# Pahadar 87 thun harei padang Đảng Cộng sản Việt Nam (3/2/1930 – 3/2/2017) saong tukvak akaok thun bahrau athak menuk, page harei (3/2), Thường trực Thành uỷ bal raya Hồ Chí Minh peih van taom gaok 322 Bí thư Đảng uỷ phường, xã, bal sit. Pak van taom gaok, ralo kadha dalam rai diuk di bhap bani dalam bal raya hu urang dang akaok pakat uỷ phường, xã, bal sit di bal ba tabiak ndom biai, brei thau ka ilamo, hatai caong khin saong ba tabiak jalan ngak piah peih ngak siam jang.

# Pagaiy harei 3/2, Ủy ban bhapbini quận Hoàn Kiếm, ban ine Hà Nội peih harei “tet pala phun miat miat hadar dhar phor Wa Ho” xuân Đinh Dậu di sang bac  trung học cơ sở Trưng Vương. Harei di tuk tabiak bruk Tết pala phun njauk tuk pahadar 87 thun harei padang Đảng Cộng sản Việt Nam dak hu makna siam lagaih ka bhapbini saong abih di nyu nan lac anek saih quận Hoàn Kiếm dalam bruk khik caga alam moi truong, njauk angan lac quận pasak di ban ine Hà Nội. 

# Tỉnh Sơn La bahrau peih bruk tabiak mbaok Tết pala phun thun 2017. Danak dak Tết pala phun thun ini pachreih hu ralo bhap bani, urang jakar, urang đảng di dom huyện, bal dalam tỉnh hu mbaok tame. Tui kuhria, mbang tabiak mbaok akaok thun bahrau ini, Sơn La meda pala labaih 10.000 phun dom janih yau: Sấu, lát, binu ban, bơ.... Sa-ai Tòng Thị Sương, phường Chiềng Sinh, bal Sơn La bui sambai khan lac: Dahlak mai ini hu mbaok pala phun pak ini biak bui sambai. Dahlak nao thang jak ba, pathau khan ka abih gauk thau khik iek phun hijao, piah ba mai hijao – hacih – siam.

# akaok mintri ilimo – padhih saong Du lịch Nguyễn Ngọc Thiện barau hu var  taom gaok akaok xuân tadhau yuh tet dom vận động viên, huấn luyện viên di pasak Huấn luyện thể thao negar Hà Nội. Hadei tuk nao ravang cơ sở pasram saong taom gaok tapak, akaok mintri ndom lac, meda ba mbuan lagaih ka vận động viên pasram padhih siam abih, piah mek hu thanh tich glaong ka thể thao Việt Nam.

# Biar harei 2/2, pak bal raya Hồ Chí Minh saong dom tỉnh Bình Dương, Bình Phước, Đồng Nai hu hajan prong. Kayua daok dalam xoáy thấp di bhum Nam bộ, nan ye dalam harei 3/2 saong dom harei anak tal meda hu hajan prong, hajan gap di tuk biar harei sup, rilo meng lac di dom tỉnh bal gah meraong, dalam nan hu ban raya Hồ Chí Minh, bloh hadei di nan nyu takik nao.

# Đội tuyển U23 Việt Nam barau hu var pasram akaok mereip tui tacei pato di huấn luyện viên trưởng Nguyễn Hữu Thắng piah kuhria caga ka mbang giao hữu pakat dunya saong đội tuyển U23 Malaysia. Di harei pataom, đội tuyển U23 Việt Nam hu ginup quân số, lingiu dua urang likau adat hu tập trung muộn lac Thanh Thịnh saong Đức Chinh di SHB – Đà Nẵng. 

# Công an huyện Thanh Chương brei thau, jabat ini hu ngak blaoh hồ sơ jao brei Phòng Cảnh sát điều tra tội phạm ka trật tự xã hội (PC45) Công an tỉnh Nghệ An piah peih prong duah thau bala biak trak ngak 3 urang dalam sa baoh sang metai pak tại huyện Thanh Chương, Nghệ An. Tài xế Phạm Văn Lai, umo 42 thun, daok pak xã Hưng Lộc, bal Vinh nan lac urang ba tal bala nan, hu nồng độ cồn tapa  tanut brei adat, nan lac 0,37 miligam/lít khí thở).

Khaw tin dunya

# Di tuk akaok thun Đinh Dậu, Đại sứ quán Việt Nam di Vê-nê-xu-ê-la hu peih ngak Tết cổ truyền bangsa ngan saong bruk hu mbaok di rilo bhapbini Việt Nam daok diukrai, ngak bruk di Vê-nê-xu-ê-la gam saong dom urang jakar, nhân viên Đại sứ quán saong jabat Tùy viên Quốc phòng.

# Tổng thống Ru-ma-ni Clau-xơ Giô-han-nít (Klaus Iohannis) bahrau kiện tagok Tòa án Hiến pháp negar ini ka sắc lệnh di raja-ei ka bruk oh hình sự hóa dom tội danh pambuak pagam tal tham nhũng, bruk ini ngak ka yaok rituh ribau urang trun jalan biểu tình. Pok sap ndom di mbang họp báo, Tổng thống Giô-han-nít iew raja-ei di Thủ tướng Xô-rin Grin-đi-an-nu (Sorin Grindinanu) tah klaak sắc lệnh hu brei tapa harei 31/1 meng blaoh saong hu peih ngak hadei di sa adit meyah oh hu Tòa án Hiến pháp tabiak phán quyết phản đối sắc lệnh ini.

# Nga, Thổ Nhĩ Kỳ saong Iran meda ginum biai ka bruk ngak tui lệnh padheih cuh di Xyri dalam sa mbang taom gaok di A-xta-na (Astana), ban ine di Ca-dắc-xtan di harei 6/2 tal. Panuac khan di mintri Ngoại giao Ca-dắc-xtan lac, mbang taom gaok ini hu mbaok di Đặc phái viên Liên hợp quốc ka Xyri. Nga, Thổ Nhĩ Kỳ saong Iran daok kham merat daong lệnh padheih cuh mong manh hu Nga saong Thổ Nhĩ Kỳ dang kreh di bilan 12/2016. Lệnh padheih cuh ini oh hu kol Is saong gah Mặt trận Fa-tê an Sam (Fateh al-Sham).