# Luật An ninh mạng hu dom quy định piah khik caga bhap bini plaih dom thông tin jhak meng bruk pandar dom doanh nghiệp pabak dịch vụ angaok mạng viễn thông, mạng internet saong dom dịch vụ angaok mạng di Việt Nam hu trách nhiệm  taih klaak bruk patabiak thông tin jhak, tapa bruk oh atau padeih pabak dịch vụ ka dom urang ini. Hukum hu Quốc hội brei tapa dalam mbang yaom ka 5, hu ba tbaiak ngak tui meng harei 1/1/2019.

# Quyết định 22/2018/QĐ-TTg ka dak padang, ngak tui quy ước, hương ước hu ba tabiak pandar meng harei 1/7/2018.  Quyết định ini pandar ka bhapbini puk, palei, phum, sóc, tổ dân phố, khu phố, khối phố saong dreih yau nan ( alaini ieu lac palei, tổ dân phố) saong jabat, menuac urang hu pambuak tal dak padang, ngak tui hương ước, quy ước. Quyết định ini jeng quy định, hương ước, quy ước hu ba tabiak tuk hu labaih 50% abih tih cử tri atau cử tri lambaok ka sang dalam palei, tổ dân phố njauk hatai.

# Tui Thông tư 15/2018 di Bộ Y tế, meng harei 15/7 tal brei ramik patrun yaom 88 dịch vụ y tế. Ralo bhap bini daok di Đắk Lắk brei mboh njauk hatai haong bruk ramik veik yaom hu Bộ ba tabiak, abih di nyu nan lac bruk trun yaom nằm giường bệnh dalam tuk iek ruak. Amuk Trần Thị Phường, daok di phường Thành Nhất, ban sit Buôn Ma Thuột brei thau: “Caong lac tui bruk di karja urak ini, dalam dom sang iek ruak, meyah ralo menuac ndih veik iek ruak ye siam di nyu lac 2 urang ndih 1 giường bệnh, daok 3 urang ye biak glaih. Ka 2 tra lac maong dom sang iek ruak paglaong bruk di drei, yau Yuan lac lương y như từ mẫu. Hu sarak bahrau yau habr jeng brei hu jru siam ka mikva. Bhap bini mboh lac, jien blei bảo hiểm meyah chit hasit urang oh ndom hagait, tok caong hu dom asar jru siam.” 

# Kuhria rah tapa, yaok thun, ngân hàng darah tỉnh Điện Biên jeng tadun mek hu meng 4.600 tal 5.000 đơn vị darah siam hu urang alin brei. thun 2016, dom darah alin brei ralo jang jaik 1.000 đơn vị duk saong bruk ba tabiak. Kuhria dalam 6 bilan akaok thun 2018, dom darah alin brei hu labaih 73% bruk ba tabiak, lac labaih 3.000 đơn vị. 

#Di ban sit An Khê, tỉnh Gia Lai bahrau hu bruk khuah labik ngak kayau Quốc Thảo, kayua ong Nguyễn Văn Kiệt ndih tapui thun 1966, daok di tổ 4, phường Ngô Ngô Mây, ngak pô. Taong abih kayau dalam xưởng praong 6-70m³ njauk pui mbang khuah abih, khat lihik labaih 1tỷ đồng. Urang jakar daok duah thau, ngak brei cambaih laih makna ba tal khuah.

Khaw tin dunya

# Gilang pariak Trung ương Mông Cổ harei 2/7 brei thau lac taduan mek hu mbang peih jien brei mesraiy ka 4 di Kadung jien dunya (IMF) yaom jaik 37 triệu đôla. Meng paok jien brei mesraiy barau di abih, Mông Cổ meda paglaong khik piah jien. Mbang brei mesraiy barau ini daok dalam danakdak brei mesraiy 3 thun, hu yaom jien abih tih labaih 434 triệu đôla di IMF hu ba tabiak di thun 2017 piah tani tanat kinh te saong padang jalan ka patagok khang kajap di Mông Cổ.

# Dom urang nduac klaak sang danaok di gah Tây Nam Xy-ri (Syria) kayua mesruh metak tagok tal labaih 270 ribau urang. Bruk ini hu urang brei panuac di Cao uỷ Liên hợp quốc ka urang tị nạn  Mô-ha-mét Ha-oa-ri (Mohammad Hawari) brei thau harei 2/7. Menuac nduac klaak sang danaok hu ralo jang dut saong dom harei dahlau di nan. Liên hợp quốc bhian hu panuac brei thau dahlau lac, mesruh metak khang meda ngak ka menuac sia nduac klaak sang danaok nao plaih metai lihik meda tagok khang dalam dom harei anak tal./.

# Dom hãng truyền thông di Mỹ tukvak jaik ini ba tabiak dom  hoài nghi ka sanya di Triều Tiên yah klak danakdak hạt nhân saong tên lửa. Dom asal kadha ini hu pambak tame dom langyah meng dom thoat binguk chụp tapa vệ tinh jaik ini. Karja tổng thống Mỹ Đônan Trăm daok jhul khang piah Triều Tiên phi hạt nhân hóa. Ngọai trưởng Mỹ Mai Pom-peo (Mike Pompeo) daok kuhria lac samar nao ravang Bình Nhưỡng piah ginum biai ka bruk ini.