*  Thủ tướng jao ka  mintri Y tế dang tabiak pambuak bruk haong Mintri ngak nong saong patagok palei pala, Mintri Công Thương pasang iek veik dom adat hukum pambuak tal an toàn thực phẩm piah samar pok tagok Quốc hội pasiam, pabak dom hukum tui jalan ngak brei cambaih laih dom điều cấm saong patagok bruk langyah.

* Bair harei 1/3, di var Họp báo rajaei thường kỳ bilan 2/2018, lambaok dom mintri, ngành hu javap calei rilo panuac sua tanyi di báo chí pambuak tal dom bruk langyah ka BOT Cai Lậy; bruk peih praong mblang par Tân Sơn Nhất;  bruk ban Hà Nội pakauk Uber, Grab di dom canah jalan dalam tukvak tapa; bruk xét công nhận angan giáo sư, phó giáo sư; bruk lihik jien di tuai damuai di Gilang pariak  Eximbank; takik cuh vàng mã di dom libik agama…

* Văn học nghệ thuật nao gam haong taneh ia, haong ban sit, lac angan ieu di harei ariya Việt Nam mbang ka 16 kayua Hội Liên hiệp Văn học Nghệ thuật Hải Phòng peih tabiak di labik inem krung sajarah Bạch Đằng Giang (huyện Thủy Nguyên, ban sit Hải Phòng) harei 1/3.  Harei ariya thun ini di Hải Phòng dak hu makna jang tuk anak tal, meda hu rilo bruk ngak piah pahadar 1080 thun jayak Bạch Đằng mbang ka 1 saong 730 thun jayak Bạch Đằng mbang ka 2 dalam taneh ia

* Dalam dua bilan akaok thun 2018, abih tih tuai du lịch mai ban Cần Thơ kuhria hu 1,8 triệu mbang, tagok 19% duk saong dom bilan ini thun 2017, hu 22% bruk ba tabiak. Jien mek tame di gah du lịch dalam dua bilan akaok thun hu abih tih 515 tỷ đồng, tagok 28% duk saong dom bilan ini thun dahlau. Makna bruk tuai du lịch mai Cần Thơ jeng ye jien mek tame di gah du lịch dalam dua bilan akaok thun tagok glaong kayua ini lac tukvak rah tabiak dom bruk pauan Tết Nguyên đán anek thak thau 2018, nan ye bruk nao du lịch, bui mein giải trí di urang bhapbini biak praong.

* Thun bloh, Hội Luật gia dom pakat dalam tỉnh Bạc Liêu hu tacei gah adat hukum ka labaih 13 ribau mbang urang, daong gah adat hukum ka jaik 700 mbang urang, hu mbaok tame haong dom gah chức năng langayh ba brei siam 400 mbang. Daok bruk pathau khan, brei thau adat hukum, Hội Luật gia dom pakat hu peih labaih 2.700 mbang pasram, pathau khan adat hukum ka labaih 100.000 mbang menuac urang…

   Khaw tin dunya

* Tổng thống Hàn Quốc Moon Jae-in (Mun Chê In) harei 1/3 brei thau meda brei đặc phái viên nao Triều Tiên. Panuac ini hu ba tbaiak di mbang ndom biai tapa phone akaok meti di ông Moon saong urang pambuak bruk Donald Trump di Mỹ hadei mbang taom gaok pakat glaong takik hu di dua bhum Triều Tiên.  Dua gah hu ginum biai ka dom mbang nao ravang Hàn Quốc di đặc phái viên saong dom kapul pakat glaong di Triều Tiên dalam Thế vận hội mùa Đông PyeongChang2018 barau blaoh, tabhia nan ndom lac: dua urang dang akaok njauk hatai gauk kham merat piah khik ka ginum biai Hàn Quốc – Triều Tiên piah bruk ini meda ba tal bruk phi hạt nhân hóa Bán đảo Triều Tiên”. 

*  Quốc hội I-rắc harei ini (01/03) hu panuac pandar Rajaei di Thủ tướng Hai-đa An A-ba-đi (Haidar al Abadi) brei tapa bruk rút quân di dom gah taneh ia lingiu daok hu mbaok di taneh ia ini mesruh pacang kol IS khủng bố. Quốc hội hu buh phiếu brei tapa saong hu panuac dhar phor dom taneh ia ayut sahabar hu daong taong tayah kol IS khủng bố, saong hu panuac ieu Rajaei tabiak bruk rút quân di dom gah negar lingiu.

* Mintri Ngoại giao Mỹ barau brei tapa bruk pablei tên lửa chống tăng, meda hu tên lửa Giây-vơ-lin (Javelin), bệ phóng saong dom thiết bị pambuak tal ka Ucraina, ngan saong yaom jien meda tagok tal 47 triệu đôla. Hu labaih 10 rabau urang metai kuhria meng bruk srau kadau patuh tabiak thun 2014 di bol bala rajaei saong dom kapul ndok ly khai di gah timul Ucraina. Bruk khủng hoảng jeng ngak ka talei pambuak bruk di Nga saong phương Tây laikk trun tanut bair di abih kuhria meng hadei mbang chiến tranh Lạnh