# Thủ tướng Rajaei bharau mbaoh tangin brei tabiak Quyết định ka 772/QĐ-TTg peih bruk yaok iek abih menuac sia saong sang daok thun 2019. Tui nan, bruk yaok iek abih menuac sia saong sang daok thun 2019 hu peih tabiak ngak meng zero tuk harei 1-4-2019.  Jeng tui quyết định nan, mban tacei jalan yaok iek pakat tỉnh, ban tacei pato yaok iek pakat huyện, mban tacei pato yaok iek abih menuac sia saong sang daok pakat xã, phường, ban sit hu brei bruk peih ngak saong tacei pato peih ngak bruk yaok iek dalam xã, phường, ban sit di drei.

#Tui pathau khan di Liên minh Hợp tác xã Việt Nam, oh ka tal 20% dom HTX eng drei caga hu phun jien. Dalam tuk nan, bruk mesraiy phun jien tín dụng di dom HTX biak takik, bahrau hu 1% dalam abih tih labaih 20.000 HTX hu mesraiy phun jien tín dụng. Dom  HTX ngak nong dak gaok kan kandah jang dalam bruk mesraiy tín dụng kayua oh hu drap ar piah padang tuk mesraiy jien. Hu dom HTX hu harak brei quyền pandar taneh, quyền ngak po drap ar, min jeng oh hu gilang pariak brei mesraiy jien kayua oh khik hu tính pháp lý.

# Tukvak jaik di ini, rilo janih kaya nong njam patam, baoh kraoh di Đà Lạt - Lâm Đồng laik yaom khang, ngak ka urang nong laik tame kan kandah. Makna lac kayua kaya nong dreih yau nan hu yaom lap meng Trung Quốc ba tame Lâm Đồng dak harei dak ralo, bloh mek angan kaya nong Đà Lạt ba nao pablei di dom darak pasar praong dalam taneh ia. Urak ini, dom janih kaya nong di Trung Quốc ba tame Lâm Đồng hu yaom meng 20 tal 30% kaya nong hu pala di Đà Lạt saong dom bhum jaik taphia. Kadha ini ngak brei kaya nong Đà Lạt oh meriak gauk hu haong kaya nong dreih yau nan hu ba meng Trung Quốc tame pak di bhum taneh di drei.

# Meng akaok thun tal ini, uy mban bhapbini tỉnh Bình Phước saong mban tacei pato dom danakdak bruk ngak negar di tỉnh hu pataom tame tacei pato 9 xã dalam tỉnh kham merat ngak bleoh bruk padang ngak palei pala barau dalam thun ini.  Tui nan, 9 xã nan kham merat dalam thun ini kuhria tal puac bilan 6-2018 ngak hu 14,22 tiêu chí palei pala barau. Kham merat tal puac thun ini, abih 9 xã ngak hu 19/19 tiêu chí, njauk tui  Sarak  HĐ bhapbini tỉnh ba tabiak.

 #Piah patui bruk pathau khan, paglaong akaok sahneng di urang jakar, urang lin saong bhap bini ka yaom glaong, labik dang di tasik pulao Việt Nam dalam bruk dak padang saong khik caga taneh ia, Mintri Thông tin saong Truyền thông  meda patabiak tem ka tasik, pulao 2 thun 1 bộ.  Bộ tem hu 4 mẫu tem saong 1 bloc, hu ngak meng bút pháp hiện thực cổ điển, brei mboh yau di anak meta dom janih sinh vật tasik gam saong labik daok di nyu biak gheih mekre dalam tasik praong.

Khaw tin dunya

 # Angan blah sheok menyim tangin atah abih di abih dunya hu vak tame tapuk kỷ lục Ghi-nét (Guinness) hu brei ka sa blah sheok mengkan di Campuchia, tui sap ieu di Campuchgia lac khan Krama. Krama praong 88 centimét, atah 1.149,9 mét hu ngak dalam 5 bilan kayua 20 thợ chuyên menyim sheok mengkan Krama ngak. Bruk njauk biai nan lac, blah sheok ini hu menyim meng tangin di yaok rabau urang tuai dalam tukvak dom urang nan mai ravang xưởng menyim di libik gah anak Viện miunyim negar Campuchia di ban ine Ph-nôm-pênh.

# Tui roh duah di pasak pasang iekt Suẩn Đu-sịt (Suan Dusit Rajabhat), Thái Lan brei thau di harei 1/7, bhap bini Thái Lan caong khin bruk tổng tuyển cử hu peih tabiak dalam tukvak meng 24/2 tal 5/5/2019, yau rajaei hu ba tabiak. Min ralo bhap bini oh jia lac bruk bầu cử hu peih tabiak di thun anak tal. Tuk hu tangi sua lac bruk chính trị Thái Lan meda hu salih karei halei oh meyah hu bruk bầu cử, labaih 52% cử tri brei thau bruk chính trị saong kinh tế meda hu siam jang; labaih 42% brei thau oh salih karei saong 6% mboh lac bruk meda jhak jang kayua jaik abih dom bruk daok tavak tavaiy oh ka hu langyah.

# Cố vấn an ninh negar Nhà Trắng John Bolton harei 1/7 brei thau, ông jia lac danakdak hạt nhân di Triều Tiên meda hu yah klak dalam sa thun. Ông Bolton jeng brei thau, Washington hu yam tame ginum biai hạt nhân saong Triều Tiên meng mboh cambaih lac Bình Nhưỡng oh ngak tui sanya dalam quá khứ. Ông Bolton ndom lac : "kapul ginum biai oh hu jalan sahneng oh njauk saong raidiuk.  Kol dahlak jeng thau cambaih ka dom hagiat bo Triều Tiên hu ngak dalam quá khứ"./.