho, jadhar, tỏi, tabau, limo, pabe, pabo, pabui jhuk ngan haong urang nong, hợp tác xã dalam tỉnh ngan haong taong abih jien buh tame ka dự án labaih 15,3 tỷ đồng. Dom cơ sở, doanh nghiệp, baoh sang urang nong hu mbaok tame dự án hu daong brei jien, cơ sở vật chất đầu tư, patagok bruk ngak mbang, pablei salih.

# Công ty cổ phần Tập đoàn Mai Linh barau pok meyaom saong thưởng ka dua urang peih radaih lac Trần Minh Hùng, số tài 1018 saong Đỗ Hữu Thao, số tài 8182 kayua hu dom bruk ngak siam, bayan veik pandap saong jien yaom glaong kayua tuai caik var dalam radaih.

# Labaih 100 nghệ sĩ meda hu mbaok tame Harei pataom âm nhạc salam uan thun bahrau ngan haong kadha  Sa hatai takre yau gauk pak mBlang bein Thống Nhất, Hà Nội meng  20h30 harei 31/12/2016 tal 0h30 harei 1/1/2017. Harei pataom hu parabha jeng 3 chương, brei mboh Hà Nội meng kan saong urak ini. Di chương peih akaok:  Sa nét Hà Nội ba urang mong iek nao tapa dom janih biak karei di dakrai sajarah  bal ine. Urang mong iek meda taom gaok thaik binguk ong đồ, 36 phố phường, sap radaih điện, sap rayo papar sap, dom cảnh mekre tapa dom mùa di Hà Nội… Parang me-in dalam binah ini nan lac dom ca sĩ Đinh Mạnh Ninh, Thùy Chi, nhóm Oplus, Hà Lê - Phúc Bồ…gam haong dom nyaom tamia saong vũ đoàn.

Khaw tin dunya

# Nhật Bản barau cuh klak jaik 90 rabau drei menuk ada di sa trang trại di tỉnh tây nam Cư-ma-mô-tô, piah pacang cakak bruk njom mbak di vi-rút kum menuk ada H5N1.

# Tổng thống Ru-ma-ni C.Giô-han-nít tah klaak đề xuất di đảng Dân chủ Xã hội ka bruk bổ nhiệm amuk X.Sai-đơ, sa urang Hồi giáo umo 52 thun, tame ngak Thủ tướng negar ini.

# Tổng Bí thư, akaok taneh ia Lào Bun-nhăng Vo-la-chít hu ieu ngak barau saong patagokpren khang di bol bala bhapbini Lào, taphia nan pachreih urang lin khi tanat chinh tri saong an ninh negar piah duh ka bruk patagok kinh te – xa hoi. Tui Tổng Bí thư Bun-nhăng Vo-la-chít, khik ramik an ninh negar saong tani tanat chính trị jeng ba mbuan lagaih ka bhapbini ngak mbang saong pasiam raidiuk./.