# Dalam nyaom biai pakat glaong di abih pambuak bruk tiểu vùng Mekong (Mê Công) peih prong mbang ka 6 (GMS 6) saong Nyaom biai pakat glaong pambuak bruk bhum klau kieng patagok Campuchia - Lào - Việt Nam mbang ka 10 (CLV 10) hu peih tabiak meng harei 29 - 31/3/2018 pak Hà Nội, page harei 30/3, Phòng Thương mại saong Công nghiệp Việt Nam pambuak haong Mentri Ngoại giao, Hội đồng Kinh doanh GMS peih Nyaom biai peih prong Hội đồng Kinh doanh pambuak bruk tiểu vùng Mekong peih prong ngan haong angan “Triển vọng kinh tế GMS saong dom động lực kinh tế bahrau”.  

# Harei 29/3, Hoa Kỳ hu peih bruk jao sa binah cơ sở vật chất song pandap panda  ka Bộ Tư lệnh Vùng Cảnh sát tasik  4 di Hải Quân Việt Nam. Bruk nan hu rah tabiak di palao Phú Quốc – lac labik  jhung Tây Nam di Việt Nam. Abih pandap jao brei mbang ini yaom abih tih 20 triệu đô la, dalam nan hu sa pasak  huấn huyện, sa xưởng bảo dưỡng, sa thang nâng xuồng, dom pandap panda, jamriak mô phỏng hàng hải song 6 kapan pasang iek phản ứng samar bahrau, meda peih nao haong vận tốc glaong di abih lac 50 hải lý sa tuk.

# Tết Chôl Chnăm Thmây di bhap bani Khmer rah tabiak meng 14-16/4. Piah palaghaih ka bhap bani Khmer dalam tỉnh uan raok Tết Chôl Chnăm Thmây bui sambai, siam mekre, patak pataom, UB bhap bani tỉnh Cà Mau pandar dom pakat, ngành jhul pakhang bruk pathau khan, jak ba bhap bani Khmer ngak njauk tui jalan ba di Đảng saong sarak, hukum di Karja ka sarak bangsa. Taphia di nan, Ủy ban Mặt trận negar Việt Nam tỉnh, dom kapul nyaom, dom pakat, dom ngành jak ba bhap bani daong ka baoh sang sarak karja, baoh sang kathaot lac bhap bani Khmer; peih bruk rivang baha, Salatel, labik pataom mbaok di bhap bani Khmer tukvak Tết Chôl Chnăm Thmây. 

# Ong Trần Anh Thư, Giám đốc Sở ngak nong song patagok palei pala  tỉnh An Giang brei thau, tuk vak 2018-2020, tỉnh An Giang hu buh tabiak jiak 60 tỷ đồng piah peih bruk pato pakai, pasram megru paglaong ilamu ka urang jakar, công chức, viên chức chuyên môn, gah pachreih nong song urang ngak nong. Ni lac dom urang pabak ka dom bruk ngak prong di gah ngak nong, piah paglong ilamu pabak ka bruk patagok kinh tế - xã hội di tỉnh tuk mbeik drei tame dunya.

# Di tỉnh Đồng Tháp urak ini daok kurang pajaih ikan tra. Tui ong Lê Hoàng Vũ, Akaok Chi cục Thủy sản Đồng Tháp, makna ba tal bruk kurang ikan tra pajaih, yaom tagok glaong dalam dom bilan akaok thun 2018 nan lac kayua bruk kurang anek pajaih. Dom ikan pajaih ngak tabiak dalam 3 bilan akaok thun di Đồng Tháp nan lac 164 triệu drei ikan tra pajaih tok pabak ginup ka bruk palao raong labaih 200 ha. 

Khaw tin dunya

# Dom urang ilamu khoa học di sang bac Đại học Illinois (Mỹ) hu peih bruk roh duahlabaih 20.000 urang dalam umo meng 11 tal 42 thun , peih ngak abih tih 49 phân tích tổng hợp ka dom sở thích jang yau hatai sangka tal bruk ngak. Tapa nan brei thau, tuk vak siam di abih piah dom amaik ame tacei pato ka anek drei lac di tuk dom adei bac trung học cơ sở (umo 12-15 thun. Tui roh duah,  bruk karei gauk gah giới tính jang yau hatai sangka tal nghề nghiệp di urang salih  karei biak rilo dalam tuk thiếu niên, song mboh patrun dalam luac tuk vak hadei di nan.

# Dom jru kháng sinh di dunya hu pandar tagok tal 65% dalam tukvak meng thun 2000-2015. Ini lac bruk njauk báo động kayua patagok bruk pandar jru kháng sinh meda ba tal kháng jru kháng sinh. Pathau khan bahrau ini di Viện Hàn lâm khoa học Mỹ brei thau ka bruk patagok pandar jru kháng sinh mboh ralo di dom negar hu jien mek tame biar saong mbiah gap. Urak ini dom negar hu hu jien mek tame mbiah yau Thổ Nhĩ Kỳ atau Algeria daok ba akaok domnegar pandar jru kháng sinh ralo di abih.  

# Labaih 300 triệu urang di dunya dok duik song virus viêm gan B (HBV), saong dalam yaok 20 urang ruak tok hu 1 urang hu iek ruak. Dom urang roh duah biak sangka tal tỷ lệ hu iek ruak beir di urang kamei metain mbuan njom virus viêm gan B tapa anek. Tui nan, yaok 100 urang kamei metain njom HBV hu sa urang hu iek ruak. Meyah oh hu iek ruak, HBV meda tamuh dom ruak karei pagam tal gan, dalam nan hu ung thư. Tui kuhria yaok thun hu labaih 600.000 urang metai kayua ruak gan pagam tal HBV./.