Khaw tin 6h30 harei 3/2

Peih kaok khau tin harei ini, da-a mikva saong taong abih gauk pang dom khau tin ka dom bruk ngak piah pahadar 88 thun harei padang Đảng Cộng sản Việt Nam (3/2/1930-3/2/2018)

# Pahadar 88 thun harei padang Đảng Cộng sản Việt Nam, Tỉnh đoàn Kon Tum pambauk bruk haong kapul dam dara mintri Công an peih bruk về nguồn, pok bingu, am cuh gilau di Nghĩa trang liệt sĩ tỉnh Kon Tum, nao tal dom bhum căn cứ cách mạng di dom huyện Đác Hà, Đác Tô, Tu Mơ Rông, tỉnh Kon Tum.

# Dalam tuk ini, Thành ủy, HĐ bhapbini, uy mban bhapbini, Ủy ban MT negar Việt Nam ban sit Hải Phòng hu peih ngak praong praang harei pahadar saong alin Huy hiệu Đảng harei 3-2 alin 1.798 urang đảng lão thành. Di harei pahadar, dom urang jakar hu gam saong gauk hadar veik jalan sajarah hadah hadai di Ðảng dalam 88 thun tapa hu ba cách mạng Việt Nam yam tagok dom kandah, glaih glan taduan mek jayah dalam dom mbang mesruh peih paha bangsa, khik caga negar, peih ngak bruk salih barau, yam tagok chủ nghĩa xã hội.

 # Di ban sit Long Xuyên, Tỉnh ủy, UB bhap bini tỉnh An Giang jeng hu peih bruk pok brei Huy hiệu Đảng ka dom urang praong umo Đảng saong pok brei Bằng Tổ quốc ghi công ka dom urang var klaak rup drei brei ka bruk peih paha bangsa.

Patui di ini lac dom tin karei:

 # Sở Giao thông vận tải ban raya barau brei tabiak phone jalan talei pandiak taduan mek panuac khan brei thau ka sự cố hạ tầng giao thông, vận tải pajeng ba saong an toàn jalan mbak di tukvak duh ka Tết Nguyên đán Mậu Tuất 2018. Cambaih laih, dom phone jalan talei pandiak lac 028.3915.3915 kayua pasak khik ramik jalan hầm kraong Sài Gòn ngak đầu mối taduan mek dom asal kadha ka hạ tầng jalan mbak, an toàn jalan mbak.

# Tukvak ini, Công an tỉnh Bình Dương jeng daok pataom tame pambuak bruk haong dom gah, dom puk palei peih ngak rilo jalan piah khik caga siam mekre bruk nao mai angaok jalan tuk Tết Nguyên đán Mậu Tuất.  mBan An toàn giao thông tỉnh Bình Dương  jeng hu tacei pato dom gah, dom kapul nyaom di 9 huyện, ban sit saong labaih 90 xã, phường jhul khang bruk pathau khan hukum jalan mbak, abih di nyu nan lac di dom labik hu rilo công nhân lao động daok saong ngak bruk.

Khaw tin dunya

 # Takik abih 5 urang, dalam nan hu dua anek saih njauk rambuac di mbang cuh phao barau rah tabiak di sang bac trung học Xan-va-đo Ca-xtrô (Salvador Castro) di ban Lốt An-giơ-lét (Los Angeles) gah pai taneh ia Mỹ. Cảnh sát hu mek khik phao ndao di mbang tấn công, tabhia nan brei thau nghi phạm di bruk ini tok 12 thun. Urak ini oh ka thau cambaih hu hadom anek saih hu mbaok di tukvak cuh phao. 

 # Hajan praong saong ia sua khang di Bô-li-vi-a, ngak kan kandah tal raidiuk di labaih 50 ribau menuac, ngak ka yaok ribau urang lihik sang danaok. Dom kraong ia tagok glaong, dauk lihik rilo jalan. Dom labik gaok kan kandah trak abih lac dom bhum daok jaik  biên giới gah meraong di Pa-ra-goay saong Ác-hen-ti-na.

# Rilo radaih cứu thương barau hu ba mai tal mblang patuh praong barau rah tabiak di jabat thuế daok di quận Cu-cu-ram-ba (Cukurambar), ban ine An-ca-ra (Ankara, Thổ Nhĩ Kỳ). Urak ini oh thau urang metai, min hu brei thau khat lihik. Dom thaot binguk brei mboh di mblang khuah hu mboh anak tòa sang gaok tayah ngan saong rilo pambang thô saong dom sruh radaih jaik nan gaok tayah.