# Pak baha Phổ Quang, bal raya Hồ Chí Minh bahrau rah tabiak adit ilamo Phật giáo salam uan Phật đản ngan haong danak dak peih parang iek dom tác phẩm ilamo nghệ thuật Phật giáo saong nyaom darak ilamo Phật giáo, nyaom darak pandap mbang chay. Adit ilamo Phật giáo oh lac pok prong công đức di Đức Phật bo daok pok meyaom, khik ramik dom siam gheoh di Phật giáo dalam bruk dak padang, khik ramik saong patagok ialmo bangsa.

      # Dự thảo hukum pacang cakak tham nhũng (pasiam veik) tui kuhria hu ba tabiak, mek panuac di dom urang QH saong brei tapa di mbang nyaom ka 4, QH mbang 14. Dự thảo hukum pacang cakak tham nhũng (pasiam veik) kayua thanh tra rajaei dang tabiak soạn thảo hu pataom tame dom jalan ngak pamaong tal patagok công khai, cambaih laih, dalam nan hu ndom tal trách nhiệm di urang dang akaok jabat, đơn vị.

     # Meng harei 30/4, Đồng Nai peih dom labik daong pablei pabui daok labaih oh ka pablei hu di urang raong glang dalam tỉnh ini. Ini lac bruk ngak hu meng talei pambuak bruk di Sở Ngak nong saong Patagok palei pala haong Sở Công thương saong Hiệp hội raong glang  tỉnh Đồng Nai. Yaom rilo pabui pablei di dom labik nan lap jang yaom pablei di dom baoh darak meng 20 tal 30%. Tui janih bo yaom lap jang meng 15.000 tal 20.000 đồng/kg, dalam tuk nan yaom blei tame di dom trang trại lac 30.000 đồng/kg, glaong jang yaom darak pasar urak ini.

     # Tui kuhria, lượng ia nội sinh tui akaok menuac di taneh ia drei urak ini bahrau hu 3.400 m3/thun saong daok patrun. Meyah bruk ini ala 4.000 m3 sa urang dalam sa thun, taneh ia nan lac taneh ia kurang ia. Bruk pandar ia tagok samar dalam tuk halau ia daok patrun. Dom chuyên gia hu panuac lac, an ninh ia daok lac cuang kandah praong ngan saong bruk patagok kinh tế, XH.

      # Tui kuhria mboh dahlau, tal thun 2020, Việt Nam meda hu takik abih 190.000 urang njauk ruak bahrau ung thư yaok thun. 5 janih ung thư bhian gaok ralo di abih pak urang kamei nan lac: Ung thư tasau, ung thư prauc taha, ung thư phổi, ung thư cổ tử cung saong ung thư dạ dày. Tui Viện Nghiên cứu ung thư, bruk mbang menyum saong njuk pakao hala nan lac dua makna dang akaok di ruak ung thư daok hu jalan tagok ralo di negar drei.

      # Meng harei 29/4 tal harei 2/5, Bà Rịa – Vũng Tàu taduan jaik 450.000 mbang tuai damuai mai rivang, me-in, daok di dom khách sạn, labik du lịch, tagok 7,3%  duk saong thun dahlau ngan saong yaom jien mek tame abih tih jaik 185 tỷ đồng. Dalam luac dom harei tapa, bruk an ninh trật tự di dom huyện, ban di tỉnh Bà Rịa-Vũng Tàu hu tani tanat, bruk niêm yết yaom hu dom đơn vị doanh nghiệp saong dom kapul nyaom menuac urang pablei salih peih ngak samu gauk.

       # Dalam 4 harei padeih lễ, manuac urang nduac radaih paoh gauk tame sang iek ruak Việt Đức biak rilo. Sang iek ruak hu caik 5 phòng mổ, ngak bruk abih công suất saong ngak dahlau ka dom urang njauk trak, cấp cứu min urang ruak jeng daok cang kayua quá tải. Kuhria tal harei 2/5, Sang iek ruak Việt Đức taduan raok 215 urang labuh radaih saong labaih 150 urang njauk rambuis kayua dom bala karei. Kadha njauk ndom nan lac, dalam dom menuac cấp cứu pak ini, hu labaih meteh dom urang menyum bia, alak, ngak nduac ralo darah, ngak jhak tal bruk điều trị, nan ye hu urang njauk padeih blac raih kayua mboh lac meda lahik ralo darah.

        Patui di ini dom khau tin dunya:

     # 13 nghị sĩ di đảng Bareun di Hàn Quốc harei 2/5 khan lac tabiak truh đảng ini, saong daok hu panuac pachreih tui urang ứng cử di đảng HQ tự do cầm quyền, daong patagok jalan jayah di gah bảo thủ dalam bruk bầu cử tổng thống harei 9/5 tal.

     # Trung Quốc hu panuac iew padeih chip Hệ thống phòng thủ tên lửa tầm glaong tukvak puac (THAAD) bo Mỹ daok peih ngak di Hàn Quốc, dom tuk hadei di tuk Washington brei thau Hệ thống phòng thủ tên lửa tầm glaong hu ba tame pandar di negar Đông Bắc Á ini. Brei panuac di sa van họp báo thường kỳ, urang tabiak panuac di  Mentri Ngoại giao Trung Quốc Cảnh Sảng (Geng Shuang) ndom lac: Jalan ngak di Trung Quốc nan lac cambaih laih saong dahlau hadei jeng yau gauk: Khaol dahlak  phản đối bruk peih ngak Hệ thống phòng thủ tên lửa tầm glaong pak Hàn Quốc, pachreih dom gah pambuak pagam tal padeih chip bruk ngak ini.

       Thủ tướng Thái Lan Pray-út Chan Ô-cha brei thau, Tổng thống Mỹ Donald Trump hu ndom lac talei pambuak bruk di dua taneh ia hu jaik gauk jang kuhria meng dahlau mai. Panuac ini brei mboh sa bruk salih barau jalan ngak di Washington kuhria meng bruk đảo chính thun 2014 di Thái Lan. Bruk sanya nan hu ba tabiak tuk Tổng thống Trump ieu phone ndom biai saong Thủ tướng Prayuth, dalam nan ong Trump hu daa ong Prayuth tapa rivang Nhà Trắng./.