# Dalam rai diuk di bhap bini Mông, meng lavik mai, mbiak khèn hu makna biak praong kayua nyu nu ndung bak ilamu saong sajarah dak rai. Tapa thun bilan, mbiak khèn jeng daok hu khik ramik, pato veik dalam bhap bini urang Mông yau sa drap ar hu yaom biak glaong. Huyện Tủa Chùa (tỉnh Điện Biên) lac labik hu labaih 70% urang bangsa Mông daok, bruk ngak khèn Mông hu bhap bini khik ramik.

# Cao nguyên Mộc Châu, tỉnh Sơn La lac bhum taneh hu lingik tasik saong taneh riya biak lagaih ka phun tea cakrok. Tapa jaik 60 thun pala rilo saong patagok praong, phun tea hu rik daong praong dalam raidiuk di urang bhapbini di ini. Dom pandap meng phun tea daok dak harei dak hu libik dang dalam taneh ia saong dunya. Meng hu phun tea, raidiuk di bhapbini dom bangsa di ini dak harei dak tani tanat, laneng lahei jang.

# Meng akaok thun tal ini, kayua langik oh lagaih nan ye urang ngak sara huyện  Ninh Hải, tỉnh Ninh Thuận gaok kan kandah dalam bruk ngak sara. Urak ini yaom sara tagok jang dua mbang duk saong tukvak ini thun bloh min urang ngak sara oh hu sara piah pablei.

# Phòng cảnh sát alam môi trường Công an tỉnh Bình Thuận pambuak bruk saong Hội Đông y tỉnh barau iek ruak, brei jru saoh saong alin pandap ka 80 urang sarak karja lac urang bangsa di xã Đông Tiến, huyện Hàm Thuận Bắc. Dalam dua mbang mesruh pacang kol Prang saong Mỹ, bhapbini K’ Ho Đông Tiến sa hatung hatai nao tui Đảng, tui Bác Hồ, raong ba cách mạng. 42 thun tapa, Đảng, karja sangka peih ngak rilo sarak daong apdang cơ sở hạ tầng duh ka ngak mbang, plaa drak, tapa nan radiuk mbang ngui daok dang di bhapbini hu veih glaong.

# Gah y tế tỉnh Kon Tum pataom tame pacang, padam jit ruak laka cambuai tapaok kakau daok rah tabiak dalam sa adit tapa di 3 palei Kon Tu 1, Kon Tu 2 saong Kon Ri Xut xã Đăk Bla, ban Kon Tum.Urak ini bruk cách ly athur raong, pasiam môi trường, iek glang saong klauk jru pacang cakak ka ahur daok hu peih ngak.

# Công ty cổ phần đô thị Amata Biên Hòa pambuak bruk saong Hội Chữ thập đỏ tỉnh Đồng Nai saong sang iek ruak Chợ Rẫy, ban raya Hồ Chí Minh barau peih ngak danakdak “ harei pataom brei darah ngak pahala”. Danakdak pachreih hu jaik  450 nhân viên, công nhân di 40 công ty di dom doanh nghiệp Amata tut angan brei darah. Tapa nan, taduan mek hu 365 đơn vị darah. 

# Tui mintri ngak nông saong patagok palei pala, kuhria tal kreih bilan 7, dom tỉnh bhum taneran kraong Cửu Long trun pajaih hu 355.400 ha padai Thu Đông, biar jang 34.000 ha, samu 8,7% duk saong thun bloh. Taneh padai Thu Đông thun ini pataom ralo di dom tỉnh Đồng Tháp, Cần Thơ, Kiên Giang, Hậu Giang saong Long An. 

Khaw tin dunya

# Nhật Bản daok sahneng kuhria ka bruk lac meng bilan tal meda brei tagok yaom thuế khẩn cấp blei pandap meng taneh ia lingiu ngan saong ralo limo đông lạnh meng Mỹ dalam tuk ralo limo blei tame darak pasak dalam taneh ia quý 2 barau blaoh tagok khang. Tui nan, Tô-ky-ô meda tagok yaom thuế 50% meng bilan 8/2017 tal bilan 3/2018. Ini jeng lac mbang ka 2 Nhật Bản tagok thuế ralo limo đông lạnh Mỹ kuhria meng tuk akaok mereip lac meng bilan 8/2003 - 03/2004.

# HQ trun bruk báo động ka jit cúm menuk ada meng pakat glaong di abih trun daok pakat glaong ka dua. HQ (nền kinh tế praong ka 4 châu Á) daok gaok kan kandah trak kayua jit cúm menuk ada, chủng H5N8 tamuh tabiak di bilan 11 thun bloh, ba tal bruk am cuh klak labaih 37 triệu menuk ada, meblah labaih 1/5 abih tih tapon./.

# Jit ruak pandiak tabiak darah patuh tabiak ngak ka labaih 300 urang metai di Srilanka. Tui dom urang jakar y tế, hu labaih 100 rabau urang gaok janih virút bo jamaok lac jalan ba ruak kuhria meng akaok thun, tagok dua mbang duk saong thun dahlau. Urak ini, rajaei Srilanka hu ba 1.200 binh sỹ pataom tame pametai jamaok ngan saong bruk daong di gah Y tế dunya saong rajaei Ôxtrâylia./.