Khaw tin 6h30 harei 4/7

 # Hội Liên hiệp Văn học - Nghệ thuật tỉnh Sơn La bahrau peih Trại sáng tác meng sap bangsa takik saong roh duah văn nghệ bhap bani thun 2016, ngan haong kadha “Ba gauk padang ngak palei pala bahrau; bac megru saong ngak tui jalan hadah krah siam mekre di Hồ Chí Minh”. Dalam 10 harei, 21 trại viên hu nao duah thau tapak di huyện Vân Hồ saong Yên Châu, roh duah tư liệu sáng tác dom tác phẩm tui kadha; sáng tác hu 47 tác phẩm.

# Hadei labaih 3 thun peih ngak Đề án patrun kathaot khang kajap ka dom xa bhum ceik kan kandah, huyện Vĩnh Linh (Quảng Trị) ieu pataom hu labaih  29 tỉ đồng piah daong dom puk palei patagok kinh tế - xã hội .

 # Yaom lac abih meteh thun 2016 min Đề án “Peih ngak sarak daong brei taneh daok, taneh pala drak, aia pandar ka baoh sang urang bangsa takik kathaot saong baoh sang kathaot di xã, palei biak kan kandah dalam tỉnh Kon Tum vaktu 2014-2015” hu hạng mục bahrau ngak hu jaik 10% bruk ba tabiak. Daok bruk daong taneh pala drak, 7/10 huyện, bal bahrau ngak hu jaik 30%, nan lac Đắk Glei, Ngọc Hồi, Tu Mơ Rông, Sa Thầy, Ia H’Drai, Kon Rẫy, Kon Plông.

# Liên hiệp dom kapul alamu saong kỹ thuật tỉnh Phú Yên tabaik mbaok kaulup kapul Trí thức Phú Yên. Ngan saong 150 urang, kalup kapul Trí thức Phú Yên daok dalam Liên hiệp dom kapul alamu saong kỹ thuật tỉnh Phú Yên, hu bruk ieu pataom dom chuyên gia, dom trí thức khoa học dalam saong langiu tỉnh tapa dom bruk thông tin khoa học kỹ thuật; brei thau kiến thức;  brei thau jalan chính trị tư tưởng…Tapa nan, ba mbuan lagaih ka urang urang trí thức paglaong akaok sahneng, alamu rik daong patagok kinh tế - xã hội di puk palei

# Hajan prong gam haong ribuk khang dui atah dalam dom harei tapa ngak ka labaih 4.000 ha padai Hè Thu dalam tỉnh An Giang jaleih, ngak patrun năng suất, chất lượng padai. Kuhria tal tukvak ini, mikva urang nong tỉnh An Giang yauk hu 32.176 ha dalam 231.700 ha padai dalam tỉnh, năng suất kuhria rah tapa hu jaik 5,9 tấn/ha.

# Piah pabak parilo tapuk, báo di dom labik Bưu điện ilimo xã tukvak 2013- 2020, Sở ilimo, padhih saong Du Lịch Vĩnh Long hu panduan salih  16.900 mbang baok tapuk, bao tạp chí ka 63 labik bưu điện ilimo xã di dom puk aplei dalam  tỉnh, duh ka labaih 70.670 mbang urang puac. Bruk ini rik daong pabak bruk bac megru, duah thau di bhapbini, daong bhapbini paglaong ilamu, ba dom alamu ky thuat barau tame raidiuk, pala drak hu kien laba.

# Labaih 20.000 mbang sinh viên meda hu mbaok tame “Daong pren bilan pakacah 2016” rah tabiak meng harei 25.6 tal harei 12.8, danak dak kayua Hội Sinh viên Việt nam Bal raya Hồ Chí Minh, Mentri pato megru, Pasak daong ba anek saih, sinh viên bal raya Hồ Chí Minh pambuak haong Báo Thanh Niên saong Tập đoàn Thiên Long peih ngak. Danak dak thun ini parabha jeng dua vaktu. Vaktu sa meng harei 25.6 tal harei 4.7, pataom tame daong anek saih nao pakacah mbang pakacah Trung học phổ thông pakat negar pak bal raya Hồ Chí Minh. Vaktu 2 meng harei 30.7 tal harei 12.8, pataom tame raok, tư vấn, tacei pato anek saih mai bal raya nộp hồ sơ xét tuyển.

Khaw tin dunya

# Đại sứ quán Mỹ di I-rắc brei thau, I-rắc meda mek hu sa kadung jien mesraiy yaom 2,7 tỷ USD meng Mỹ, piah blei phao ndao saong ramik pasiam dom phương tiện quân sự pacang kol IS.

 # Trung Quốc phóng hu vệ tinh Thực Tiễn-16 ka dua meng tên lửa jhul Trường Chinh 4B. Ini lac mbang phóng ka 231 di tên lửa Trường Chinh./.  

# Bra-xin tabiak bruk pathau khan piah paglaong akaok sahaneng di bhapbini ka dom âm mưu khủng bố dalam tukvak rah tabiak Ô-lim-pích thun 2016, di ban Ri-ô Đề Gia-nê-rô.