# Tui Tổng cục Thống kê, chỉ số yaom blei pandar (CPI) bilan 3 tagok 0,21% dut haong bilan dahlau. 8 dalam 11 nyaom pandap panda saong dịch vụ hu chỉ số yaom tagok, dalam nan lac jru saong dịch vụ y tế tagok galong abih ngan haong 7,51% kayua dalam bilan hu 13 tỉnh, bal di Trung ương patagok yaom dịch vụ y tế. Chỉ số giá blei pandar dalam 3 bilan akaok thun tagok 4,96% dut haong tukvak ini thun 2016, glaong jang tukvak ini dalam 3 thun jaik di ini.

     # Tổng Công ty Đầu tư patagok jalan cao tốc Việt Nam (VEC) hu ba tame pandar nút giao IC7 ( Km48+890) angaok jalan cao tốc Nội Bài - Lào Cai (mbang 1). Tapa nút giao IC7, dom janih radaih nao meng Hà Nội tal ban Việt Trì saong talap veik hu dui panak jaik 15 km. Di nút giao IC7, VEC hu parabha 4 làn thu phí kín, radaih tame jalan cao tốc hu brei thẻ, tabiak truh jalan cao tốc ye bayar thẻ saong bayar jien samu saong jalan nao tapa.

      # Kapul pasang iek liên ngành tỉnh Lâm Đồng bahrau hu mboh bruk lac  mứt dom janih oh thau cambaih laih asal di nyu hu tauk angan lac mứt Đà Lạt piah pablei ka tuai du lịch. Tapa pasang iek labik pablei salih mứt Đà Lạt pak Thương xá Latulip, dalam labik pasak  bal Đà Lạt, gah chức năng duah mboh hu labaih 160 kg mứt dom janih oh thau cambaih asal di nyu mai meng halei. Ini lac dom mứt hu 2 cơ sở pablei salih mứt Đà Lạt lac Thiên Thanh saong Ngọc Tuyền blei meng labik karei mai piah pablei  haong dom mứt hu angan je di Đà Lạt.

      # Di miuyim Hùng Vương, ban  Việt Trì, tỉnh Phú Thọ hu peih parang iek rup binguk, pandap panda ka “Adat kakuh Hùng Vương” saong pandap meng samar sơ sử tal abhap 19. Ini lac sa dalam dom bruk ngak tuk pahadar harei pacit daa po Hùng – lễ hội Đền Hunh2 2017. Parang iek yaih khan labaih 500 pandap klak quý, hu dom tư nhân kham merat abih hatai jai ruah duah. Hu rilo pandap klak brei mboh veik ilamu di yaok samar sajarah dak rai, ba mai ka urang maong iek thau dom kadha barau, chreih chrai.

     # Pak bal Tây Ninh, tỉnh Tây Ninh, Chi cục Kiểm lâm dom tỉnh Tây Ninh, Bình Dương saong Bình Phước peih nyaom biai mboh tangin tame harak pambuak bruk pacang khik glai labik giáp ranh di 3 tỉnh. Tui Chi cục Kiểm lâm tỉnh Tây Ninh, dalam 33.500 ha di glai phòng hộ Dầu Tiếng hu 10.664 ha daok dalam labik giáp ranh. Dom labik ini bhian hu mikva daok taphia nan dauk tame glai piah jah tak phun glai.

    # Gah chức năng tỉnh Cà Mau barau cap hu dom urang ba ia hani meng labik karei mai huyện U Minh (Cà Mau)  pablei yaom biak lap min mblah tui angan ia hani glai tràm U Minh Hạ…Mehit panuac khan brei thau meng huyện U Minh, Sở ngak nông saong patagok palei pala tỉnh Cà Mau bahrau hu harak payua tal dom po glai, Chi cục Kiểm lâm pandar: pambuak saong karja palei, dom gah chức năng di huyện U Minh peih bruk pathau khan, jak ba bhap bini caik hatai sangka, oh pablei, khik mepiah ia hani oh thau cambaih asal di nyu.

    Khaw tin dunya:

    # Mentri Thống nhất Hàn Quốc brei thau, dom đề xuất di amuk Pắc Cưn Hê urang dahlau diah ngak Tổng thống ka bruk yasa veik haong Cộng hòa dân chủ bhap bani Triều Tiên jeng daok tamo giá trị. Gói đề xuất hu angan “Tuyên bố Đre-xđen” hu amuk Pắc ba tabiak dalam thun 2014, dalam nan pok sap iew patagok bruk taom gaok haong Triều Tiên, mong ini yau sa jalan nao akaok mereip pamong tal bruk dak padang hatai jia di dua gah saong yasa veik pulao kaoh Triều Tiên…

    # Tui dom hãng tin Nga, dalam mbang akaok meti ndom biai ka bruk Hàn Quốc saong Mỹ peih Hệ thống phòng thủ tên lửa tầm cao tukvak puac abih (THAAD), mintri Quốc phòng Nga ndom lac, bruk Mỹ peih hệ thống phòng thủ tên lửa angaok dunya lac bruk  đe dọa tal an ninh dunya, jeng yau piah kiềm chế Nga saong TQ.

    # Blah Bangkok Post brei thau, Tòa Sơ thẩm Phnom Penh bahrau tabiak phán quyết tuyên phạt ong Sam Rainsy, urang dahlau diah ngak Chủ tịch đảng Cứu nguy bangsa (CNRP) đối lập, 20 bilan guk saong 10 triệu riel (samu 2.500 USD), taphia di nan bồi thường khat lahik gah tinh thần 100 riel (0,025USD) ka Thủ tướng Campuchia Samdech Hun Sen. Ini lac mức án brei ka ong Sam Rainsy kayau hu panuac lac Thủ tướng Hun Sen saong Rajaei Campuchia dang gah likuk bruk pametai urang langyah chính trị daneiy angan di  Campuchia Kem Ley./.